Berisha: Do negociojmë për presidentin. Fyle: Të përfaqësojë unitetin (Por për statusin do jetë shumë e vështirë)

Komisionari për Zgjerimin, Stefan Fyle, mbërriti në Tiranë në një vizitë njëditore, të ngarkuar me shumë takime.

Pas vizitës në selinë rozë, ai mbërriti në kryeministri. Pas takimit ai me Berishën dolën në një konferencë për shtyp. Berisha premtoi se do të negociojë për presidentin e ri, por nuk tha nëse procesi do prodhojë një emër konsensual. “Me komisionarin diskutuam problematikën që lidhet me statusin e Shqipërisë për Bashkimin Europian. Ishte një rast për të shprehur falënderimet më të përzemërta për komisionarin dhe bashkëpunëtorët e tij në Bruksel. 12 kriteret kanë qenë përparësia më madhore e institucioneve. E njoha komisionarin me progresin e bërë në reforma. Kemi qenë për mosprekje të Kushtetutës për imunitetin, por kemi ndryshuar pozicionin tonë dhe mirëpresim propozimin e opozitës,” tha Berisha.

“Diskutuam edhe për zgjedhjen e presidentit të Republikës. E sigurova komisionarin se e konsideroj këtë një proces domosdoshmërisht me negociata, një proces që duhet të respektojë plotësisht frymën dhe gërmën e Kushtetutës, një proces për të cilin ne do angazhohemi në kohën e përcaktuar nga Kushtetuta e vendit. Kandidatë ka, janë të mirëpritur, por procesi fillon në afatin e përcaktuar nga Kushtetuta,” vijoi kryeministri.

Duke komentuar ftesën e Ramës për takim, Berisha tha: “Unë mendoj që ju të gjithë duhet të vlerësoni faktin se nga të gjithë kryetarët e forcave politike, jam i vetmi që kam deklaruar se nuk do kandidoj për postin e presidentit të Republikës.  Së dyti, unë çdo ftese i përgjigjem pozitivisht dhe e vlerësoj ftesën e zotit Rama. Por theksoj se Kushtetuta përcakton një afat kur fillon procesi kushtetues. Ndaj si unë dhe zoti Rama, për hir të respektit të postit të presidentit, duhet të respektojmë këtë kohë. Unë jam për negociata. Takimet të përgatiten nga stafet që kanë mundësi për të dhënë një kontribut për përgatitjen e tyre.”

“Askush nuk duhet të paragjykojë një proces të negociueshëm, por duhet të urojë që të japë rezultatin më të mirë,” u shpreh Berisha.

Kryeministri përsëriti sërish se procesin e integrimit e sheh si meritë. “Ne duhet të dëshmojmë, duhet të realizojmë reforma në mënyrë që të meritojmë procesin e integrimit. 12 prioritetet janë të gjitha të drejta,” tha Berisha.

Kurse komisionari Fyle theksoi se vendi i Shqipërisë është në BE. “E kam bërë të qartë përpara se të vij se nuk do të vij për të parë se çfarë ka ndodhur në të shkuarën, por për të parë drejt të ardhmes. Siç e kam thënë, jam i bindur se e ardhmja e Shqipërisë është në Bashkimin Europian. Ritmi do varet tërësisht nga reformat që do bëjë Shqipëria,” tha Fyle.

Por për një vendim për statusin e vendit kandidat, ndoshta shanset do jenë të pakta. Fyle tha se duhet bërë më shumë se marrëveshje politike. “Viti 2012 na ofron mundësinë që Shqipëria të bëjë një hap të madh përpara drejt integrimit në BE. Ne kemi diskutuar për atë që duhet bërë për të arritur më shumë se marrëveshja politike e nëntorit të shkuar. Kjo do ishte e nevojshme për të marrë një vendim të guximshëm që Shqipëria të lëvizë një hap më sipër në rrugën drejt integrimit evropian,” tha Fyle.

Komisionari deklaroi se ka marrë garanci nga Berisha se procesi i zgjedhjes së presidentit do jetë i negociueshëm.

“Zgjedhja e presidentit do të thotë që aty të vijë dikush që pasqyron frymën e Kushtetutës dhe dikush që do përfaqësojë unitetin e popullit.

Jo vetëm Komisioni, por edhe të tjerë do të ndjekin se si do kthejnë këtë axhendë evropiane në axhendë kombëtare. Edhe shtetet anëtare të BE do marrin një panoramë dhe aty do të shohin se si u zgjodh presidenti, që është një proces i rëndësishëm,” tha Fyle.

Tropojë, 31 vjeçarja vret bashkëshortin dhe të dashurin

09:38 Politika

Oketa: PD nuk është më forcë e djathtë. Dështimi më i madh i Berishës, lufta kundër korrupsionit

22:32 Politika

Venizelos: Nëse dalim nga euro, do bëhemi si Shqipëria. Vendi do shqiptarizohet

18:02 Politika

Tre premtimet e Edi Ramës për një media të lirë

16:37 Politika

Gjyqtarët që do të gjykojnë 21 janarin

16:10 Politika

Kryetari i PD, Durrës, Igli Cara: Oketa nuk na dëmton, do jemi sërish forcë e parë

13:48 Politika

Shfaqja e Nanos vazhdon me "çamët", diskutojnë në kafene për "presidentin". Nano: Jemi në rrugën e duhur

13:19 Politika

Gjana-Shalsi, fyerje dhe përplasje fizike në komision

12:48 Politika

Rama: Herët të flitet për emra, presidenti i ri nuk duhet të jetë noter partiak

12:35 Politika

Qeveria miraton hetimin për trafikun e organeve, por Berisha sulmon Dik Martin: Është më keq si Millosheviçi

12:13 Politika