PACOLLI ZGJIDHET PRESIDENT

UPDATE- E treta e vërteta. Behxhet Pacolli është zgjedhur president i Kosovës, në raundin e tretë të votimit, me vota 62 vota për, 4 kundër dhe 1 të pavlefshme nga 67 deputetët e pranishëm. Duket se presioni ndaj deputetëve të PDK-së nga ana e drejtuesve të kësaj partie, e cila kishte kërkuar pushim të shkurtër konsultues 5 minutësh (që zgjati shumë më tepër) – pas dy raundeve të dështuara të votimit të Pacollit për president – sollën “suksesin e pritur”. Në dy rrethet e para të votimit Pacolli nuk arriti të siguronte votat e nevojshme (80 sosh) për të qenë president i vendit, për shkak se në sallën e Kuvendit ishin prezent vetëm 67 deputetë – pasi që deputetët e LDK-së, Vetëvendosjes dhe AAK-së kanë bojkotuar votimin dhe janë shprehur kundër zgjedhjes së Pacollit president. Madje, me votat e fituara në dy raunde të para të votimit, parashikohej edhe mundësia e dështimit të raundit të tretë – kur presidenti mund të zgjidhej me shumicë të thjeshtë prej 61 deputetësh – sepse pro Pacollit votuan vetëm 54 (raundi I) respektivisht 58 (raundi II) deputetë. Dhe po që se do të dështonte zgjedhja e presidentit edhe në raundin e tretë, atëherë Kuvendi do të shpërbëhej dhe Kosova do të shkonte në zgjedhje të jashtëzakonshme.

“ZERI”

Zgjedhja e Behxhet Pacollit president i Kosovës ka dështuar edhe në raundin e dytë. Nga 67 deputetë që morën pjesë në votim, përjashto deputetët e opozitës, që bojkotuan votimin, 58 deputetë kanë votuar në favor të zgjedhjes së Pacollit si president, 7 kanë votuar kundër dhe 2 vota ishin të pavlefshme. Pas përfundimit të raundit të dytë të votimit për president të Republikës, Partia Demokratike e Kosovës kërkoi shtyrje të seancës. Kërkesës së PDK-së, kryetari i Kuvendit, Jakup Krasniqi, i është përgjigjur duke ofruar një pauzë të shkurtër dhe duke e cilësuar shtyrjen e seancës si “veprim antikushtetues dhe presion mbi deputetët”.

…

Raundi i parë për zgjedhjen e Behxhet Pacollit si president i Kosovës ka dështuar. Nga 67 deputetë të pranishëm në votim, vetëm 54 prej tyre kanë votuar pro Pacollit, ndërsa 11 kanë votuar kundër dhe 2 kanë abstenuar. Në seancë merrnin pjesë vetëm deputetët e PDK-së, partisë së Pacollit dhe minoritetet, pasi LDK, Vetëvendosje dhe AAK vendosi që të braktiste seancën. Tashmë pritet që të zhvillohet raundi i dytë për votimin e Pacollit si presidenti.

…

Grupi Parlamentar i LDK-së, Grupi Parlamentar i “Vetëvendosjes”, dhe Grupi Parlamentar i AAK-së nuk do të marrin pjesë në votimin për zgjedhjen e presidentit dhe të qeverisë së Kosovës. Këto tri parti janë shprehur kundër zgjedhjes së Behgjet Pacollit për president të vendit, si dhe kundër qeverisë që del nga koalicioni PDK-AKR dhe pakicat. Në mbledhjen e jashtëzakonshme të Kuvendit të Kosovës Behgjet Pacolli është nominuar kandidat për president. Në emër të AKR-së, nominimin e bëri deputeti i kësaj partie Ibrahim Makolli.

Fajon: Për Serbinë dhe rajonin mund të aplikohen sërish vizat

12:37 Rajoni

Pacolli s’i ka të gjitha votat e PDK-së

10:25 Rajoni

Leter deputeteve te Kuvendit te Kosoves

20:16 Rajoni

Sulmohet nga huliganët serbë ambasada e Kosovës në Paris

11:36 Rajoni

Limaj: Nuk do të jem pjesë e kabinetit qeveritar

11:30 Rajoni

Jakup Krasniqi zgjidhet kryetar i Kuvendit të Kosovës

11:27 Rajoni

Foreign Policy: Banditokracia e Kosovës

15:21 Rajoni

Nënshkruhet koalicioni PDK-AKR

14:41 Rajoni

Fatmir Limaj mbetet jashtë qeverisë së re. Ja kabineti i ri

20:44 Rajoni

Pacolli: Serbia është nëna e keqe e Kosovës

17:26 Rajoni