BE: S'ka premtime për viza për Kosovën

Bashkimi Evropian nuk i jep premtime Kosovës për fillimin e dialogut për heqjen e vizave, pasi ky është “dialog teknik”, deklaroi në Bruksel Michele Cercone, zëdhënës i Komisionit Evropian.

Por, sipas tij, Bashkimi Evropian po e analizon përmbushjen e kritereve nga ana e institucioneve të Kosovës për nisjen e dialogut për heqjen e vizave.

Nga ana tjetër, duke u shprehur për zgjedhjet në Kosovë, Angela Filote, zëdhënëse e Komisionarit për Zgjerim, Stefan Fule, tha se BE-ja “shpreson se zgjedhjet në Kosovë do të jenë të lira dhe të ndershme”, raporton REL.

Më tutje, ajo theksoi se Bashkimi Evropian i inkurajon “të gjithë qytetarët e Kosovës, që me daljen në zgjedhje, ta shfrytëzojnë të drejtën e tyre demokratike”, në mënyrë që nëpërmjet të votimeve të realizohet programi evropian.

Këto komente ajo i bëri e pyetur nga gazetarët lidhur me raportet se Beogradi u ka bërë me dije serbëve në Kosovë se nuk e mbështet daljen e tyre në zgjedhjet e përgjithshme të jashtëzakonshme në Kosovë, më 12 dhjetor.

Vritet kandidati boshnjak për zgjedhjet e 12 dhjetorit

18:34 Rajoni

Lirohet përkohësisht Haradinaj

17:47 Rajoni

Rikthehen në punë policët e incidentit "Vokshi"

16:16 Rajoni

Kosove, nis fushata parazgjedhore, 29 subjekte në garë

18:14 Rajoni

Steinbach: Kosova ka nevojë për zgjedhje të drejta

18:08 Rajoni

Gjykatësi që dënoi Vokshin: Kryeministrat na nëpërkëmbën

18:09 Rajoni