Te fundit
Nga 17 dhjetori, Kosova bëhet anëtare e BERZH-it
16 Nëntor 2012, 21:15Rajoni
TEMA
Kosova do të bëhet anëtare e Bankës Evropiane për Rindërtim dhe Zhvillim (BERZH). Siç njofton qendra informative e BERZH-it, rezoluta e miratuar sot thekson se vendimi është pa paragjykim ndaj pozicioneve të anëtarëve individualë të BERZH-it sa i përket statusit të Kosovës. Pas miratimit të rezolutës, Kosova do të bëhet anëtarja e 66-të e Bankës, në qoftë se deri më 17 dhjetor të këtij viti kompleton procedurat e brendshme për anëtarësim, siç përcaktohet me rezolutë.
Pasi të bëhet anëtare e BERZH-it, kjo banka do të kërkojë për të mbështetur ekonominë e Kosovës dhe për të përmirësuar jetën e njerëzve atje, të lehtësojë tranzicionin dhe të kontribuojnë në stabilitetin rajonal. Për këtë qëllim, ajo do të sigurojë koordinimin e nevojshëm me institucionet tjera financiare ndërkombëtare dhe me donatorë ndërkombëtarë.
Vendimi u mirëprit nga kryetari BERZH-it, Suma Chakrabarti, i cili tha se BERZH do të jetë i kënaqur të jetë në gjendje për të adresuar nevojat e Kosovës. “Banka do të punojë për zhvillimin e sektorit privat, si dhe për investime në përmirësimin e infrastrukturës dhe do të ndihmojë në forcimin e ekonomisë në përgjithësi. Nga kjo do të përfitojnë të gjithë njerëzit që jetojnë në Kosovë”, tha ai.
Presidentja e Republikës së Kosovës, Atifete Jahjaga përshëndeti vendimin e Bankës Evropiane për Rindërtim dhe Zhvillim për pranimin e Kosovës në këtë institucion të rëndësishëm financiar.
“Anëtarësimi në BERZH është një hap i shumëpritur dhe i rëndësishëm, dhe krahas anëtarësimit të vendit në Bankën Botërore dhe Fondin Monetar Ndërkombëtar, paraqet ndër momentet më të rëndësishme në konsolidimin e shtetit të Kosovës në arenën ndërkombëtare dhe për reformën tonë të brendshme drejt zhvillimit dhe forcimit të ekonomisë së tregut të lirë.
Anëtarësimi në BERZH do të ndihmojë në zhvillimin ekonomik, zbatimin e reformave e standardeve evropiane dhe zhvillimin e infrastrukturës, përmes mbështetjes së zhvillimit të sektorit privat, mobilizimit të kapitalit të jashtëm dhe përmirësimit të ambientit për investime”, thuhet në mesazhin e Jahjagës.
Lajmin e ka përshëndetur edhe kryeministri Hashim Thaçi, i cili këtë e ka cilësuar si një laj të shkëlqyer dhe shumë domethënës për Kosovën për disa arsye.
Sipas Thaçit, në këtë bankë janë anëtare edhe gati 30 shtete që nuk e kanë njohur Kosovën si shtet, “prandaj lobimi ynë i gjatë ishte që të fitojmë dy të tretat e votave për Republikën e Kosovës, që edhe ne të jemi anëtare e kësaj organizate që investon në shumë fusha të rëndësishme për Kosovën”./KD
2 komente në “Nga 17 dhjetori, Kosova bëhet anëtare e BERZH-it”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pak nga pak ,por me hap te sigurte,dita e bashkimit po afron.Futja ne organizmat nderkombetare,fuqizimi ekonomik dhe ,e fundit OKB. jane shigjetat qe cojne drejt bashkimit kombetar.
une se kuptoj kete aritmetike, neqoftese jane 65 shtete dhe duhen 2/3 e tyre per te votuar dmth duhet te votojne 43 shtete, sipas kesaj i bie qe te kene votuar pro shtete qe nuk e kane njohur kosoven, se marr vesh fare….