Te fundit
SHEMBULLI NGA GJERMANIA/ Ylli i liberalëve: Do e mbyll karrierën 45 vjeç
6 Prill 2011, 08:34Blog
TEMA
Filip Rosler
Liberalët gjermanë janë në një krizë të thellë. Anketat tregojnë se mbështetja ndaj tyre është në rënie. Drejtuesi i tyre për dhjetë vjet, Guido Vestervele dha dorëheqjen para pak ditësh pas rezultateve të dobëta në zgjedhjet e pjesshme. Partia arriti në tre përqind. Vestervele, një homoseksual i deklaruar, dha dorëheqjen edhe nga posti i zëvendëskryeministrit, që pritet t’i kalojë drejtuesit të ri. Tashmë të gjithë shpresat e liberalëve janë tek ylli politik, Filip Rosler, 38 vjeç. Ai do jetë pasues i Vesterveles, por jo për një kohë të gjatë. Në intervistën e parë ai ka bërë të ditur se do e mbyllë karrierën në politikë në moshën 45 vjeç. “Jam i sigurt, në moshën 45 vjeç do i jap fund angazhimit në politikë. Politika i ndryshon njerëzit. Prandaj gjithçka bëhet në kohën e saj,” ka thënë Rosler.
Rosler është një jetim, që erdhi në Gjermani pa emër, madje as ditëlindja e tij nuk dihej.
Ai u lind në Vietnamin jugor në mes të luftës. Prindërit e tij u vranë pak pasi erdhi në jetë. Askush nuk di gjë se kush janë ata. Por ai pati një fat të çuditshëm. Dikush e mori foshnjën dhe e çoi në një shtëpi jetimësh të kishës katolike. Nëntë muaj më vonë, familja Rosler nga Hamburgu në Gjermani e adoptoi fëmijën dhe ia vuri emrin Filip.
Lini një Përgjigje
Më të lexuarat
24 oret e fundit
Javen e fundit
Blog Tema
