Te fundit
Çmenduri për derbin e Mançesterit, një biletë kushton 1500 euro
25 Prill 2012, 17:22Sport
TEMA
Ndeshja derbi e të hënës mes Mançester Sitit dhe Mançester Junajtid do të vendosë fatin e titullit kampion në Angli dhe duket se tifozët e të dy skuadrave nuk duan që të humbin këtë mundësi për të parë idhujt e tyre.
Aq e lartë është kërkesa për bileta, sa aktualisht ato po shiten në internet me çmime që i afrohen 1500 eurove.
Kjo shifër do të thotë se blerësi i këtyre biletave është gati të paguajë 17 euro në minutë për të parë çfarë do të bëjë në këtë ndeshje Uejn Runi apo Serxho Aguero në stadiumin “Etihad” që ka 48 mijë vende.
Përveç faktit që për këtë ndeshje do të ketë forca të shtuara policie, drejtuesit e organeve të rendit në qytet frikësohen se mos shitja e pakontrolluar e biletave do të sjellë edhe uljen pranë njëri-tjetrit të tifozëve të të dy palëve, me pasojë përplasjen fizike gjatë ndeshjes.
Ata kanë bërë të qartë se çdo tifoz që do të shihet në sektorin e gabuar, do të nxirret jashtë nga stadiumi.
“Po i paralajmërojmë të gjithë tifozët që blejnë bileta në internet që ata mund të jenë false dhe nëse tifozët e një skuadre përfundojnë në zonën e tifozëve kundërshtarë, ata do të nxirren nga stadiumi”, ishte deklarata që lëshuan drejtuesit e policisë së Mançesterit.
2 komente në “Çmenduri për derbin e Mançesterit, një biletë kushton 1500 euro”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
sa e urrej kete kohe qe ka erdhur. me miliona njerez vdesin se nuk kane te hane dhe me mijera qe paguajne sa qimet e kokes per 90 min. miresevjen fundi i botes.
Te ishte dot gjalle ai miku dhe te ngrihej nga varri dot sido qe jane enderra me sy hapur do ua leronte mamate ,po te kishte dot gje ne dore per cmimin e biletave ,do ti conte ne QAFE -BARI dhe ne SPAC apo BURREL . Jam plotesisht dakord me ?…. Pse nuk i dergojne sterlinat tek femilet qe te shohin me sy qe jane duke vdekur nga uria dhe nuk kane fuqi qe te flasin . ZOTI i MADH i MALLKOFTE ! Pse nuk e ndjekin kete derbi nga shtepite apo nga ekranet e medha dhe t’i dergojne lilickat tek ata qe duan vetem buke te thate te mbushin barkun !