Ministria e Drejtësisë gjen shkelje në dosjen e Aldo Hoxhës, kërkon procedim për dy prokurorë dhe dy gjykatës

20 vjeçari Aldo Hoxha, aktualisht në qelitë e burgut me akuzën e vrasjes së Fatbardha Tafës, nuk ishte i panjohur për organet e drejtësisë. Krimi i tij tronditi Tiranën. Ai dyshohet se e qëlloi Fatbardha Tafën gjatë një tentative grabitje pranë ish- Fushës së Aviacionit.

Menjëherë pas arrestimit të tij, media hodhi dyshime për mënyrën se si ishte proceduar për krimet e tij të mëparshme. Ai ishte proceduar më parë dhe dënuar për tre krime, për vjedhjen penale në bashkëpuim, për mbajtje pa leje të armëve luftarake dhe për prishje të qetësisë publike.

Për këtë arsye ministria e Drejtësisë ka ndërmarrë një kontroll dhe ka arritur në përfundimin se dy prokurorë dhe dy gjykatës kanë kryer shkelje gjatë dhënies së drejtësisë për Aldo Hoxhën.

Fillimisht Ministria e Drejtësisë ka kërkuar nga Prokuroria e Përgjithshme nisjen e procedimit disiplinor.

“Shkeljet lidhen me rregullat për fillimin e ndjekjes penale, kryerjes jo të rregullt të veprimeve hetimore, si dhe aplikimin e një politike të butë penale në gjykim. Konkretisht nuk është respektuar rregullshmëria dhe vijueshmëria e veprimeve hetimore dhe për rrjedhojë prokurori nuk ka zbatuar detyrimin ligjor për fillimin e ndjekjes penale, duke ndikuar kështu në efektivitetin e politikës penale. Gjithashtu, është konstatuar se politika penale e ndjekur nuk është në raport të drejtë me rëndësinë e veprës, rrezikshmërinë e saj dhe autorit të veprës penale, si dhe nuk i përgjigjet qëllimeve parandaluese të dënimit”, thuhet në njoftimin e Ministrisë së Drejtësisë.

Po ashtu ministria vetë ka nisur procedim për dy gjykatës, në Tiranë e Durrës.

“Në dy gjykatat e inspektuara janë kontrolluar 3 çështje penale themeli, si dhe dy kërkesa penale të lidhura me to, të cilat përfshijnë veprimtarinë e 5 gjyqtarëve dhe të administratës gjyqësore në funksion të tyre. Janë konstatuar shkelje në 2 çështje themeli, shkelje të cilat ju atribuohen 2 gjyqtarëve në rrethet gjyqësore Tiranë dhe Durrës. Shkeljet lidhen me zvarritjen e procedurave gjatë gjykimit dhe të meta në përpilimin e akteve. Ministria e Drejtësisë do të fillojë procedimin disiplinor për këta 2 gjyqtarë,” thuhet në njoftim.

Shqiperia dhe Kosova sot të sigurta: Nuk ka asnjë lider politik në vend

20:48 Politika

Berisha merr pjesë në drekën e shtruar nga Monti dhe premton se do përmbushë prioritetet e BE

19:43 Politika

Edi Rama: Së shpejti një faqe ku do denoncohet korrupsioni qeveritar

19:38 Politika

“Dita e dashurisë për profetin” kthehet në një shfaqje urrejtje kundër Amerikës (FOTOT)

18:42 Politika

Rama, vizitë në Kroaci, takon presidentin dhe kryeministrin

18:06 Politika

Pseudogarat për kryetar partie

16:55 Politika

Mbyllet gjykimi ndaj Priftit. Prokuroria: S`ka prova

16:38 Politika

Përfundon në spital kryekomisari i arrestuar në Korçë për probleme në zemër

15:17 Politika

AK qëllon Berishën me vezë në Romë. Nuk arrestohet askush!

14:06 Politika

Jo vetëm Klan, qindra mijëra euro edhe për gazetat “RD”, “55” dhe “Koha Jonë”

13:34 Politika