Kritikon ministren Mimoza Kusari Lila, AKR përjashton deputetin

Aleanca Kosova e Re ka përjashtuar sot nga radhët e saj deputetin Emin Gërbeshi, i cili prejë disa ditësh ka hapur “front” me ministren e Tregtisë dhe Industrisë, Mimoza Kusari Lila për çështjen e taksës prej 35 për qind për importin e çimentos në Kosovë.

“Në mbështetje të kompetencave dhe përgjegjësive të parapara me Statutin e Aleancës Kosova e Re, neni 30 dhe 31, dhe në konsultim me kryesinë e ngushtë të partisë, për shkak të mosrespektimit, në vazhdimësi, të Statutit dhe të parimeve programore të AKR-së, mosrespektimit të qëndrimeve të Grupit Parlamentar, ofendimeve dhe shpifjeve publike dhe të vazhdueshme ndaj kolegëve marr vendim për përjashtim të Emin Gërbeshi, nga Aleanca Kosova e Re”, thuhet në njoftimin e kësaj partie.

Deputeti, siç theksohet më tej, përjashtohet edhe nga Grupi Parlamentar i Koalicionit për Kosovë të Re – ndërsa detyrohet kryetarja e Grupit Parlamentar të ndërmarrë procedurat për zëvendësimin e tij në Komisionet Parlamentare të Kuvendit të Kosovës.

Gërbeshi ditë më parë kishte marrë iniciativën për interpelancë në Kuvendin e Kosovës, ku ka akuzuar rëndë ministren Kusari- Lila, pavarësisht se ai është deputet nga radhët e “Aleancës Kosova e Re”. Ai kishte thënë se dyshon se vendimi i ministres për importin e çimentos po shkon në favor të ndërmarrjes “Sharr Cem”.

Sidoqoftë, mungesa e shumicës së deputetëve të Partisë Demokratike të Kosovës, ka ndikuar që Kuvendi i Kosovës për dy ditë rresht të dështojë të sigurojë kuorumin e nevojshëm për të votuar në lidhje me mocionin e ngritur ndaj ministres së Tregtisë dhe Industrisë Mimoza Kusari Lila, për tarifën prej 35 për qind në importin e çimentos.

Opozita ka kritikuar ashpër mungesën e deputetëve të PDK-së. Përveç opozitës, edhe disa nga deputetët e partisë më të madhe, kritikuan gjendjen në të cilën ka ardhur parlamenti i Kosovës./Zëri/

Mustafa: Delli dhe Thaçi i hëngrën fjalët

10:42 Rajoni

Fisnik Ismaili: Do doja të takoja Xhafer Devën

10:41 Rajoni

Paradoksi serb, progresivët serbë nuk gjejnë dot njerëzit e duhur për ministra (kopjoni Ilir Metën)

12:54 Rajoni

Pacolli paralajmëron dorëheqjen nga Qeveria

12:35 Rajoni

Tadiç: Serbia e ka konfirmuar se Kosova është e pavarur

21:52 Rajoni

Shqipëria dhe Kosova s’janë shtete fqinje

20:19 Rajoni

Rasmussen: NATO e ka bërë të qartë se nuk ka ndarje të Kosovës

20:17 Rajoni

Surroi: Ambasadori amerikan, krijues e shpërndarës i thashethemeve

16:40 Rajoni

Burgimi i përjetshëm, dënimi kapital në Kosovë

11:07 Rajoni

Thaçit do t’i rritet rroga me 882 euro

11:04 Rajoni