Tredhje-fashion!

Nga Ilir Metaj

“Tredhja” ka qenë një fjalë si e nxjerrë nga sënduku, që bie erë bar mole. Por për çudi këto kohe është kthyer në një fjalë trendy, “new fashion”. Epo që kjo fjalë do të vinte në modë, nuk e kisha menduar. Sigurisht, moda vjen sipas vendit. Ama jo rastësisht dhe pikërisht tani. Patjetër që mund të kishte të tjera zgjedhje për kohën tonë, por me sa duket “sipas vendit, edhe kuvendi”.

Por “tredhja” e ditëve tona ka risinë e vet. Ajo nuk vjen më aq e thjeshtë dhe njëdimensionale si në kohët e para. Jo. Të paktën vjen e rinovuar, e reformuar, e integruar: shumëdimensionale.

Ja pra, koha jonë i ka vënë vulën e vet për t’u dukur më e re, më tërheqëse.

Dimensioni i parë: “Tredhje” për qentë me 4 këmbë

Pasi ia mbërritëm të jemi vendi i milionave vizitorëve-turistë në vit, pasi ia mbërritëm të jemi në vendet e tribunës për zhvillimin ekonomik, pasi ia dolëm të bëhemi lider në implementimin e internetit në shkallë vendi, pasi shënuam rritjen më të lartë të rrogave e pensioneve në rajon, pasi… e kushedi sa të tjera si këto, erdhi edhe radha për qentë. Për ata me 4 këmbë, sigurisht. Ndokush mund të hutohet këtu e t’i pritet hovi: a shkon të flasësh për tredhjen e qenve (me 4 këmbë) pas renditjeve të mësipërme? Po a i shkon kjo gjë vendit të tribunës për rritjen ekonomike?! Tek e fundit, ne këto arritje i bëmë tonat edhe me qentë që jetojnë prej vitesh në kope në qendrat e qyteteve, nëpër rrugë nacionale, plazhe. Nuk është se duket bukur kur i sheh të hanë nëpër kazanët e rrugëve dhe as kushedi çfarë romantike të dëgjosh hungërimat e tyre tek çiftohen para pallatit ku banon, natën nën dritën e hënës. Po kushedi, ndoshta kjo na bën të veçantë, bio, e na ndjell më shumë turistë. Vallë pse u kujtua qeveria tani dhe dha urdhër që qentë (me 4 këmbë) të “tridhen” në qendra të specializuara? Ndoshta ngaqë në vitin 2013, pasi “trodhëm” një sërë arritjesh të rëndësishme ekonomiko-kulturore-teknologjike, erdhi koha të shënojmë edhe një “tredhje” biologjike.

Dimensioni i dytë: “Tredhje” për qentë me 2 këmbë

Kryeministri e dha verdiktin për pedofilët: të tridhen. E gjeti zgjidhjen. Po zgjidhje për çfarë? Pedofilizmi është në kokë zoti kryeministër! Në atë lart!

Dimensioni i tretë: “Tredhje” politike

Ah, kjo është vërtet “trendy”, ekskluzive e ditëve tona, ditëve të internetit. E shikon ngado, po përhapet me shpejtësi 4G nëpër parti të ndryshme. Bartësit vishen rigorozisht me kostum e kravatë (edhe kur i blejnë të Gabi). Janë gjithmonë të qetë, të butë e me buzëqeshjen e stampuar në fytyrë. Buzëqeshin edhe kur nuk e kuptojnë atë që u thonë. Nuk kanë asnjëherë ndonjë gjë kundër, “shefi” thotë gjithmonë atë që mendonin edhe ata. Telepati interneti me shpejtësi 4G. Nuk dinë të bëjnë asgjë se fundja kjo nuk iu kërkohet. Ah po, dinë të servilosen  pështirshëm!

Këta janë njëlloj i ri “pedofilësh” që, në ndryshim nga të parët, abuzojnë jo-fizikisht, abuzojnë me të ardhmen e këtij vendi. Mendje-tredhur të bërë, zemër –tredhur të lindur!

Po këtë farë si ta shfarosim!

Nejse…

Ka edhe dimensione të tjera tredhja, është shumë fashion….

Po mjafton kaq për sot.

Qoka të shtrenjta londineze, për një vend të varfër

23:48 Blog

Mbyte skllavin në veten tënde!

20:23 Blog

Atdheu tjetër, prej fjale!

20:11 Blog

Berisha mund të dalë i humbur, jo Top Channel

19:18 Blog

Zgjedhjet dhe e keqja më e vogël

11:03 Blog

Papa Françesku I dhe tragjikomedia jonë

10:05 Blog

Histeria e dënimit me vdekje përballë rënies së shtetit

02:28 Blog

Vdekja e shkronjave në letër

21:04 Blog

Papa Frana që do ta njohë Kosovën

20:30 Blog

Shmangia mendore e Berishës në takimin me Papën

19:01 Blog