Te fundit
Si u vetëplagos bashkëshortja e Adem Grabovcit?
29 Maj 2012, 17:59Rajoni
TEMA
Kumrije Grabovci ka shpëtuar për mrekulli kur plumbi i pistoletës ka goditur abdomenin (barkun) e saj.
Bashkëshortja e Adem Grabovcit, zyrtarit të lartë të Partisë Demokratike të Kosovës, i cili është edhe shef i grupit parlamentar të kësaj partie në Kuvendin e Kosovës, është dërguar në urgjencën e Qendrës Klinike Universitare të Kosovës.
Në natën ndërmjet të hënës dhe të martës rreth orës 1:00, ajo ka marrë ndihmën e parë në QKUK, ndërkohë që policia ishte në vendin e ngjarjes në rrugën “Rrustem Statovci” në Prishtinë.
Adem Grabovci e konfirmon për Express se e vetë plagosura është bashkëshortja e tij, duke dhënë edhe versionin e tij të ngjarjes.
Ai thotë se arma është e veçantë për të dhe familjen sepse i përkiste vëllait të tij, të vrarë në luftë, e të cilën gjithmonë e ka mbajtur i biri, përkatësisht nipi i tij.
Por meqë nipi i tij (djali i vëllait) të hënën ishte për vizitë dhe e ka harruar armën afër televizorit, Kumrije Grabovci duke u munduar ta fshehë pistoletën që mos ta shikojnë apo prekin fëmijët, në atë moment asaj i ka shkrepur revolja.
Duke treguar se është i lumtur se bashkëshortja i ka shpëtuar më të keqes, Grabovci sqaron se ishte ai që ka telefonuar në polici.
“Por do të bëj kërkesë që të na kthehet kjo armë pasi është e veçantë për ne”, thotë Grabovci për Express, duke e pranuar se pistoleta nuk ishte me leje.
Dërgimin në urgjencë të Kumrije Grabovcit (1960) të plagosur, e kanë konfirmuar për Express edhe mjekët e QKUK’së, kurse policia nuk jep më shumë detaje në lidhje me rastin./EXPRESS
5 komente në “Si u vetëplagos bashkëshortja e Adem Grabovcit?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pune fshataresh!
cfare famije leh armen afer televisionit???
sa i pa zot qe eshte ky trangulli, as nusen e vet nuk di te vrasi, rrezik per xhelozi e ka qelluar
Aman o Altin po jane ato per te qene xheloz? Ka patur ndonje dashnore e ka dash ta heqi qafe po si trangull qe eshte nuk ja kadale.
Shihe se çfarë njerëzish jemi ne , në ditët më të veshtira të një familje , pa marrë parasysh se kush është , ne vetëm kritikojmë dhe shprehim mendime të pa skupullta , jo humane , në vend se të japim përkrahje .
Sepse çdo gjë qe ndodh tek ne i japim kahje politike , ne këto momente nuk ka vend politika , dhe nuk ka rendësi se çfarë partie është me rendësi është se e plagosura ka shpëtuar dhe i urojmë shërim sa më të shpejtë.
Edhe njëherë ju kisha lutur qe të bëhëni më human.