Te fundit
Çoi vendin në BE, por humbi zgjedhjet e rrezikon një përçarje të thellë
12 Dhjetor 2011, 14:25Rajoni
TEMA
Kryeministrja në largim e Kroacisë, Jadranka Kosor ka mbajtur një fjalim sfidues duke u shqetësuar për të ardhmen e partisë që ishte në pushtet deri më tani. Balkan Insight thotë se ajo e mbajti fjalimin në 10 vjetorin e vdekjes së liderit të pavarësisë, Franjo Tuxhman. Ajo tha se duhet mbrojtur trashëgimia e tij.
Partia e Kosor, HDZ, humbi zgjedhjet në dhjetor pas një fushate të dominuar nga çështjet korruptive. Zyra e Luftës kundër Korrupsionit, USKOK, ka ngritur padi ndaj partisë për korrupsion, në një dosje prej qindra faqesh.
“Në këtë moment historik, detyra jonë është të ruajmë unitetin e HDZ,” tha Kosor. “Pa një HDZ të qëndrueshme nuk ka as Kroaci të qëndrueshme,” tha ajo.
Ceremonia në 10 vjetorin e vdekjes së Tuxhman u zhvillua sivjet pasi më parë ishte ndaluar nga Ivo Sanader. Ceremonia erdhi vetëm një ditë pasi Kroacia nënshkroi Traktatin e Anëtarësimit për në BE.
Kosor u shfaq krenare në Bruksel, por në vendin e saj e presin halle të mëdha. USKOK ka paditur partinë HDZ për financime ilegale duke marrë para nga firmat e sipërmarrjet publike për të mbështetur fondet e partisë.
Mediat thonë se padia është 500 faqe dhe është bazuar në 60 mijë faqe dokumente e prova, çka e bën atë çështjen më të madhe që ka mbërritur ndonjëherë në një gjykatë kroate.
Presidenti i kësaj partie dhe ish- kryeministri Ivo Sanader, është në burg nën akuzën për korrupsion. Ai akuzohet se ka marrë 10.5 milion euro ryshfet nga austriakja Hypo Bank dhe nga kompania hungareze e naftës MOL.
Gjykata Kushtetuese ka vendosur se Sanader mund të lirohet me kusht duke ofruar 1.4 milion euro garanci. Sanader pritet të lirohet këtë javë, por pasaporta do i merret dhe ai duhet të regjistrohet në gjykatë njëherë në muaj.
Analistët besojnë se shumë shpejt skifterët politikë do nisin një betejë për pushtet brenda HDZ.
2 komente në “Çoi vendin në BE, por humbi zgjedhjet e rrezikon një përçarje të thellë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
si duket ne Kroaci ka ndopak drejtesi
kurse ne shqiperi e ka blere pushteti
A e shihni si e Tallin b…n ngado, e akuzojne per corruption dhe e nxjerrin kur pagun nje cope vjedhje; ha ha ha gaz-maras, flutro Demokraci flutro!!!!…KUSh tall b…n?, me lejoni te ngre pyetjen, flm . per pergjigjet, pershendetje e te mira, sa do pak Miq!