Flamuri feston Shën Valentinin e “mbesave”

Flamuri e ka zakon që çdo ditë e nis punën me kalendarin e zyrës ku ka të shënuara ditëlindjet e ish anëtarëve të kryesisë, anëtarëve të qeverisë, dhe gjithë anëtarëve të Familjes. Së fundmi ka shtuar dhe ditëlindjen e Bekimes. Dje i thanë që një nga mbesat kishte ditëlindjen. Hapi bllokun, por në fakt ato e kishin në Dhjetor.

– Ç’më duhet mua kur e ka vërtet, tha. Dhe ai burri në korrik ka lindur, por në tetor e ka caktuar.

Thirri Cecën me urgjencë.

– Duhet ta çlirojmë atë burrin nga atmosfera e zymtë e grushtit të shtetit dhe sidomos nga tensioni që u krijua kur u morën vesh planet për eliminimin e tij fizik me çadër- pistoletë, ose stilolaps- pistoletë, i tha. Sot kemi rastin. Është Shën Valentini.

– Ça thu mo çun, të bëj si e dashuruar kot unë vetëm për një lajm. Vari trapin, gjejmë ndonjë gjë tjetër se s’më shkon ky rol.

– Po jo ti mo jo se s’të beson njeri. Po një mbesë e atij burrit ka ditëlindjen. Dhe një tjetër e ka pasur tani afër. Ata si shtëpi s’e kanë problem, se ja ai burri e ka në korrik dhe e feston në tetor. Kështu që unë them të bëjmë një ceremoni dhe ta çojmë atë burrin për surprizë.

– Shumë mirë, tha Ceca, dhe ja nisën punës. Gjithçka u bë gati për disa orë. Familja u thirr në City Park, ndërsa ai burri arriti për tu bërë nga një dhuratë mbesave.

Flamuri dhe Ceca po shijonin dialogun e tij me mbesat.

– Dhuratën e parë e kam për mbesën e madhe, tha duke i dhuruar një trëndafil.

– O gjysh, çfarë është Shën Valentini, e pyeti mbesa.

– Dita e të dashuruarve të keqen gjyshi, ju përgjigj. Është dita kur për dashurinë bëhen sakrifica sublime.

– Çfarë quhet sakrificë sublime gjysh, e pyeti mbesa.

– Po ja, të heqësh dorë nga një gjë që e do shumë për hir të një parimi, i tha ai burri.

– E kuptova, tha mbesa. D.m.th sikur ti për shkak të gjyshes të heqësh dorë nga pushteti….

– Jo të keqen gjyshi. Nuk ka lidhje me politikë, por me raportet mes njerëzve.

– O gjysh, po kjo është festë për të rritur, pse na e bëre sot festën ti, e pyeti mbesa e dytë, se una kam lind në dhjetor?

– Po se gjyshit nuk i pritet sa të rriteni të keqen gjyshi, se tani janë shtuar punët dhe mezi pres tu shikoj të rritura dhe të merreni vet me pronat tuaja.

– O gjysh, kur të rritemi ne do martohemi me tokat e mamit?

– Jo të keqen gjyshi, ju do gjeni shokët tuaj, por ne do bëjmë kujdes që ata të mos ta kenë mendjen tek tokat e mamit, por tek ju.

– O gjysh, po kur të rritemi ne dhe të kemi të dashur, ti do jesh kryeministër apo president?

– Çfarë do ti të bëhem të keqen gjyshi, e pyeti ai burri.

– Unë them të bëhesh prokuror i përgjithshëm gjyshi, që mos të të trembë ajo gruaja që ti i thua lavire dhe të rrish gjithë natën pa gjumë.

– Mirë të keqen gjyshi, ashtu po bëhem.

– Unë them të bëhesh edhe president, shtoi mbesa tjetër, që të mos lësh njeri të bëjë puç shteti.

– Mirë të keqen gjyshi, ashtu do bëhem.

– O gjysh, o gjysh, p kryeministër kush do bëhet atëherë…?

– Mos u mërzisni se gjyshi do kujdeset dhe për atë punë, i tha ai burri.

Flamuri dhe Ceca po ndiqnin skenën me lot në sy.

– Ah ta kishim njerëz kaq të përgatitur, tha Flamuri, po qe se nuk i bëja të gjitha anëtarë kryesie.

Ja sekretet e fshira në kompjuterin e Dritan Priftit

20:00 Antena

Njeriu me Bllok

16:01 Antena

Jozi zemërohet me Sandrin për intervistën tek “Opinion”

19:29 Antena

Flamuri i raporton Doktorit: Na thanë jeni 74 Paloqe... “Nga Grushti i Shtetit tek Grushti i Palokës”

20:11 Antena

Flamuri propozon shpërblime për “mbrojtësit” e Puçit

20:37 Antena

Flamuri zgjedh SHAQIRËN. Eleminohet Rihanna dhe Lady Gaga si majtiste

19:31 Antena

Flamuri, i kënaqur me mbledhjen e Këshillit Kombëtar

19:37 Antena

Humbasin çelësat e PD, Flamuri në alarm

17:26 Antena

Flamuri merr në analizë angazhimin e kuadrove të PD-së

20:01 Antena

Sandri ngatërron tabulatet e Bushatit në Komision

21:06 Antena