Te fundit
Bankat e Kosovës i investojnë paratë jashtë vendit
20 Dhjetor 2011, 12:21Rajoni
TEMA
Edhe pse vazhdimisht trumbetohet se sistemi bankar në Kosovë është likuid dhe rezistues ndaj krizës, bankat në Kosovë, përkundrazi, po investojnë miliona euro jashtë vendit. Në anën tjetër, kreditimi i ekonomisë kosovare, për njohësit e ekonomisë, nuk i plotëson nevojat e saj.
Vetëm për gjashtëmujorin e parë të këtij viti, bankat kanë investuar mbi 200 milionë euro depozita të qytetarëve në letra me vlerë jashtë vendit. Kjo sipas raportit të fundit të BQK-së, paraqet nivelin me të lartë të investimeve të bankave në letra me vlerë që nga viti 2006. “Duke arritur shumën prej 205.6 milionë eurosh në qershor 2011, pjesëmarrja e investimeve në letra me vlerë në gjithsej asetet e sistemit bankar arriti në 8.2 për qind, e cila paraqet nivelin më të lartë të investimeve të bankave në letra me vlerë që nga viti 2006”, thuhet në raportin BQK-së.
Nga bankat, kjo kryesisht arsyetohet nga rreziku i likuiditetit, përfshirë këtu rrezikun për kthimin e kredive dhe proceset e vonuara gjyqësore.
Por, njohësit e ekonomisë e quajnë të tepruar këtë arsyetim, duke thënë se me gjithë besimin e kosovarëve që kanë në bankat, këto të fundit është dashur që ta rrisin kreditimin për ekonominë e Kosovës, e jo gjithë kjo shumë e mjeteve të investohet jashtë.
“Ekziston shtrëngim i tepruar i kredidhënies. Bizneset e reja kanë pak gjasa të marrin kredi me gjithë këto shtrëngime”, thotë Lumir Abdixhiku, drejtor ekzekutiv në Institutin “Riinvest”. Ai shton se nuk e ka të qartë se pse i gjithë ky hezitim nga bankat, kur gjithë treguesit financiarë flasin për likuiditet të mjaftueshëm./express
1 komente në “Bankat e Kosovës i investojnë paratë jashtë vendit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
=Cte kreditojne ne kosove cajhanet, gjamite apo dyqanet e sugjukut.