Falimentimi, legjendarët e Gllasgou Rejnxhërs do luajnë me amatorët

Gllasgou Rejnxhërs , një nga klubet legjendare skoceze që ka bërë emër në futbollin evropian, vitin e ardhshëm do të luajë mes amatorëve në kategorinë e katërt skoceze, pas vendimit të marrë në votimin e klubeve të Ligës Skoceze të Futbollit.

Të 30 klubet e Ligës votuan nëse skuadra e ringjallur nga biznesmeni Çarls Grin pas falimentimit duhej të kthehej në kampionat dhe në cilën kategori duhej vendosur.

Federata Skoceze e Futbollit si dhe Premier Liga e Futbollit shpresonin që Rejnxhërs të vendoseshin në kategorinë e dytë, duke patur parasysh popullaritetin e klubit dhe dëmin e rëndë akonomik që sillte largësia e tij nga elita e futbollit skocez.

Por 29 nga 30 klubet skoceze e pranuan përsëri Rejnxhërs si një anëtar të Ligës së Futbollit Skocez, ndërsa 25 prej tyre votuan që kjo skuadër e rindërtuar ta rifillonte rrugën e saj nga baza e futbollit skocez.

Klubi skocez ka falimentuar pasi i detyrohet rreth 134 milion paund të papaguara Zyrës së Taksave, duke e bërë likuidimin e aseteve të tij të detyrueshëm. Meqë klubi quhej i likuiduar, Reinxhërs u detyrua të ribëhej nga e para nga kompania që e bleu dhe si rrjedhojë, të rifillojë edhe rrugën drejt trofeve në Skoci nga e para, pikërisht kategoria më e ulët e futbollit në këtë vend./lajmeshqip

Kapelo javën tjetër firmos për Rusinë

18:47 Sport

Gjyqi për racizëm, Xhon Terri shpallet i pafajshëm

16:53 Sport

Peshëngritje, Qerimajt i ulet dënimi në 11 muaj

11:59 Sport

Fabio Borini, blerja e parë e Liverpulit

11:13 Sport

Teuta, eliminim që lë vend për dyshime

10:39 Sport

Klop tallet me Bajernin

13:48 Sport

FIFA nis hetimin për bastet në Angli

12:14 Sport

Milan dhe PSG arrijnë marrëveshjen për shitjen e Silva-Ibra

11:37 Sport

Felipe Masa: Po, përfundova te psikologu

11:03 Sport

Çmenduri për të parë Realin në SHBA

19:04 Sport