Te fundit
Samir Ujkani drejt Palermos
29 Korrik 2011, 17:08Sport
TEMA
Portieri i kombëtares shqiptare, Samir Ujkani, sezonin e ardhshëm mund të luajë për Palermon, ekipn në të cilin ka qenë portier i tretë.
Sipas mediave italiane, pas shitjes së portierit Sirigu tek PSG, Palermo është vënë në kërkim të një portieri.
Alternativa e parë e Palermos është portieri i Kievos, Sorentino. Ky i fundit ka shfaqur dëshirën për të kaluar tek Palermo, por Kievo është shprehur se Sorentino nuk është në shitje, duke bllokuar kështu çështjen.
Për këtë arsye, drejtuesit e Palermos janë duke marrë në konsideratë alternativat e tjera dhe zgjedhja e parë pas Sorentinos, duket se është pikërisht Samir Ujkani.
Portieri i kombëtares sonë është në bashkëpronësi mes Palermos dhe Novarës. Sezonin e fundit ai luajti në Serinë B me Novarën, të cilën e ndihmoi të ngitej në Serinë A.
Tashmë në ditët në vijim do të mësohet nëse Ujkani do të vazhdojë që të luajë për Novarën, apo do të transferohet tek Palermo.
Lini një Përgjigje
Më të lexuarat
24 oret e fundit
Javen e fundit
Blog Tema
