Te fundit
Roland Bejko takim me banorët e Laprakës: Do ndërtojmë fusha sportive në çdo lagje, do jenë falas
10 Maj 2023, 17:08Politika
TEMA
Kandidati i Partisë Demokratike, Roland Bejko, në ditët e fundit të fushatës, zhvilloi një takim me qytetarët në zonën e Laprakës. Teksa dëgjoi shqetësimet e tyre, Bejko u premtoi atyre ndërtimin e më shumë hapësirave sportive, një problem jo vetëm në Laprakë, por në të gjithë kryeqytetin. Këto hapësira do të jenë falas.
Kandidati demokrat tha se fushat publike do të jenë falas për të gjithë qytetarët dhe jo me pagesë siç i ka bërë Erion Veliaj. Po ashtu, Bejko angazhohet edhe për ndërtimin e qendrave rekrative, të cilat do të jenë falas për personat që s’kanë mundësi t’i aksesojnë.
“Shoh këtu që janë disa fusha për fëmijët që luajnë. Nëpër Tiranë fusha të tilla minikalceto, volejbolli e basketbolli janë zhdukur. Ashtu si janë zhdukur komplekset sportive, ose anekset sportive të stadiumeve të cilat i kanë kthyer pallate, siç ka qenë aneksi i stadiumit te Qemal Stafa, ose aneksi i stadiumit tek ish-stadiumi Dinamo. Ose siç kemi një fusha futbolli këtu në Laprakë, u diskutua të jepej për shesh ndërtimi, po tani është një fushë futbolli por me pagesë kundrejt rezidentëve që anë në lagje Nëse unë do jem kryetar i bashkisë tiranë, rezidentët e lagjes Laprakë nuk do të hyjnë të luajnë në këtë fushë me pagesë, do ta kenë falas. Është fusha e tyre, kanë paguar për vite me radhë infrastrukturën shkollore dhe sportive.
Gjithnjë e më pak mungojnë terrene sportive, për të mos fol pastaj për qendra rekreative, që do të thotë të ketë pishina publike, të ketë salla sporti. Këto mungojnë, ndërsa ne do ti ndërtojmë këto salla, ku të ketë pishina verore e dimërore te mbuluara, aty të ketë palestra publike dhe njëkohësisht qytetarët që nuk i kanë kushtet të ushtrojnë sporte t ë ndryshme do subvencionohen nga bashkia dhe do të marrin një biletë falas për tu futur në këto mjedise”, u shpreh Bejko.
Bejko tha se do të heqin taksën e infrastrukturës shkollore, si edhe do ulin me 50% taksat vendore. Po ashtu, taksa e ndërtimit do ulet nga 12% në 5%.
“Ne do të heqim taksën e infrastrukturës shkollore dhe sportive. Me 190 mln euro që e ka bashkia buxhetin tani, taksa për infrastrukturën shkollore dhe sportive zë vetëm 7 mln euro, ndërkohë që bashkia 10 mln euro në vit për inceneratorët që nuk punojnë. Nga ana tjetër ne kemi propozuar uljen e taksave me 50%. Qeveria thotë jo do i ulni deri në 30% se ashtu e vendos qeveria, në fakt në bazë të autonomisë vendore e drejta i takon këshillit të bashkisë që të përcaktojë hapësirën sa do ta ulë taksën dhe sa do ta ngrejë. Kështu që ne do të negociojmë me qeverinë që ta n japë punësinë që ti ulim me 50%.
Ne do ta ulim taksën e ndërtimit nga 12% në 5%, ndërsa 3% do ta marrim, që bashkia e ka detyrim ta marrë për banesa sociale. Do ta marrim një pjesë në para, një pjesë në objekt, me qëllim që nënave kryefamiljare t’iu japim mundësi të strehohen në banesat sociale. Tua bëjmë jetën për rritjen e fëmijëve më të lehtë”, tha Bejko.
Bejko tha se do ta ndajnë Tiranën në 5 zona policentrike dhe kjo do të lehtësojë trafikun.
“Ne mendojmë që Tiranën ta bëjmë policentrike dhe ta ndajmë në 5 zona. Do jetë zona universitare, zona spitalore, zona e banesave të larta, kullave që mendojmë të shtrihet në fund të bulevardit të ri dhe do të jetë edhe zona industriale dhe zonat sportive. Me qëllim që ta orientojmë Tiranën drejt poleve të caktuara. Kjo do na përmirësojë edhe trafikun në tiranë dhe do bëjë të mundur që secili nga ne ta dijë se ku duhet të kërkojë çfarë”, vijoi Bejko.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Hapi thesin edhe ky. Po mirë per mirëmbajtjen e fushave do na thuash gje se ku do marrësh leket . Jo per gje po i bie ti marresh nga taksat tona o Roland . Gjej diçka tjeter e mos bjer ne nivelin e Kelliçit
Prap ky manikini i bere prej dylli, o Bajko pa ngele klubeve duke bere mbledhje ik andej nga ke ardhur nga "Sokaku i te Marreve". A thua se Lapraka eshte lagje e Rio De Zhanjeros, ky po kandidon per kryekar te FSHF per t'i zene vendin mafiozit Duka. E ka koken si ajo e Duces te stampuar ne soldat metalike qe perdoreshin ne Itali ne kohen e fashizmit.
Foto sa nje mije fjale. A thua se jane ne nje vaki
FUSHA MO PER TE TERE.........TREG PER TE TERE,TR PO PER NDER....FALAS MO JU THEM.........AUTOMUS FALAS PO JU THEM PER TE TERE MO.KA ME BOLLEK MO. ..... HALE PER TE TERE MO BUZE LANES.........QOFTE E SUFLLAQE NE CDO SEMAFOR MORE.....................
Plasi ne Tirane cdo gje falas .Yzhym per Tirane .Ne te gjitha rruget hyrese Ne Tirane do te gjeni te shkruar me germa kapitale Parrullat CFAR JU DO SHPIRTI E KENI FALAS.
Plasi ne Tirane cdo gje falas .Yzhym per Tirane .Ne te gjitha rruget hyrese Ne Tirane do te gjeni te shkruar me germa kapitale Parrullat CFAR JU DO SHPIRTI E KENI FALAS.