Te fundit
Rexhepi: Xhandarët serbë do ta shkelin betimin
1 Korrik 2012, 16:59Rajoni
TEMA
Ministri i Punëve të Brendshme i Kosovës, Bajram Rexhepi, ka thënë të shtunën se askush nuk duhet frikuar nga betimi i xhandarëve serbë për të luftuar dhe vdekur për Kosovën. Në një deklarim të shkurtër për “Kohën Ditore”, ai është shprehur i sigurt se një betim i kësaj natyre do të shkelet, ashtu siç janë shkelur edhe shumë betime të tjera nga ultranacionalistët serbë. “Megjithëse kjo është çështje interne e tyre, unë jam i sigurt se xhandarmëria serbe do ta shkelë betimin që ka dhënë. Sa herë janë betuar, ata kanë dështuar. Kjo është në traditën e tyre”, ka thënë ministri Rexhepi. Ministri Rexhepi ka deklaruar se thirrjet ultranacionaliste janë të pritshme, e sidomos tani kur në Serbi kanë fituar forcat radikale. “Me fitoren e Ivica Daçiqit mund të priten paralajmërime të tilla, por unë them se thirrjet e tij për ta kthyer ushtrinë dhe xhandarmërinë në Kosovë janë vetëm fontanë dëshirash dhe iluzion i tij”, ka deklaruar Rexhepi.Idetë për konflikte të reja në Ballkan, siç ka thënë ai, mund të ekzistojnë vetëm te njerëzit që nuk e njohin realitetin në të cilin janë duke jetuar.
“Edhe intervenimet, edhe konfliktet në Ballkan kanë përfunduar. Nxitjet për luftë janë vetëm në mendjet e njerëzve që nuk e kuptojnë realitetin, ose në mendjet e atyre që këtë e bëjnë vetëm për qëllime të caktuara politike”, ka theksuar Rexhepi.
I pajtimit që thirrjet e xhandarëve serbë për t’u kthyer dhe për vdekur për Kosovë nuk mund të realizohen, është shprehur edhe analisti për çështje ushtarake dhe të sigurisë, Ramadan Qehaja, mirëpo, ky i fundit për dallim nga Rexhepi, konsideron se kërcënimet nga Serbia megjithatë nuk duhet hedhur e injoruar plotësisht.
2 komente në “Rexhepi: Xhandarët serbë do ta shkelin betimin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O re-xhep (materialist), u merr me serbë, por me shqiptarë. Qeveria juaj sot është më e keqe se ajo e Serbisë dikur.
Hebre po kta politikaj me ta kup mullanin e barkut jan ba si mu kan rrac e flliqur, ky ska dert se si serbet shkelin integritetin e kosoves ,se si ata qe dhunuan nanat grat motrat tona vin dhe thon mir jau kemi ba mu ne zemer te kosoves e ky del fol paqavura si ka ftyr keshtu te flet ate ka mbet ndonje pik gjaku shqipetar o bajramoviq si ste vjen marre ,te gjitha keto veprime qe naj bejn serbet ju veeq deklaroni paqavura,a e din se ne komun te vitis ne vitin 1945 ma ishte ni hasan ali qe kur bajshin zullum serbet, gjamdarmeria ai merrte pushken edhe ne nish shkonte i vrante serbt po ju keni shtetin dhe si ndaloni keto veprime qe gjithe popullin shqipetar duhet ngrit ne kembe he zoti ju marroft hamos met paju marru.