Te fundit
Gruaja që e kafshoi burri:Tri herë e denoncova për dhunën , por e lanë të lirë e më rrahu
2 Maj 2013, 09:44Kronika
TEMA
Nëna e tre fëmijëve , e cila u dhunua nga ish-bashkëshorti që e kafshoi në fytyrë për motive xhelozie, tregon se problemet e vërteta me ish- bashkëshortin filluan pas divorcit.
“Pas ndarjes filloi të bëhej xheloz. Gjatë martesës nuk ka qenë ndonjëherë. Ishte i dhunshëm sepse luante bixhoz.La gjithçka në bixhoz, pronat që kishte në Kombinat, kursimet tona, paratë që fitonim me dyqanin, madje edhe shtëpinë që jetojmë tani .Më është dashur të marr kredi që të mbaja shtëpinë dhe të mos na e merrnin borxhlinjtë. Duhet të paguaj edhe 18 mijë euro kredi. Tri herë i jam drejtuar për ndarje gjykatës dhe jam tërhequr sepse vinte më lutej, më premtonte që do ndryshonte dhe unë e falja. Shkoja te njerëzit e mi, vinte edhe atje u premtonte edhe atyre që do ndryshonte. Sa rrinim nja dy muaj pa sherre , prapë fillonte me të vetat. Ka qenë shumëiI dhunshëm. Edhe atëherë kam bërë denoncime dhe i kam raportet e Mjekësisë Ligjore , sepse atëherë nuk i jepnin shumë rëndësi dhunës ndaj gruas dhe kot se bëje denoncime. Kam shkuar disa herë te Spitali Ushtarak, te “Nënë Tereza’’, ku kam marrë mjekim nga plagët që më shkaktonte ai.” , shprehet 45 vjeçarja Suzana Elezi.
Ajo shprehet se e ka denoncuar tri herë dhunën e ushtruar ndaj saj dhe sërish e lanë të lirë.
“Episode e dhunës kanë qenë të vazhdueshme , por pas divorcit u bënë edhe më të rënda. Që pas divorcit ai më sulmoi rëndë një ditë dhe më çau dorën me një nga ato veglat që përdorim për punimin e varreve. Unë e denoncova te Komisariati 6 për këtë rast, madje edhe u dënua nga Gjykata e Tiranës . E dënoi gjygjtarja Fatmira Hajdari me 18 muaj burg. Por unë e fala kur shkoi çështja në Apel, se më premtoi se nuk do të bënte më veprime të tilla. Po edhe kisha frikë nga fqinjët, sepse ishte edhe mentaliteti i tillë. Veç të tjerash, ai edhe më kërcënonte. “Po kur të dal nga burgu, ku do shkosh?”, më thoshte . Para kësaj ai pati bërë edhe 3 muaj burgg për armëmbajtje pa leje. Ligji parashikon te 3 vjet ose 5 vjet për këtë vepër penale, por ai doli me korrupsion, se ndryshe nuk kishte si të dilte. Mua më thoshte: “Unë dola se kisha armë pa leje, për këtë që më bën ti prapë do dal. Ku do shkosh ti pastaj ?”
Elezi rrëfen për bashkëshortin një sërë rastesh , ku ai ka ushtruar dhunë mbi të, por rastin e fundit e rrëfen kështu : ‘’Atë ditë po shkoja te varrezat e Sharrës sepse do të pastroja një varr. Ai më kishte ndjekur nga pas sepse dyshonte se e tradhëtoja. E ku ta tradhëtoja unë, me të vdekurit në banesa? Po aq ja priste atij. Mbi varre më ka dhunuar. Më kapi për flokësh, më kafshoi tek qafa dhe te buza “ Ta tregoj unë motelin ty. Ti për të tjerët je , për mua nuk je”. Kështu më tha copë. Se çfarë moteli kishte në varreza, hajde shpjegoja atij, se nuk merrte vesh. Ishte thejsht fiksimi i tij. Unë në varreza punoj, pastroj varret, ushqej fëmijët”, tregon Elezi për gazetën “Panorama”.
Ajo tregon se atë ditë i ka shpëtuar nga duar dhe ka telefonuar 129-tën. Pas arrestimit të tij ,uron që drejtësia të vendosë drejtësi./ A.XH
2 komente në “Gruaja që e kafshoi burri:Tri herë e denoncova për dhunën , por e lanë të lirë e më rrahu”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Allahu e shkaterrofte ate qafir moj moter!
jo allahi, por Zoti i madh e denofte ate kafshe me fytyre njeriu..!! kurse allahi le ti hedhe ndonje rrufe netit ne tru te vogel..!!!