Dhëndri: Helmimi i tri grave ishte një vrasje e qëllimshme

Kreshnik Pula, dhëndri që priste të sillte në shtëpi nusen ditën e diel, dyshon se në dhomën ku u shënuan dy viktima dhe akoma po lufton me jetën nusja e tij, është kryer një vrasje e qëllimshme.

Ngjarja e rëndë është shënuar në fshatin Dukagjin i Ri të Thumanës në rrethin e Krujës. Dy gra kanë vdekur, Mrika Gega, 45 vjeç, Prenusha Ndoja, 55 vjeçe, dhe nusja 21 vjeçare, Pashkë Gega, po lufton me vdekjen në spitalin “Nënë Tereza”.

Tre gratë pas ceremonisë së dasmës së Pashkës kanë fjetur në të njëjtën dhomë ku janë gjetur të alivanosura mëngjesin e së dielës.

Sipas Pulës, dyshimi për helmim me ushqim në restorantin që është bërë dasma përjashtohet, pasi asnjë nga dasmorët e tjerë nuk është helmuar.

“Nusja ime ka fjetur në dhomën e saj së bashku me Mrikën dhe Prenushën. Fakti që janë helmuar të njëjtët persona që ishin në të njëjtën dhomë, bën të dyshosh se vrasja e tyre mund të jetë bërë qëllimisht. Ajo që ka ndodhur në atë dhomë, mbetet mister dhe këtë e dinë vetëm ato të tria. Nuk di çfarë të them realisht dhe nuk mund të vë gishtin tek askush, por edhe policia duhet të bëjë punën e saj, për të zbardhur ngjarjen. Dasma e Pashkës u kthye në mort duke shënuar dy viktima dhe jeta e saj është ende në rrezik. Nuk mund të kalojë kaq lehtë kjo gjë. Jam shumë i tronditur”, shprehet dhëndri në një intervistë për gazetën “Shqip”

Kreshniku pohon se gjatë ceremonisë nuk ka vënë re as më të voglin shqetësim nga ana e nuses.

“Ishte shumë e lumtur sepse ishte veshur me të bardha dhe këtë ditë mezi po e priste. Sonte do të kurorëzonim martesën tonë, por ngjarja e rëndë që ndodhi anuloi gjithçka. Me padurim po prisja që Pashka të hynte në shtëpinë time përgjithmonë. Shpresoj shumë që kjo të realizohet,po e di që ajo do të jetë shumë e mërzitur për atë që ka ngjarë”, pohon ai.

Policia ende nuk ka arritur në zbardhjen e ngjarjes dhe ideja e një asfiksie në dhomë hidhet poshtë nga vëllai i nuses, Fredi, pasi në dhomë nuk ka pasur pajisje për ngrohje.

Topalli: Presim vetëm votën e opozitës për tre ligjet e kërkuara nga KE-ja

20:32 Politika

Statusi, Shqipëria parashikohet të fitojë 200 milionë euro nga BE-ja

17:19 Politika

Halimi kërkon shkarkimin e pezullimin e 18 gjyqtarëve për shkak të shkeljeve

17:03 Politika

Berisha inaguron rrugë të papërfunduara

16:59 Politika

Ndreca: Pres që Hillari Klinton të më vizitojë në spital gjatë vizitës në Tiranë

16:06 Politika

Tension dhe incidente në Këlcyrë, sulmohet makina e ambasadorit grek

12:11 Politika

Vrasja e dyfishtë në Mallakastër, bie në pranga autori

12:09 Politika

Edi Rama: Të stimulojmë gjeneratën e re për të ruajtur lidhjen me tokën. Të ndalim tjetërsimin e tokës së bukës

21:46 Politika

Berisha: Opozita dhe mediat e saj duan të mbjellin përçarje për 100 vjetor. Festimet s’përjashtojnë Vlorën

19:56 Politika

Gjashtë aksidente brenda disa orësh, 5 të vdekur dhe 18 të plagosur. 4 viktima nga një familje në Kukës

18:55 Politika