Beogradi pret statusin për të hequr maskën

Në takimin e Këshillit të punëve të jashtme, që do të mbahet sot  në Bruksel, dhe të martën në atë të Këshillit të punëve të përgjithshme, pritet të përgatitet vendimi përfundimtar për t’i dhënë Serbisë statusin e vendit kandidat. Këtë vendim në fund të javës do të duhej ta konfirmonin formalisht shefat e shteteve apo qeverive të BE-së në takimin e Këshillit Evropian, sepse vetëm Këshilli Evropian mund të ndajë formalisht statusin e kandidatit. Në BE tashmë ekziston një ndjenjë gjithëpërfshirëse se Serbia i ka përmbushur të gjitha kriteret për të marrë statusin e kandidatit dhe se rundi maratonik i dialogut që përfundoi të premten me marrëveshjen mes „Prishtinës dhe Beogradit“  për mënyrën e përdorimit të emrit të Kosovës në nismat rajonale, hoqi edhe dilemat e fundit për këtë. Se qëllimi kryesor i dialogut ishte që të sigurohej një status i kandidatit Serbisë, këtë nuk e mohon askush në BE. Mjafton të shikohen datat se kur është zhvilluar ndonjë takim dhe shihet se pas secilit takim është dashur ndonjë vendim për të avancuar rrugën e Serbisë drejt BE-së. Edhe kësaj radhe takimi u zhvillua nën presion të madh për të arritur marrëveshje, sepse ajo ishte e domosdoshme për dhënien e statusit të kandidatit Serbisë.

Por në BE qysh tash kanë filluar të jenë kureshtarë se si do të veprojë Serbia pas marrjes së statusit të kandidatit. Një prej dilemave rreth së cilës nuk kanë marrë përgjigje të prerë nga Beogradi është se a do të orvatet Serbia të organizojë zgjedhjet e saj edhe në territorin e Kosovës. Beogradi është treguar shumë i kujdesshëm dhe nuk do të përmendë kurrfarë vendimi para se të marrë statusin e kandidatit, sepse nëse cakton zgjedhjet edhe për territorin e Kosovës (të cilin Kushtetuta e Serbisë e quan territor të Serbisë e ndërmjetësi i BE-së, Robert Cooper, ka thënë se në dialog duhet të respektohet kjo Kushtetutë), do të mund të rrezikonte statusin e kandidatit. E kur të marrë statusin e kandidatit Serbia menjëherë pritet të shpallë zgjedhjet parlamentare dhe ato lokale.

Në BE ka pasur disa përpjekje që Bashkimi Evropian t’i bëjë thirrje formale Serbisë që të mos zhvillojë zgjedhjet në territorin e Kosovës. Por një kërkesë e tillë nuk ka hasur në mbështetje deri tash. Në BE thonë se duhet kuptuar Serbinë nëse insiston që të zhvillojë zgjedhjet edhe në territorin e Kosovës.  Rreth kësaj ka dallime të mëdha mes shteteve anëtare të Bashkimit Evropian./KD

Vetëvendosje proteston kundër fusnotës

11:57 Rajoni

Theret në Serbi vetëm pse “theksin” e kishte si shqiptar

18:42 Rajoni

Vetëvendosje: Mbi 7. 500 qytetarë firmosin për mbrojtjen e Republikës

15:27 Rajoni

Thaçi dëshpëron Drenicën

15:26 Rajoni

Kompromis i dhembshëm dhe me pak përfitim

15:49 Rajoni

Policia e Kosovës arreston gjashtë policë të MPB të Serbisë

15:48 Rajoni

Dell “fut hundët” edhe në Maqedoni

12:25 Rajoni

Stefanoviç: Ditët më të vështira të jetës sime

11:35 Rajoni

Clinton: Marrëveshja s’e cenon pavarësinë

18:29 Rajoni

Arrihet marrëveshja mes Kosovës e Serbisë

12:58 Rajoni