Te fundit
Nga korruptimi te kriminalizimi
8 Shkurt 2012, 19:36Blog
TEMA
Nga Gjergj Erebara
Dy-tri ngjarje të përmendura kalimthi nëpër media duket se po na ndryshojnë jetën. Dje, ndërsa shkoja në punë, një motorist me skafandër kaloi pranë në trotuar dhe për pak mendova të fshihesha diku sicc veprojnë në rast lufte njerëzit kur dëgjojnë krisma. Megjithëse është e njohur se plumbi është më i shpejtë se hedhja përtokë e njeriut më të shkathët, sërish instikti të thotë të hidhesh. Motoristi mund të ishte një njeri normal, pacifist etj., por duke pasur në mendje kronikën e një dite më parë për një kriminel që ndiqte me makinë një tjetër deri sa e qëlloi, pa pritur kuptova se vendi që jetojmë nuk është më aq i sigurtë.
Do një javë më parë, një shpërndarës picash u përplas nga një makinë luksoze dhe përfundoi në spital në gjendje të rëndë. Kronikat e lajmeve thoshin se në fakt, makina e Shpresa Beçajt, gjykatëse e lartë, kishte shkaktuar një aksident spektakolar. Shpërndarësi i picave dhe fati i tij qe një element i dorës së dytë. Asgjë nuk u mësua më për të. Vdiq apo shpëtoi? Me se i jeton familja tani që qindarkat e mbledhura prej tij duke shpërndarë pica nuk dërgohen më?
Ca ditë më parë, një vajzë e zakonshme, vetëm 25 vjeç u godit nga plumbat që qenë nisur për dikë tjetër. Vdiq.
Akoma edhe më pak ditë më parë, një grua që po ecte në trotuar dhjetë metra larg parlamentit në bulevard, u godit nga një makinë luksoze dhe mbeti e vrarë. Edhe në këtë rast, për median, lajmi qe më shumë te fakti që një makinë luksoze e shkaktoi aksidentin “spektakolar” duke kapërcyer trotuarin më të gjerë në Shqipëri, duke shkatërruar kioskën e një hallexhiu që shet libra dhe duke përfunduar mbi një bunker të kohës së komunizmit. Edhe në këtë rast, viktima qe një element rastësor. Ajo mbeti pothuajse pa emër. Njësoj si në rastin e makinës së Shpresa Beçajt, e cila nuk kishte lidhje me aksidentin, por është personazh goxha i njohur nga video e Metës, edhe këtu, makina luksoze e dikujt qe më e rëndësishme se jeta e një njeriu. Mund të kishte qenë kushdo nga ne duke ecur në trotuar në atë moment fatkeq dhe sërish makina luksoze të rezultonte lajm më joshës. Çdokush prej nesh mund të përfundojë në rreshtin e fundit të një lajmi mbi një makinë luksoze që fluturon dhe që si pasojë e faktit që është makinë luksoze, shkaktoi vdekjen e rëndomtë të një njeriu të rëndomtë.
Kriminaliteti i shtuar i kohëve të fundit, nuk duket tërësisht rastësor. Siç thotë Cicero për Romën: “Është qyteti që krijon luks. Dhe nga luksi vjen, në mënyrë të pashmangshme, babëzia, nga babëzia ngre krye dhuna dhe nga dhuna shumëzohen të gjitha llojet e krimit dhe padrejtësive.”
Kjo nuk është për të krahasuar Tiranën me Romën, por për ilustruar atë se çfarë po ndodh me vendin tonë. Një pjesë e madhe e kriminalitetit që po na shfaqet sot me bomba, atentate, vrasje dhe… para së gjithash, me viktima njerëzish të zakonshëm, përbën në fakt një stad të ri në Shqipëri. Është stadi kur korrupsioni që filloi me mitmarrje, vijoi me mitmarrje masive, manipulime tenderësh, evazion fiskal, korruptim gjykatësish, privatizime e përvetësime, u kthye në sistem, ka arritur në pikën kur ka krijuar atë babëzi, kriminalitet e padrejtësi për të cilin fliste Cicero këtu e dymijë vjet të shkuara. Nuk është e nevojshme të presim shpërthimin e bombave, vdekjen e atyre njerëzve të panjohur rastësor apo atentatet të llojit të Perëndimit të Egër në zemër të Tiranës për të parë origjinën e të gjithë kësaj. Korrupsioni, i cili duket gjithkund në formë makinash të shtrenjta, në formë fodullëku zyrtarësh, na duket nëpër kolltuqet e televizioneve ku shumica e “elitës” artikulon fjalët bukur, po na kthehet në një kërcënim për jetën tonë dhe jetën e njerëzve tanë më të dashur. Nuk ka se si të ndodhë ndryshe. Për sa kohë shqiptarët vijojnë të qëndrojnë pasiv përballë kësaj orgjie korruptimi, kriminaliteti do të vijojë të na e bëjë daljen nga shtëpia një sipërmarrje të rrezikshme. Nuk ka shpresë që politika të luftojë korrupsionin duke futur në burg vetveten, fjalën e ka populli.
/Diary of Tirana/
9 komente në “Nga korruptimi te kriminalizimi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Delet nuk e prishin gardhin e vathes po nuk paten nje dash te dhunshem ne krye………………………………………………………
Gjeni dashin qe te prije kopene pastaj ndryshimi ndodh vete.
Qe te shplekset lemshi i krijuar keto njezet vite vetem nje dash si Enveri mund ta shpertheje kete vathe.
“komandant na mori malli…”
Ah …do te isha shume kurioz te dija se cdo te bente me keta ndyresira qe vrasin diten e per diell dhe largohen ne “drejtim te paditur” nga vete makonat e policise me targa te Huaja… Mos pyet nese AI do te ishte gjalle e ti tregonin per videon e ILIR KOKELOPES??? A mund te me thoni se cfare mund dhe do te ndodhte me pas ???
@ Albann- Ke shume te drejte! Kur krijohen precedente si VEFA, Pango, Meta,Rruga e Kombit,etj… e fajtoret nuk i gjen gje, me poshte shthurja behet me e lehte.
Me kujtohen ata te dy qe u varen ne Fier, tek turizmi. Gjithe populli thoshte mire ua bene dhe ra qetesi Shqiperia per shume kohe me pas.
e bukur qo ideja e dashit..
po pyet ilir meta,e ylli pango.keta mire qe fitojne gjygjin por duan me leke demin moral qe u eshte bere.
@ Hajduti- Ky eshte kulmi, por ke harru edhe Vebi Alimucen e VEFA-s. Edhe ai do nje demshperblim:-)
Ne rastin e Ylli Pangos,Top Channel,dhe konkretisht emisioni Fiks Fare i drejuar nga Filip Cakulli,kam pershtypjen se nuk veproji drejte.Aq me teper qe Filip Cakulli,sic kam degjuar,nje nate me pare po hante darke bashke me Ylli Pangon.Ishte nje veprim i ulet nga ana e tije.Une me kete nuk dua te justifikoj veprimin e pamoralte te Ylli Pangos.Por edhe veprimi i Filip Cakullit ka brenda nje fare imoraliteti.D.m.th nje fare pabesie.Ose sic i thone;thike mbas shpine.Po ta mendosh nga njera ane,Ylli Pango ishte nje mashkull beqar,dhe nga kjo pikepamje ai
mund te justifikohet qe,veprimi i tije,ishte i mireqellimte dhe serioz.Tani,te rrime shtrember dhe te flasim drejte.Kush do te ishte ai mashkull qe nuk do te reagonte ndaj ngacmimeve e nje femre.Sepse sic u pa ne videot e transmetuara,ishte ajo qe i kerkonte me ngulm,Pangos nje vend pune,duke lene te kuptohej se ishte ne gjendje te kryente cdo sakrifice per kete.Duke vajtur edhe ne shtepine e ketije te fundit.Nuk te vjen ne shtepi cdo lloj femre.Ne kete rast Top Channel nuk ka bere gje tjeter vecse i ka rritur popullaritetin Ylli Pangos.Te gjithe jemi deshmitare te rastit te Bill Clinton me Monica Lewinsky.Se sa iu rrit popullariteti atije.Ndersa rasti i Ilir Metes
eshte krejte i ndryshem.Ne rastin e Pangos kemi te bejme me nje
hamshor te patredhur ndersa ne rastin e Metes kemi te bejme me nje hajdut.
Gjithsesi ky eshte mendimi im dhe replikat jane te mirepritura.
E verteta eshte se me erdhi keq per Ylli Pangon,pasi me ka dhene matematike.Dhe kam patur pershtypje te mira per te.Por arsyetimi im mund te jete i njeanshem,prandaj edhe i mirepres kritikat.