Te fundit
Vrasës të 21 Janarit! Bëni mirë të mos flini të qetë!
19 Janar 2013, 18:55Blog
TEMA
Nga Anila Çobani
Është viti i dytë i janarit të zymtë dhe të përgjakur në të 21-ën ditë të tij! Zymtësia e asaj dite ka shoqëruar prej dy vitesh memorien e shqiptarëve dhe thirrjen e opozitës për drejtësi! Ajo ditë me gjithë urrejtjen e një qeverie, me gjithë urrejtjen e një kryeministri për popullin e tij, pati në të gjithë orët e saj zemërimin e akumuluar për padrejtësitë, varfërinë ekonomike, mizerjen rurale, pse jo dhe për diktaturën e instaluar në mënyrë të pashembullt në një vend që aspiron integrimin. E kam në memorie atë ditë si unë dhe shumë shqiptarë.
Sot dua të tregoj që ne shqiptarët nuk kemi kurrsesi memorie të shkurtër. Përkundrazi! Memoria jonë historike ka mbartur me kalimin e viteve, tashmë dhe shekujve, beteja e përpjekje të paepura kundër padrejtësive dhe urive territoriale, po kurrsesi subkoshienca nuk percepton dëshmorë të popullit vrarë nga qeverisja e tij! Jam dëshmitare reale e asaj dite, si unë me qindra e mijëra shqiptarëve derdhur në shesh me thirrje e pankarta kundër padrejtësive, padrejtësive të një qeverie që korrupsionin e ka ushqim të përditshëm, të një qeverie që makinën propagandistike e ka nga më obskurantistet në Ballkan! Sheshi dhe populli! Ndërtesa e qeverisë dhe diktatori!
Ai shesh atë ditë u bë dëshmitar se si një qeveri terrorizon qytetarët e saj, se si një qeveri skërmit dhëmbët e saj kundër shtetasve të saj. Kundër shqiptarëve që nuk e votuan, dhe me egërsinë e bishës grabitqare, rrënqethësisht shfryn helmet dhe zjarrin për të vazhduar sagën e hajdutërisë, krimit dhe monstruozitetit.
Unë dua t’i sjell sot si “in memoriam” ata që ikën gjakosur nga sheshi i protestës. Dua t’i sjell ata ashtu siç erdhën aty. Të paqtë, të ndërgjegjshëm për ç’kërkonin, të ndjeshëm për atë që kishin lënë për pak orë larg, por kurrsesi me vullnetin për t’i lënë përjetësisht ata. Ishte djali i ri, fare i ri i ardhur nga një zonë e veriut për të dëshmuar varfërinë e tejskajshme atje. Por mbeti aty mes plumbave! Askush nuk e pa këputjen prej peme në lulëzimin e saj. Askush nuk ia dëgjoi klithjen mall për fëmijën në belbëzim, apo fëmijën e padritëzuar ende në barkun e së resë… ishte Aleks Nika!
Ishte gjirokastriti im, ardhur gjysmëkëpucë dhe me duar në xhepa ashtu pa zë për të protestuar, por që hajnët e errësirës vrastare ia fashitën shpresat për t’i kthyer në lot të pafajshëm deri në dhimbje të vajzës, ishte Ziver Veizi!
Mbeti aty babai që la me dhimbjen e tij një postmort pa ngushëllim, ishte Faik Myrtaj! Kush mund t’i shlyejë nga memorja opozitare qiellthirrjet ngashërim për shokun që ikte nga kjo botë me plumbin e qeverisë në zemër dhe me shpirtin e vrarë për fëmijët me sytë nga dera që prisnin qindarkat e bukës së mbrëmjes, por që gjaku i mbyti në numërimin kacidhe të tyre… ishte Hekuran Deda! Dhimbja për ta është e madhe dhe vazhdon të mbetet po ashtu. Faji i tyre ishte që ishin shtetas të një qeverie që nuk i meritonte, të një qeverie vrastare e të pashpirt që korrupsioni i ka zënë sytë, e zullumet e kanë llumosur deri në neveri. Faji i tyre është që refuzonin një kryeministër që nuk njeh asgjë para shpërfytyrimit familjar prej korrupsionit dhe etjes për pushtet!
Por ata nuk mund të ikin kurrsesi të fajshëm nga kjo botë. Prehja e tyre e meriton vullnetin opozitar që nuk kërkon shpagim,por drejtësi! Ata meritojnë më së shumti drejtësi! Drejtësinë që zvarritet mes gjakut të tyre dhe nuk gjen fjalën e fundit! Ata meritojnë drejtësinë për atë që s’ia kishin borxh askujt, e jo më të ashtuquajturës qeveri të tyre… jetën! Jeta e tyre nuk është procedurë në dorë të gjykatësve të pushtetit. Jeta e tyre u mor brutalisht nga një kryeministër në makthet e tij dhe mbahet e mohuar në drejtësidhënie nga matrapazët e kandarit të drejtësisë.
Drejtësi nuk ka! Është rrëqethëse! Por dita po vjen! Dita për një Rilindje edhe në drejtësi është në pragun e Shqipërisë! Dhe deri atëherë ju që mohoni jetën, ju që vrisni atë dhe drejtësinë që i takon do bënit mirë mos e bënit gjumin të qetë.
38 komente në “Vrasës të 21 Janarit! Bëni mirë të mos flini të qetë!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mos moj mos flene te qete e? Nga kush te flene? Nga ai palla e gjate qe e ha ngjalen mbrapa e para dhe i lutet mjeshtrit Like per koalicion nate e dite? Ku ka kohe Rama te merret me keto budalliqe moj. Ramen e ka zene halli ca ngjyre do lyje super vilen qe po nderton ne Surrel.
E nderuara Anila.
Ke shume te drejte por nqs do lexoni kete deklarate te berishes fill pas masakres do linde pyetja.Perse akoma qeveria amerikane mbron nje kriminel duke derguar dhe u tallur me analiza shkencore te FBI njelloj si me ekspertet qe mbuluan vrasjen mafjoze te kosta trebickes direkt nga klani i berishes.
“Disponohen të dhëna të plota mbi armë të sofistikuara, cadra pistoletë, stilolapsa pistoletë, thika me helm, që do përdoreshin në stadet e caktuara të këtij grushti shteti, të kësaj përpjekjeje të turpshme për të marrrë pushtetin me dhunë. Disponojmë të dhëna se grupe pesëshe u stërviten ditë të tëra për marshimin…dhe se ky puc u financua me të paktën 2 mln dollarë. Disponojmë të dhëna se cfarë ndodhi në kullën e bllokmenit..Kam të dhëna për ndarjen e posteve të qeversië së re”.
PO kujd i drejtohesh me e “nderuar” aman? Nje hajdut taksash eshte njesoj kriminel si ai qe vret me plumb.
Bravo Anilaaaaa.Faleminderit qe shkruajte dhe per ne.I perjetshem qofte kujtimi dhe gjaku i tyre i paster per Shqiperine.Te kulluar ja dha Shqiperia gjakun ,te paster ja kthyen.Lavdi deshmorve qe rane per nje atdhe me te mire dhe demokratik.Ate dite mund te isha une,ti,ne, ne vend te tyre.Njerez kriminel-gjakatare-vrastare,qe nuk pyesin vetem per veten e tyre.A e mendoni se mund te jeni ju tani ne rradhe…………???? Cfare thua Lulzim Basha??? je dhe cun Tirone,jazek te qofte dhe pafsh keq dhe me keq ne jeten tende.Mallkuar qofshi ju te drejtesise qe merrni njerzit peng me vendimet tuaja duke ju vene gjobe me nenet dhe paragrfet e ligjit.Mendoni para se te jete vone.Sot merrni ju vendime ne emer te ligjit dhe popullit,duke abuzuar te korruptuar-kriminalizuar dhe zhyre ne gjak.Mos harroni se neser merr vendimet populli per ju me forma nga me te ndryshmet…….atehere mos u ankoni,se po ju cenohen bluzat e zeza qe jane perlyer me gjak.Populli ka memorie.
Fundi i botes do te konsiderohet dita kur ti vendose te merresh me politike…Ndershmeria jote eshte e njohur dhe vetem nje kameleon si ti e kthen b….. sa andej ketej. kur punoje ne tatime bere namin duke vjedhur dhe tani po na flet per parime, moral dhe drejtesi? Sapo vendosem si ish koleget e tua ta lexojme kete artikull kur te kemi oreks dhe te na sherbeje si kure per diete dhe kapsllekun.
Ti e ashtuquajtura tatime,Anila punoi per 11 vite ne sis.tatimor & eshte e njohur nga te gjithe bizneset ne TR per ndershmeri & perkushtimin qe ka pasur ne punen e saj.Por ti duhet te jesh 1….as femer….po ndo1 derr demokrati qe & sexin ke frike t’a thuash.Dili perballe Aniles!!! Se t’a tregon ajo vendin.Deri me sot s’ka dale 1 burre te perballoje burrerine & integritetin e Aniles…e provoi Florenc Hoxha & sot eshte vrimave te miut.
o Tatime shko tatohu nje here ti masnej fol. se Anilen e njofim te gjith cfare zonje eshte,po njerez si puna jote dun me e mulu diellin me shoshe,po ty dhe klanit tak po ju kalon koha si ben zonja juaj bulku tik-tak tik-tak
tatime shko tato nje here veten pastaj merru me te tjeret. te gjithe e dime dhe e njohim ndergjegjen dhe seriozitetin e zonjes ANILA por ty me siguri ste ka kryer ndonje nga marifetet e tua dhe nuk te ka shkuar per shtat kjo gje. sa turp qe kalon ne gjera personale kur ketu flitet per njerez te vrare te popullit. turp turp per ty dhe faren tende……
Ben mire qe pasi te kesh mbaruar pune me kapsllekun ta konsumosh me po ate deshire qe konsumon veprat vrastare te shtetit dhe shendet do te behet….nuk paguan edhe tatime…pusht.
FALEMINDERIT MOJ ZONJA ANILA QE NA I SOLLE SIKUR TE ISHIN GJALLE ATA KATER MARTIR, QE DORA KRIMINALE E SALI BERISHES DHE E LULEZIM BASHES I VRANE, PER TE FUTUR FRIKEN DHE TMERIN NE POPULL, QE ASKUSH TE MOS GUXOJ TE PROTESTOJ KUNDER QEVERIS DIKTATORJALE DHE KRIMINALE TE SALI BERISHES SE PO DOLET SIC ESHTE SHPREHUR ME PAS KRIMINEL SALIU UA BEJ SI ME 21 JANAR. ESHTE E VERTET QE DREJTESIN SALIU E KA VENE NEN KEMBE DHE BEN CFAR TI THOT SALIU. POR NJE DITE DO VI DHE AJO SESHT LARG ME 23 QERSHORI DOTE JETE FUNDI I KETI KLANI VRASTAR DHE ATA DOTE PERGJIGJEN DERI NE NJE PER KRIMET EKONOMIKE DHE VRASJET E GERDECIT, 21 JANARIT E ME GJERE.
Po po ajo dite ka per te ardhur dhe ky zullumderr kryeminister bashke me lakenjte e tij kane per ti paguar haraqet dhe maskaralleqet e tyre sepse e drejta vonon por nuk mund te harrohet perjetesisht.
Kam krijuar bindjen e plote vec ai qe nuk deshiron se kjo qeveri me 23 qershor do marre nje ndeshkim te papare dhe kete e kam kuptuar sidomos sot ne mitingun qe Berisha kishte organizuar ne Berat ku pavaresisht se ishin militantet e tij aty shihej nje zbehje e plote pa piken e entuziazmit sepse ne fund te fundit shumica jane njerez te thjeshte dhe qe kane ideale por kur keto ideale tradhetohen ne menyren me te shemtuat atehere zhgenjimi eshte i madh dhe nuk mund te behesh me i besueshem pavaresisht se disa nga frika nuk dalin hapur por brenda ne shpirt jane te revoltuar.
Opozita ka punuar ne menyre brilante pavaresisht se per dike nuk eshte keshtu sepse kane kerkuar radikalizem ndaj ktyre maskarenjeve jo se nuk e meritojne por se duke ua zbuluar me fakte te njepasnjeshme dhe te pakundershtueshme jo vetem qe bind njerezit por tregon se don edhe stabilitetin dhe jo gjakderdhjen sepse ky maskara kryeminister nuk e ka per gje te vrase deri ne shfarosje popullin e vet.
Ky e ka treguar edhe ne 97 kur dergoj avionet per te bombarduar Vloren por qe pilotet dezertuan si burrat se nuk mund te vrisnin popullin e vet dhe e tregoj edhe me 21 janar se mund ta conte vendin ne lufte civile vetem e vetem per egot e tij prandaj ne duhet tia tregojme vendin ketij maskaraj me vote peblishitare qe te mos e hap me gojen deri ne vdekjen e tij se ndryshe ky han mut pereseri se ma rrembyen pushtetin me dhune.
——nuk e di sa brilante eshte opozita….—-por ajo qe deshiroj te komentoj eshte veprimi i ligjit te ndeshkushmerise. –e pame ne 97 , vlora i dorezoi kriminelin politikes per ta ndeshkuar dhe ja ku jemi sot ne te tjera krime dhe korrupsion jo vetem qeveritar por edhe familjar sepse nuk veproi ndeshkushmeria por i amnistuan—- Do ti urreja pa mase opoziten e sotme ne pushtet ne se nuk vihen para ligjit ata qe organizuan GERDECIN , vrasesit dhe urdherdhenesit e 21 janarit dhe korrupsionin e rruges se kombit , dhe ne se EDI RAMA eshte i vetekapur nga korrupsioni dhe nuk do te jete ne gjendje te beje ndeshkushmerin te hap rrugen per nje tjeter , gje qe un nuk e besoj—-nuk ka demokrci ne se themi ta leme te kaluaren e te shikojme nga e ardhmja
E si mund te kete drjetesi oj goc artkullshkruese?!!!
Si mund te kete drejtesi kur cecenet pa kurfare te drejte zune tokat e Tiranes dhe lane me gisht ne goje te zotet e tyre?
Kur deputete e dhjetorista, zune shtepite e pronareve qe jetonin me qera tek te tjeret?
Kur oficera dhe police me akadami, u zevendesuan me gjykates Plepash, hajdute te liruar nga burgu dhe druvare pyjesh?
Kur vreshta dhe hektare te tera te drenazhuar e sistemuar, u dogjen e u bene shesh ndertimi…sepse ishin komuniste?!!!
Kur miniera, hidrokarbure, hidrocentrale, armatime, hekurudha, vapore, fabrika, uzina, ajri dhe deti, ju falen keqedashesve te shqipetareve?!!!!!!!!
Dhe tani???
Tani po arijme Europen, por vecse kemi ca probleme?!!!E ka fajin opozita!!!!!!!!!!
O Zot na jep ca tru me shume! na jep ca guxim dhe kurajo, te ndahemi nga keta BARBARE!
E para, kjo eshte nje plage e tere kombit shqiptar dhe jo vetem e jotja dhe menyra si e pershkron ti artikullin tend e shume per te deshiruar….besoj se eshte caktuar si detyre teme qe se paku te shkruash nje artikull here pas here qe te njihesh si faktor me ps ne partine tende per ndonje pozicion te mundshem ne rast fitoreje te PS.
E dyta, menyra dhe stili yt (nga mosha duhet te jesh ne menopauze) i shkrimit, tregon haptazi qe ti nuk ke kapacitetin e duhur per analiza te tilla.
edlira o idiote | nuk eshte analize | eshte perjetim !
O Edlira, nuk ka nevoje per kapacitete se Enver Hoxha ashtu qendroi 50 vjet ne pusht. Prandaj lere zonjen te shkruaje se me te e te tjere si kjo do fitoje PS…Nejse kjo Anila te pakton i”mbron kutite e votimit” diten e zgjedhjeve keshtu qe i “takon” te vjedhe nga pak….
Oj teqeja ne Smokthine
Me març haken o allah
Te gjithe i bere zengjine
E mua me le fukara
E para, kjo eshte nje plage e tere kombit shqiptar dhe jo vetem e jotja dhe menyra si e pershkron ti artikullin tend e shume per te deshiruar….besoj se eshte caktuar si detyre teme qe se paku te shkruash nje artikull here pas here qe te njihesh si faktor ne partine tende per ndonje pozicion te mundshem ne rast fitoreje te PS.
E dyta, menyra dhe stili yt (nga mosha duhet te jesh ne menopauze) i shkrimit, tregon haptazi qe ti nuk ke kapacitetin e duhur per analiza te tilla.
E para, kjo eshte nje plage e tere kombit shqiptar dhe jo vetem e jotja dhe menyra si e pershkron ti artikullin tend le shume per te deshiruar….besoj se eshte caktuar si detyre teme qe se paku te shkruash nje artikull here pas here qe te njihesh si faktor ne partine tende per ndonje pozicion te mundshem ne rast fitoreje te PS.
E dyta, menyra dhe stili yt (nga mosha duhet te jesh ne menopauze) i shkrimit, tregon haptazi qe ti nuk ke kapacitetin e duhur per analiza te tilla.
turp
Nuk e di se si vrasesit e kater te pafajshmeve te 21 janarit mund te flene te qete. Mire thua moj Anila qe ne jemi nje popull qe nuk kemi nje memorie te shkurter. Mirepo ne jemi nje popull qe kemi edhe nje kanun malesh, qe vet malsori qe tash e ka kry nje vrasje i ka dhane mjaft vlere.
Dhe nese shteti qe do te vij pas 23 qershorit nuk ka me dhane drejtesi, atehere…. Mos flini te qete o vrases te 21 janarit! Pastaj asht radha e kanunit te maleve…
Vrasës të 21 Janarit!
drejtesi ve vetm nje popull i mencur dhe jo gjykatesit e plepave.ne 21 janare te gjithe ata qe duan te rilindin dhe te marrin frym lirshem duhet te jene ne shesh qe ti tregojne vrasesve te 4 deshmoreve qe lane bulevardin e deshmoreve me gjakun e tyre duke ngritur zerin e tyre dhe per ata qe kan frik te protestonin kunder diktatures se diktatorit dhe kopes se tijpo i vjen fundiduhet ti tregojme kesaj kopeje barbaresh se shqiptaret nuk mund te heshtin me nga presioni i frikes dhe terrorit
Po aty eshte dashur qe te gjithve tju vrisnin ne menyre qe te pastrohej shqiperianga ndyrsyrat e kuqe,mir tha ngjela trembdhjet mije qe te gjitha flliqsirat e Mustafa nanos.
Mendoj qe fatkeqesia me e madhe e popullit tone eshte shenja e inferioritetit qe eshte rrenjosur tek ne. Per shkak te kushteve te ndryshme historike e politike, ne kemi qene nje popull i shtypur qofte nga te huajt qofte nga pushtetaret tane. Kjo ka lene pasoja ne popull qe tashme nuk ngrin me zerin e vet per asgje. Populli duhet te zgjohet e te kuptoj qe sovrani dhe pronari i vetem i ketij vendi eshte vet ai (populli). Boll pritet nga te huajt, nga pushtetaret etj. Po nuk u tundem ne kembet asnje nuk te syte, e jo me te te ndihmoje. Populli duhet te zgjohet e te marr ne dore fatin e vet, vendin e vet. Shqiperia eshte e shqiptareve, jo e disa individeve ose klaneve. ZGJOHU O POPULL ZGJOHU PERNDRYSHE DO MBETEMI ARGAT NE TOKAT TONE OSE EMIGRANT NE TOKA TE HUAJA. Gjendja nuk pret me se shqiperia po shitet. Do mbetemi pa pasuri kombetare. Dhe elektorati i majti ti tund kembet opozites dhe ti kujtoj per cfare jane aty ne PS. PS s’eshre prone e Majkos, Blushit, Dokles, Pellumbit, Rucit, Nanos apo Rames, por e popullit te majte shqiptar. Ata jane aty per te plotesuar kerkesat tone. Deshirat tone duhet te jene urdhera per ata, nderkohe qe ndodh e kunderta. Perfaqesuesit i bindem verberisht elektoratit te tyre – Keshtu funksionon demokratesia. Po nuk kerkuam ne te drejtat tone askush nuk do te na i jap. Te mirat nuk bien nga qielli, por punohet per ti marr, dhe luftohet nese duhet luftuar. Opozita duhet te zgjohet dhe te bej detyren e vet, DETYREN E VET, spo na bejne asnje nder, asnje favor, thjesht te justifikojne rrogat e tyre dhe pasurite e vena deri tani fale votes sone. Mos lejoni te perseritet historia e pas 97 me Nanon ne krye. Ne i kuptojme gjerat vetem pasi e kemi ngrene sa krahu, sic ndodhi me Nanon, dhe me LSI. ZGJOHUNI O NJEREZ SA NUK ESHTE VONE!!!!!!!!
Ne jemi zgjuar mer ti mik , po ti cfare po ben ? Apo je aty per te na dhene kurajo ?
Shume koment pa vend i dashur komentues “Sallakja”. Qofte koment ironik, qofte koment me humor, shume i deshtuar mbetet. Nuk e di se si mund te mendosh te shkruash nje koment te tille pasi ke lexuar nje artikull te tille, dhe ne vigjilje te nje tragjedise kombetare. Kohen e harxhuar per te kthyer nje pergjigje pa lidhje te komenti im, mund ta kishe harxhuar per te bere nje koment per kete tragjedi kombetare, per te shprehur ndjenjat e tua ne kete situate, ose thjesht per tu menduar dhe kthjelluar rreth cfare kemi kaluar dhe cfare po kalojne. Ose te pakten te kishe shkruar nje pergjigje qe mund te na conte ne nje shkembim mendimesh, tip debati konstruktiv.Sa per komentin tim, meqe paska qene i vetmi shkrim qe te ka bere te thuash dhe ti dicka packa gjendjes se mjeruar te vendit, nuk e di se sa e kuptove, dhe sinqerisht nuk me intereson. Une i qendroj pike e per presje mendimit tim dhe mbi te gjitha shprehjes se mendimit tim qe me garantohet me kushtetute. Shendet!
……….dhe luftohet nese duhet luftuar………. JO. Me njerez te kesaj kategorie te gjitha conversazionet jane te pa nevojshme. Te luftojme kunder kujt? Kundra njeri tjetrit, me te vetmin qellim qe te kthehemi aty ku ishim.
Te vritemi ,te coptohemi te vdesim te shkaterohemi??????????……….JO.JO.JO.
Te nderuar medioker comentues te gazetes Tema ( jam civil nuk thahe injorante ) jeni te mbushur me urrejtje. Por sido qofte mos e degjoni asnjehere kete kastravecin qe quhet ” per di piú” laraska
Bravo Anila, per kurajon qe ke ne demaskimin e ketyre krimineleve qe sdo kene vend ku te futen pas fitores te thelle te socialisteve.
Si Anila duhet te angazhohen dhe te shkruajne dhe femrat e tjera te PS dhe shoqerise shqiptare. Ke mbeshtetjen e te gjithe vlonjateve per punen qe po ben ne PS.
kokerr me kokerr do ti paguash sali berisha te gjitha ato te keqija qe i ke bere ketij populli. nuk mund te vuajne dhe te vriten njeres vetem e vetem sepse nje njeri duhet me pahir te qendroje ne pushtet. ata 4 bij nenash u vrane por te jesh e sigurte znj.Anila se Saliu jeton nate e dite me shpirtrat e tyre , nuk e len te qete per asnje moment , eshte i gatshem te shkrije te gjithwe pasurine e vete vetem e vetem qe ai ta beje gjumin e qete , por eshte e kote ata shpirtra e mundojne gjate gjithe kohes dhe do ta mundojne deri ne momentin qe drejtsia do vihet ne vend nuk mund te blihen me asgje ne bote , pra deri ne momentin qe Saliu do te shkoje para drejtesise dhe te jape llogari. ai do te kishte ikur nga pushteti por problemi eshte se askush nuk i jep garanci se pasi te largohet do ta lene te qete te jetoje pleqerine e tij , edhe nderkombtaret i beren dalje dhe shpresa e fundit e tij eshte qe ta mbaje pushtetin me dhune , por kur nuk e mbajti nhe 97 e si mund ta mbaje tani ne 2013 , sa paranojak qe eshte bere , nejse faji eshte i maktheve qe ai kalon per dite dhe per nate nen shoqerine e atyre 4 martireve qe kurre nuk do ta lene te qete.
Anila, te falenderoj per shkrimin dhe emocinet pozitive qe me percjell me shkrimet e tua. Mos u merzit me ato laraskat dhe zemerligat qe edhe ne nje artikull kaq te arire ne nderim te heronjve te 21 Janarit nuk munden ta permbajne mllefin dhe xhelozine e semure dhe idjote qe ju ka perpire shpirtrat e tyre te trembur nga e ardhmja dhe Rilindja e ketij Kombi qe eshte shume e afert. Ne vend qe te harxhojne kohen duke share mire eshte te mendojne se ku do te futen neser kur drejtesia dhe e verteta do tju bjere si cekan ne koke . Vazhdo keshtu dhe mos e ndal hapin as ti dhe asnje socialist i vertete deri sa te vendoset drejtesia ne kete vend se ky popull meriton me te miren . RESPEKTE
Anila
Mos be interesanten. Le te tjeret te bejne komentet per 21 janarin. Apo mendon qe njerezit nuk e dine lidhjen familjare me kriminelin Fecor Shehu.
Kjo lidhje beri qe yt tate si vella i gruas se Fecorit te ishte drejtor i tankeve ne kohen e Dulles si dhe xhaxchai te ishte drejtor i Pergjithshem i RTSH.
Kasimati,njerezit qe jane larguar nga jeta,se paku permendin me emer.Babai & xhaxhai i Aniles kane qene njerez shume te nderuar ne profesion & jeten e tyre,qe ne ushtaraket e kohes se tyre & sot i heqim kapelen kur i kujtojme.Astrit Çobani ka qene nga studentet e shkelqyer ne Moscow & i sherbeu shtetit shqiptar si 1 ushtarak karriere me meritat e veta,duke e lavderuar tere Shqiperia! Ti duhet te jesh nga ato ballistet e Libohoves,qe & sot e kesaj dite keni mbetur aty ku ju ka lene historia.Ndersa Agron Çobani eshte QYTETAR NDERI i GJIROKASTRES ?
Ushtaraku
Ne komentin tim nuk ka fjale fyese as per Astritin dhe as per Agronin.
Por lidhja e tyre familjare me Kriminelin Fecor Shehu beri qe ata te merrnin postet qe permanda. Pasi kryekrimineli Enver likuidoi kriminelin Fecor, te tre vellezerit Cobani gati te internuar kane qene apo jo ?
Dhe sot e bija e Astritit kthehet ne origjine. Eshte e drejta e saj.
Por moral qe populli shqiptar e ka memorien e shkurter, te mos na shese.
Shqiptaret nuk jane te gjithe niveli i djalit te Isa Gorices.
Astriti per saktesi ka qene ne Kiev ne Ukrahine, sepse dihet qe ne BRSS do te coheshin bijte e komunisteve. Sa per familjen Kasimati, mund te pyesesh jo vetem ne Libohove se kush ishin.
O Anila! Po leri mos ngacmo plage sepse ti dukesh me komentet qe ke shkrujt vete me poshte, qe nuk je per ket pune…Ata ishin heronj dhe iu prehte shpirti ne paqe, qe do ndodhe kur as partia jote dhe as Koalicioni i sotem te mos vijne ne pushtet. njerezve u ka shku thika ne kocke dhe nuk ka nevoje ti kujtosh c’ka ndodh ate dite qe kam qene vete aty. Por duke te njohur ty nga afer, do thoja qe je sinonimi i hipkrizise dhe i Imoralitetit.
Bravo Skerdi.
GAZETAR FRIKACAK NE PERGJITHESI, FEVZIU & CO
PERGEZIME ANILA PER SHKRIMIN. Kurresesi nuk mare persiper te behem avokat i juaj,sepse puna dhe pregatitja qe demonstroni ne shkrim e bene te panevojshme mbrojtjen per ju. Nese rridhni nga pema e COBANEVE meritoni respekt e mirenjohje. KAM NJOHUR dhe punuar me MELSI COBANIN,NJERIUN E MIRE,PEDAGOGUN E TALENTUAR TE PERG.FIZIKE. CUDITEM me ndonje komentues te mesiperm si USHTARAKU i cili pergojon F.shehun sepse ka patur lidhje fisnore me familjen COBANI.Inderuar ushtarak vellezerit COBANI E KANE SHKRUAR HISTORINE E TYRE ME NDER,ME MUND E DJRRSE.ATA kane qene shembull kudo ku kane punuar e jetuar.AGRON COBANI KA QENE DHE DO TE MBETET IKONE E TV.SHQIPETAR.KURSE MELSI ESHTE I PAHRRUAR NE ZEMRAT E ATYRE QE E KANE NJOHUR DHE KANE PUNUAR ME TE.SA per F.shehun le tja leme kohes se kush ka qene,mos te gjykojme ne pseudofaktet e E.HOXHES.VAZHDO ANILA NE RRUGEN E TE PAREVE TE TU,TE JESHE KRENARE PER ATA DHE PER VEHTEN TENDE.TE PERSHENDESE ME DASHURI E RESPEKT PAVARSISHT SE NUK TE NJOHE PERSONALISHT.
Qente le te lehin, karvani shkon perpara… Te lumte Anila