Te fundit
Turp e faqja e zezë!
13 Tetor 2011, 11:27Blog
TEMA
Nga Inida Gjata ZHAKU
Le ta nisim ditën e nesërme kështu: Të zgjohemi nga zhurma e komshiut që ndërton ndonjë gjë pa jeje të lejuar, të lahemi me kanoçe ose shishe ose ujë depozite, ose ujë me orar, të marrim rrobat që kemi var te kablli tensionit apo i telefonit, të hekurosemi, të parfumosemi dhe të shkelim mbi qese, kartona, kanoçe, letra, hekur, daulle, dokumenta, pluhur, rrënoja,gropa, dhe, baltë, llucë, arka birre, plastikërira , qelqurina, etj etj. Derisa të kemi mbërritur në punë. Të kemi hapur fejsbukun dhe të kemi shkruar ” Një ditë të mbarë të gjithëve” dhe le të nisim menjëherë nga puna. Të lexojmë dallaverin e parë, i cili ka të bëjë me një femër të njohur, të bukur, të talentuar, të pambështetur, që pret të bëhet nënë dhe që nuk e pati të lehtë jetën deri në çastin kur befas humb dhe bashkëshortin dhe, le të nisim diskutimin me koleget:
E mi se vetë e pati fajin , ç’i duhej asaj të bënte zgjedhjet që bëri në jetë? Nuk e merrte dot me mend ajo se kjo do ndodhte? Ajo ia mori asaj që ia kishte marrë asaj që ia kishte marrë asaj e kshu me rradhë … le të vazhdojmë të punojmë gjatë gjithë 8 orarëshit. Duke , jo vetëm mos bërë punën që duhet të bëjmë, por edhe të bëjmë punën e kujt s´duhet të bëjmë. GJYKATESIT! Duke mos menduar për asnjë çast që përgojojmë padrejtësisht njerëz të cilët përveçse shohin vetëm punën e tyre, jetojnë edhe një dramë të madhe. Duke ia bërë barrën tjetrës edhe më të rëndë edhe më të vështirë. Duke e fajësuar për jetën e saj. Për atë që i përket vetëm asaj. Duke e shndërruar dallaverin tonë në tragjedi edhe më të madhe se ngjarja që e ka përfshirë atë. Por nuk bëhet fjalë këtu vetëm për dikë. Këtu bëhet fjalë për femrat në kët vend. Sidomos kur ato janë publike dhe trajtohen si kronikë rozë edhe kur mbi to ka ndodhur gjëma.
Por jo, një dallaver në 8 orarësh nuk mjafton. E si do ti justifikonim ato orë plot lloqe nëse nuk do të ishin fejsbuku e bloge të tjera ku të gjithë i urojmë ditë, javë, muaj e vite të mbara njëri tjetrit duke mbllaçitur plot vrer mbi femra që fatkeqësisht hyjnë në gojët e kujtdo pa vullnetin e tyre. Por thjeshtë sepse të gjithë ua dinë historitë, ngaqë bota nuk ngopen kurrë së foluri edhe gjatë 8 orarëshit të gjumit madje.
Dallaveri i dytë: Një tjetër femër , 15 vjeç e cila pretendon se është dhunuar seksualisht nga pedagogu i saj 45 vjecar , qysh kur ajo ka qenë 11 vjeç duke rrëfyer se marrëdhëniet e tyre seksuale kanë qenë formë shantazhi që profesori bënte ndaj saj , duke e kërcënuar me përjashtim nga shkolla . Njëkohësisht e akuzuar për shantazh , orgjira dhe kurvërira nga pedagogu i saj . Dhe, meqë ne si GJYKATëS pa portofol, nuk na rrihet pa gjykuar, ndëshkojmë vajzën , nënën , babain dhe familjen e saj dhe lexojmë plot ëndje nëpër revista si hero , shembull e model, pedagogun , lakuriq , me gruan lakuriq dhe me dy fëmijët e tyre lakuriq nën tituj të tipit : Ja se si më futi në kurth 15 vjeçarja që unë kisha vendosur të përjashtoja nga shkolla kur mora vesh se bënte orgjira me filanin e fistekun . Ku flet edhe për libra me orgjira fëmijësh dhe ëndrra pornografike mes nxënësve të tij , të mirëbesuar nga familje të profileve të ndryshme shoqërore. Me bindjen e thellë se fëmijët nga ai do mësojnë të jenë aktorë të mirë, shkrimtarë e këngëtarë .
Dhe pas kaq vitesh mes fëmijësh, ky pedagog që edhe lakuriq e gjen nëpër kopertina revistash me tituj profesionalë, pas 8 vitesh drejtues i një shkolle arti fëmijësh , publikon një libër pornografik ku gjasme “nuk” flitet për nxënësen e tij 14 vjecare.
Dhe nisim dialogjet me koleget : Jo mi ti po janë prish fare gocat e vogla. Shih ça bëjnë ëëë. I shkon mëndja deri tek orgjirat. Deri tek shantazhet. I shkreti burrë. Ajo, ajo, ajo e ka fajin. Spërdridhen mi kto tvoglat, ska faj ai … etj etj etj duke harruar se flasim për një FEMIJE!
Neveri! Neveri më vjen nga kjo shoqëri që në vend të bëjë punën e vet, pra të punojë për një shoqëri më të mirë, i plotëson 8 orarëshet duke drejtuar gishtin nga të tjerët. Duke mbajt qëndrime. Duke bërë moral. Duke uruar ditën e mbarë fejsbukut dhe ditën e zezë femrave që presin të bëhen nëna dhe fëmijëve që presin të bëhen gra. Cfarë shoqërie! Sa e neveritshme të rrosh e të vdesësh në këtë shoqëri që çdo 8 orarsh e zhyt edhe më në llum veten e vet!
10 komente në “Turp e faqja e zezë!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
rrealitet i hidhur shqiptar,,,,!!
te pafat ata qe jetojne akoma ne ate burdello,ku krimineli e perdhunuesi,quhen VIP-a!!
FATALE!!
Zhaku te njoh nga ekrani dhe te them te drejten me ke pelqyer deri diku.E shrehje lirshem mendimin tend pa pase frike nga paragjykimet,por ky opinion i imi ndryshoi totalisht kur te kam pare te dalesh jashte kontrollit ne ate tubimin kundra prishjes se piramides.Neveri pata edhe une ashtu si ti qe paske neveri per kete shoqeri.Po ti cfare ke bere me kete shkrim?Ke gjykuar ke mbajtur qendrim,ke bere moral!Sipas teje qenkan gabim ata qe mendojne ndryshe nga ti.
ti ina qenke pule nga trute
Bravo,Zhaku!Je nje FEMER EUROPIASNE,TRIME,E ZGJUAR DHE E PA KOMPROMENTUAR!!!Dikur,ne fillimet e tua me je dukur jashte orbite,ndersa tani t5hem se SIKUR TE JENE CA SHUME SI TY,ne do te ishim bere SHTET NDRYSHE!!!Kur shikon ca femra ,qe Berisha i ka NGRITUR NE DETYRE,te SHQYEJNE SYTE E GOJEN,DUKE TE MBUSHUR ME PESHTYME,SI R.Bulku,A.Vokshi ,J.Topallja etj,me vjen per te vjelle!!!Roli i femres ne shoqeri nuk eshte PARAJA DHE SAKSI,POR NE RADHE TE PARE ROLI I TYRE FISNIK NE ZHVILLIMIN E SHOQERISE NE TERESI!!!URIME DHETE PACION INAT SHOQKAT NGA “QYTETI”!!!
Offfee po sa e bukur qenka kjo Inida more a eshte e martuar kjo apo eshte beqare si une e pershendes nga Kosovari i Lionit
mos te duket gje me burka,qe po te pelqen!!!!!!????
per mua nice ? Zhak, kam ok njerezit ne kete vend dhe jo vetem nuk bejne aspak punen e tyre, vetem flasin per te tjeret
Po cdokush duhet ta provoje ne kurriz qe pastaj te kete gjykim te qarte
zhaku po kjo ina cfare ka me ty mos eshte gje xheloze se nuk eshte vip
Zhaku qe ke te drejte qe shoqeria jone nuk sheh punen e vet po kenaqet duke pare ate te tjetrit, por ja fut kot me fb, sepse eshte hequr nga çdo institucion prej me shume se nje vit dhe jo vetem ky site. Gjithsesi, ke kapur dy raste shume pikante ku asnje nuk e di te verteten, ti per mendimin tim e ke pare si feministe.
Zhaku po ti e merke rrogen kot at here.
Sa per shoqerin kjo esht shoqeria qe mbollet ju qe kishit mundesit per te dhen shembull ne tele.. ne nje koh kur kolegu yt dilte ne tele me koke pa lare ti i kishe floket jeshile.. imagjinoni pastaj ku i duket vetja nje femije 10vjec.. nejse Problemi esht se nje talent si Bombaj qe ne i kemi si gishtat e dores nuk duhet lene ne mjergull pos duhet te sqarohen gjerat nga Ina nentekatsheve.. keshtu qe ta dim a duhet clicuar me apo jo.;