Turam: Ajo që bën Barça quhet art

Ish-mbrojtësi i Francës, Lilian Turam, ka përgëzuar Barcelonën për stilin tërheqës të futbollit që dhuron për të gjithë tifozët.

Barcelona aktualisht mban kreun e renditjes në kampionatin spanjoll me 7 fitore e një barazim pas 8 ndeshjeve të para, ndërsa trajneri i ri, Tito Vilanova, vazhdon të aplikojë të njëjtin mentalitet ofensiv spektakolar të paraardhësit të tij, Pep Guardiola.

Kjo është arsyeja pse Turam mendon se Mesi, Ksavi e Iniesta nuk po luajnë thjesht futboll, por po prodhojnë art me magjitë e tyre.

“Loja e Barçës i tërheq të gjithë pasi kur e sheh, e kupton që është art në vete. Për mua, futbolli është si një art, ashtu siç bëjnë këta artistë të artit bashkëkohor. Përveç të tjerave, klubi i jep një imazh të mirë futbollit dhe kjo ka një rëndësi shumë të veçantë”, tha mbrojtësi që ka luajtur në radhët e katalanasve në fundin e karrierës së tij.

Megjithatë, ky admirim nuk do të thotë që Barcelona duhet të kënaqet me kaq e për këtë arsye, Turam insiston që katalanasit të vazhdojnë të përmirësohen për t’u cilësuar skuadra më e mirë në histori.

“Për shumë njerëz, më i miri është ai që fiton më shumë, por unë e dua këtë klub pasi kur e sheh një ndeshje të kësaj skuadre, e di që është futbolli i vërtetë, është loja në vetvete”, tha Turam.

Ndodh në Shqipëri, gjyqtari rrihet edhe kur është shef policie

18:55 Sport

Murinjo: Disfata nga Dortmundi, e parëndësishme

13:06 Sport

Borussia Dortmund interesohet për Armando Sadikun

12:09 Sport

Rajkard gati të marrë drejtimin e Milanit

11:44 Sport

Tifozët serbë frikësojnë interistët

11:07 Sport

De Biazi: Brazil 2014? Shpresa vdes e fundit

17:15 Sport

Platini i quan “turp” veprimet e serbëve

13:14 Sport

Cruyff dyshon në aftësitë e Vilanovas dhe Mesit

12:10 Sport

Mançini optimist: Do të kualifikohemi

11:26 Sport

Shaqiri e Xhaka ndër beqarët më të pashëm në Bundesligë

10:08 Sport