Te fundit
Romani “Kukullat nuk kanë atdhe” i Flutura Açkës më i miri në Prishtinë
12 Qershor 2013, 09:34Kulturë
TEMA
Libri provokues i shkrimtares Flutura Açka është shpallur si romani më i mirë i edicionit të 15-të të Panairit të Librit në Prishtinë (3-9 qershor).
Në një ceremoni solemne të organizuar nga Shoqata e Botuesve të Kosovës u ndanë edhe çmimet e panairit. Një trofe, që paraqet “Hyjneshën në fron”, simbolin e qytetit të Prishtinës.
Mësojmë se juria e përbërë nga Ilire Zajmi – Rugova, poete, Anila Xhekaliu, poete, prozatore dhe përkthyese dhe Naim Kelmendi, poet, publicist dhe botues, kanë qenë unanime sa i përket ndarjes së çmimeve.
Çmimin për romanin më të mirë në panair e ka marrë libri “Kukullat nuk kanë atdhe” i Flutura Açkës, botim i “Skanderbeg Books” nga Tirana.
Me çmimin për librin më të mirë me poezi është vlerësuar libri “Pothuajse dje” i Luljeta Lleshanakut, e cila ka qenë edhe mysafire e panairit të sivjetmë.
Çmimi për librin më të mirë për fëmijë i ka takuar Shkëlzen Zallit për librin “Zogj të bardhë” botuar nga “Ada”, Tiranë.
Çmimin për kritikë letrare studiuesi e kritiku Kujtim M. Shala për librin “Gjenetika vs poetika”, botim i shtëpisë “Buzuku” nga Prishtina.
Përkthyesi i vitit është vlerësuar Amik Kasoruho për përkthimet “Revolta e Atlasit” (në tri vëllime) i Ayn Rand, “Mosha e pafajësisë” nga Edith Warton dhe “Damka e turpit” të Nathaniel Hawthore, botime këto të shtëpisë “Pegi” nga Tirana.
Me çmimin për autor të vitit 2013 është vlerësuar Albatros Rexhaj për romanet “Bombë në Beograd” dhe “Ditar dashurie i një shkrimtari”, botuar nga “Dudaj”.
Me çmimin për vepër kapitale janë vlerësuar dy projekte madhore: Matteo Mandalà për veprën kurorë në fushën e traditës sonë jo vetëm letrare “LEKË MATRANGA njeriu, koha, vepra – Mbi botimin kritik të varianteve dorëshkrim e të shtypur të veprës E mbsuame e kërshtenë – 1592”, botuar nga “Ombra GVG”, Tiranë dhe ajo e Aleksandër Meksit dhe Xhevair Lleshit “100 vjet pavarësi kombëtare” botuar nga “Uegen”, Tiranë.
Stenda e botimeve “Koha” është shpallur më e vizituara e edicionit të 15-të të panairit “Prishtina 2013”./ Gazeta “Panorama”.
3 komente në “Romani “Kukullat nuk kanë atdhe” i Flutura Açkës më i miri në Prishtinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Eshte vertete turp. Açka eshte ne fakt mjerimi i letersise shqiptare. Krejtesisht e palexueshme dhe amatore deri ne intelektin e nje vajze me tetevjeçare. Edhe nje here turp. Ajo nuk perfaqson letersine por veten e saj. Jam totatlisht i zhgenjyer nga pseudoromanet e saj qe realisht jane veçse haluçinacione te nje njeriu me probleme ne neurozat e saj.
Tung
Qe ta kuptojne kalamajte,Saliu eshte nje kukull e tille.
Vete letersia eshte halucinante, trill, e imagjinuar. Nese eshte keshtu, e si duket nga lexuesi Amant po, atehere qenka ok. Por lexuesi duhet te jete i kthjellet dhe jo te paragjykoje. Aman, c’mates intelekti qe qenke o Amant! Ti duhet te turperohesh, ta thote Pjoter vellai i letersise dhe jo i marrezise.