Departamenti i Shtetit: Korrupsioni qeveritar po pengon reformat. Mbyllja e Temës, represion ndaj medias

UPDATE- Për herë të parë flitet direkt për korrupsionin qeveritar e jo për korrupsionin në përgjegjësi si pengesë e reformave të rëndësishme. Në raport përmend rasti i mbylljes së gazetës Tema si represion ndaj medias

Departamenti i Shtetit ka publikuar raportin vjetor për liritë e të drejtat e njeriut në botë. Raporti përmban të dhëna për vitin 2010. Sa i përket Shqipërisë, në raport thuhet se korrupsioni qeveritar është një pengesë madhore për reformat e vërteta. Për herë të parë, ndryshe nga sa është vepruar më parë, flitet direkt për korrupsionin qeveritar si pengesë. Më përpara thuhej se korrupsioni është tejet i përhapur, pa specifikuar qeverinë. Raporti citon sondazhin që thotë se 91.8 përqind e shqiptarëve besojnë se korrupsioni është tejet i përhapur. Kategoritë më të korruptuara, thuhet në raport, janë tatimorët e mjekët. Raporti përmend imunitetin si mburojë për hetimin dhe procedimin e zyrtarëve të lartë. Po ashtu në raport thuhet se gjatë vitit që shkoi, prokuroria nuk kërkoi heqjen e imunitetit për Fatmir Mediun në lidhje me shpërthimin në Gërdec. Në raport thuhet se shumë shpesh qytetarët hasin probleme serioze për të marrë informacione nga institucionet publike dhe qeveritare.

Rasti i gazetës Tema

Sa i përket lirisë së medias, raporti përmend edhe rastin e gjobitjes dhe mbylljes së gazetës Tema si rast të hakmarrjes ndaj medias. “Individët mund të kritikojë qeverinë publikisht ose privatisht pa pasur frikën e ndëshkimit, megjithatë ka pasur edhe përjashtime. Disa media raportuan se kanë përjetuar inspektime selektive nga tatimorët për shkak të pikëpamjeve të tyre editoriale. Dy të përditshmet, Tema dhe Korrieri, u mbyllën në pranverë për shkak se kishin marrë gjoba nga 200 mijë e 220 mijë dollarë. Të përditshmet thanë se qeveria u vendosi taksa për shkak se u mungonte dokumentacioni që tregonte se ata kanë shkatërruar kopjet e pashitura. Tema theksoi se inspektimet shkonin pas deri në vitin 2005. Tema e apeloi gjobën dhe procesi vijon. Në tetor Tema rinisi punën pas një riorganizimi,” thuhet në raport.

Gjithashtu në raport përmendet edhe çështja e gjyqit ndaj biznesmenit Rezart Taçi.

“Në dhjetor, biznesmeni Rezart Taçi, që akuzohej se kishte sulmuar gazetarin Mero Baze në nëntor të vitit 2009 për raportimet e tij në lidhje me korrupsionin e dyshuar në privatizimin e ARMO-s, rafinerisë shtetërore të naftës, iu pushuan akuzat. Dy truprojat e tij u gjobitën me nga 3500 dollarë,” thuhet në raport.

Përfundimet e raportit

-Në përmbledhje të raportit thuhet se “Në qershor të vitit 2009, vendi mbajti zgjedhjet parlamentar, të cilat ODIHR i cilësoi si zgjedhje që bënë progres në krahasim me zgjedhjet e shkuara, por nuk realizuan plotësisht angazhimet e OSBE-së. Ndërkohë që Partia Socialiste votoi për të certifikuar zgjedhjet si ligjore dhe përfundimtare, nisi bojkotin ndaj parlamentit në shtator 2009, duke bërë thirrje për një hetim mbi atë që dyshon se është manipulim zgjedhor. Bojkoti vijoi deri në fund të vitit. Ka pasur raporte se policia ka rrahur mizorisht dhe ka keqtrajtuar të dyshuarit gjatë marrjes në pyetje ose mbajtjes në paraburgim. Janë raportuar edhe disa raste keqtrajtimesh në burgje. Korrupsioni policor dhe pandëshkueshmëria vijuan. Korrupsioni qeveritar vazhdon të mbetet një problem serioz dhe i pazgjidhur. Diskriminimi ndaj grave, fëmijëve, homoseksualëve dhe minoriteteve mbeti problem. Trafiku i personave gjithashtu mbeti një problem.”

-Në raport flitet edhe për vrasjet e dy zyrtarëve politikë: “Nuk ka pasur raportime se qeveria ose agjentët e saj kanë kryer vrasje të paligjshme ose arbitrare. Vrasjet e dy figurave politike- anëtarit socialist të parlamentit, Fatmir Xhindi dhe liderit kristian- demokrat, Aleks Keka- janën hetim dhe mbetën të pazbardhura deri në fund të vitit”.

-Raporti përmend edhe hetimin e Dik Martit për llogari të Këshillit të Europës: Më 12 dhjetor Asambleja Parlamentare e Këshillit të Europës lëshoi raportin e Dik Martit, një raportues i KE me dyshime në lidhje me keqtrajtimin e të burgosurve dhe trafikun e organeve. Raporti theksonte se nga korriku 1999 deri në mesin e vitit 2000, elementë të UÇK-së kanë mbajtur të burgosur disa persona në disa vende në Shqipëri. Raporti thotë se disave prej këtyre personave iu janë marrë veshkat për trafik. Raporti thotë se shumica e atyre që janë mbajtur peng dyshoheshin nga UÇK-së si bashkëpunëtore të serbëve. Sipas raportit, burime të sigurta të dorës së parë implikonin në vrasje “Grupin e Drenicës”. Raporti theksonte se kreu i Grupit të Drenicës, kryeministri kosovar, Hashim Thaçi, vepronte me mbështetjen dhe bashkëpunimin e qeverisë shqiptare, shërbimit sekret dhe mafias. Autoritetet shqiptare kanë denoncuar përmbajtjen e raportit por janë shprehur të gatshëm për të bashkëpunuar për çdo hetim.

– Një problem shqetësues është edhe problemi i gjakmarrjes, që citohet në raport: Gjatë vitit janë raportuar vrasje për gjakmarrje dhe për hakmarrje. Këto vrasje disa herë kanë përfshirë edhe grupe kriminale. Sipas Ministrisë së Brendshme, ka pasur pesë vrasje të lidhura me fenomenin e gjakmarrjes gjatë vitit. Por OJQ-të thonë se ka pasur 55 vrasje që lidhen me gjakmarrjen gjatë vitit.  Frika nga gjakmarrja mban të burgosura rreth 1490 familje në vend. Gjykata e Krimeve të rënda ka gjykuar disa raste të tilla. Ndëshkimi në rast vrasjesh për gjakmarrje është nga 20 vite deri në bug përjetë. Policia në disa raste përdori dhunë e kërcënime për të nxjerrë rrëfime.

-Sa i përket gjyqësorit, thuhet se ai nuk është i pavarur: Kushtetuta thotë se gjyqësori është i pavarur, megjithatë, presioni politik, korrupsioni i përhapur dhe burimet e kufizuara dhe frikësoi shpesh kanë penguar gjyqësorin që të veprojë si i pavarur. Politizimi i emërimeve në Gjykatën e Lartë dhe atë Kushtetuese kërcënojnë të minojnë pavarësinë dhe integritetin e këtyre gjykatave.”

-Për lirinë e medias, raporti përmend që në fillim rastin e gazetës Tema, por edhe sulmet ndaj Top Channel. “Ka raporte se qeveria dhe biznesi kanë ushtruar biznes mbi median,” thuhet në raport. “Televizioni Publik mbtet nën kontrollin e qeverisë sa i përket linjës editoriale. Shumica e pronarëve të televizioneve private thonë se përmbajtja e transmetimeve të tyre mund të ndikojë në aksionet e qeverisë ndaj bizneseve të tyre,” vijon më tej raporti.

Raporti përmend gjobën 500 mijë dollarë ndaj emisionit Fiks Fare dhe largimin e Top Channel nga godina.

Berisha në Vlorë: Ramën në krye të PS e solla unë dhe Fatos Nano

17:10 Politika

Reprezalje mbi shoqërinë civile, qeveria kontroll “MJAFT”-it

16:58 Politika

Rikthehen pas tre muajsh në KQZ anëtarët e opozitës

15:45 Politika

Volfarth: Më 8 maj të shmanget votimi familjar

11:25 Politika

Mediu: Basha ka lënë gjurmë në Shqipëri

10:19 Politika

Është e lirë një grua e mbuluar?

09:40 Politika

Topi: Autorët e dëbimit të romëve, të marrin dënimin e duhur

09:37 Politika

Zgjidhen dy anëtarët e rinj të KLD-së

09:30 Politika

Fushë Krujë, eksploziv urës hekurudhore nga transportohej çimento

09:05 Politika

Kongoli: Jam përlyer në dënimin e kolegut në '81. S'mund të jem i larë

08:56 Politika