Mbyllet protesta e Vetëvendosjes, Kurti paralajmëron “pranverën kosovare”

(E PLOTESUAR)- Ka përfunduar pa incidente protesta katërorëshe e Vetëvendosjes para Qeverisë së Kosovës, në kundërshtim të marrëveshjes me Serbinë rreth pjesëmarrjes në nismat rajonale, tashmë të njohur si “Marrëveshja Fusnota”.

Në mbyllje të saj lideri i Vetëvendosjes ka paralajmëruar protesta të tjera. “Do të ndodhë Pranvera kosovare”, është shprehur ai.

Lideri i Lëvizjes Vetëvendosje, Albin Kurti e ka quajtur marrëveshje personale të kryeministrit Thaçi, për të cilën nuk duhet të obligohen institucionet e Kosovës. “Qeveria në këto bisedime po merr vendime në kurriz të qytetarëve të Kosovës, pra kjo protestë demokratizon Republikën të cilën na e hoqi kryeministri”, është shprehur Kurti në një prononcim për KTV-në.

Ai ka paralajmëruar se protesta e sotshme është vetëm fillimi i kundërshtimeve të kësaj lëvizje, sepse do të vazhdohet me protesta në të gjitha qytetet e Kosovës.

Kryesia e Kuvendit të Kosovës ka refuzuar sot të thërrasë mbledhje të jashtëzakonshme të Parlamentit, të kërkuar me peticionin e Vetëvendosjes, me 15 mijë nënshkrime qytetarësh.

Kryekuvendari, Jakup Krasniqi, siç raportoi KTV-ja, tha se këtë të drejtë e kanë vetëm presidentja, kryeministri si dhe kërkesa me nënshkrimin e 40 deputetëve.

Ai në deklaratën pas mbledhjes megjithatë ka lënë të kuptohet se është i pakënaqur me fusnotën.

Kryetari i Kuvendit, Jakup Krasniqi, tha se legjislativi i vendit nuk ka asnjë dokument të marrëveshjes për përfaqësim rajonal dhe interpretimin e saj ka të drejtë ta bëjë vetëm Gjykata Kushtetuese e Kosovës, raporton Koha.

E plotësuar) Kryeministri është i gatshëm të dalë para protestuesve për t’iu shpjeguar marrëveshjen për fusnotën, i tha KTV-së shefi i GP të PDK-së, Adem Grabovci. “Për ne çdo gjë është normale dhe e qetë. Ne reflektojmë edhe vullnetin e qytetarëve, atyre 600-700 qytetarëve që janë mbledhur aty. Ne nuk kundërshtojmë asnjë iniciativë të qytetarëve, por ne nuk mendojmë që duhet një gjë e tillë. Sapo dola nga zyra e kryeministrit dhe gjithçka është në rregull, puna nuk është pezulluar” , ka thënë ai për KTV-në. 

Prishtinë, 27 shkurt –  (E plotësuar) – Ndërkohë, Policia e Kosovës përmes një komunikate për medie konfirmon se në orën 12 sot ka filluar protesta,  siç e quan ajo. e paligjshme e organizuar nga Lëvizja Vetëvendosje, e cila po mbahet në sheshin “Nëna Terezë” në Prishtinë, përballë objektit të qeverisë. Ajo vlerëson se në këtë protestë deri në këto moment po marrin pjesë rreth 600 persona.
Po ashtu bën të ditur se t Policia e Kosovës paraprakisht ka përgatitur planet operative policore për menaxhimin e situatës së sigurisë dhe deri në këto momente gjithçka është nën kontroll dhe nuk ka intervenuar ne ndonjë rast.
Edhe Visar Ymeri, në një prononcim për KTV-në tha se protesta po kalon e qetë dhe pa incidente.
Protestuesve, pak më parë iu drejtua edhe lideri i Vetëvendosjes, Albin Kurti, me cilësimet tashmë të njohura për Qeverinë e Hashim Thaçin.

Dialogu Beograd- Prishtinë nuk do vazhdojë deri sa të bëhen zgjedhjet në Serbi

12:27 Rajoni

Beogradi pret statusin për të hequr maskën

11:59 Rajoni

Vetëvendosje proteston kundër fusnotës

11:57 Rajoni

Theret në Serbi vetëm pse “theksin” e kishte si shqiptar

18:42 Rajoni

Vetëvendosje: Mbi 7. 500 qytetarë firmosin për mbrojtjen e Republikës

15:27 Rajoni

Thaçi dëshpëron Drenicën

15:26 Rajoni

Kompromis i dhembshëm dhe me pak përfitim

15:49 Rajoni

Policia e Kosovës arreston gjashtë policë të MPB të Serbisë

15:48 Rajoni

Dell “fut hundët” edhe në Maqedoni

12:25 Rajoni

Stefanoviç: Ditët më të vështira të jetës sime

11:35 Rajoni