Te fundit

Bregu i Fildishtë zhytet në gjak. Ç’po ndodh në vendin afrikan?

6 Prill 2011, 11:46Bota TEMA

Një burrë dergjet përtokë, gjaku rrjedh në rrugë. Një nga konfliktet më të frikshme po zë vend në Afrikë. Me mijëra janë të vdekurit, shumica të vrarë me macheta (thikat- shpatë, mjaft të njohura në këtë vend).

Çfarë po ndodh në Bregun e Fildishtë?

Para pesë muajsh banorët e këtij vendi vendosën me votë: presidenti Laurent Gbagbo (65 vjeç) duhet të ikë, sfidanti i tij, Alassane Ouattara (69 vjeç) duhet të vijë në pushtet. Por Gbagbo refuzon të lëshojë pushtetin, lëshon trupat e tij në rrugë, gjaku bëhet lumë. Edhe pse trupat e OKB kanë nisur tu kundërvihen trupave të tij, Gbagbo nuk dorëzohet, ai fshihet në një tunel prej nga jep urdhra.

Çfarë roli luajnë francezët?

Franca e ka pasur koloni të saj Bregun e Fildishtë deri në vitin 1960 kur shpalli pavarësinë. Të dy vendet janë të lidhura ngushtë. Përveç kësaj, Franca ka trupat e saj në misionin e OKB në Afrikë. Presidenti Sarkozi ka bërë presion: Gbagbo duhet të ikë dhe të njohë presidentin e ri.

Kur do të dorëzohet Gbagbo?

Despoti është në fundin e tij. Televizioni francez RFI thotë se ushtria e tij është shkatërruar. Francezët thuhet se janë gati të sigurojnë një azil për Gbagbo-në. Një mundësi është që ai të largohet në Mauritani.

Po kush është Gbagbo?

Dikur ishte një martir, i dashur nga njerëzit e tij. Profesori i historisë ka njohur pikat e larta dhe të ulëta në karrierën e tij. Ka bërë burg për pikëpamjet e tij. U bë president në vitin 2000, por deri në vitin 2007 vendi ishte në luftë civile. Formalisht në këtë vit mori fund konflikti. Në vitin 2010 ai i manipuloi zgjedhjet, megjithatë nuk arriti dot të merrte gjithë votat. Më pas detyroi gjykatën kushtetuese ta shpallte fitues të zgjedhjeve.

Lini një Përgjigje

Më të lexuarat

Blog Tema

Powered by Tomorrow.io