Te fundit
Shënime nga Ditari i Doktorit: Edi Rama ka korruptuar Brukselin
30 Shtator 2013, 21:06Antena
TEMA
Sot kam qenë i revoltuar gjithë ditën. Revanshi i Piktorit ndaj institucioneve është i rrezikshëm. Dola në mëngjes në zyrë dhe sapo hyra brenda, i thashë sekretares të më thërrasë në takim ambasadorin e BE.
-Mos është mirë t’i themi Lulit, më tha sekretarja, dhe ta ftojë ai.
-Jo, nuk ka nevojë, i thashë. Kjo është punë serioze, nuk është për Lulin.
-E kuptova, tha sekretarja dhe u lidh me ambasadorin.
Lamë takimin dhe ai erdhi në zyrë.
Ia numërova të gjitha.
Në fillim ia nisa me Policinë e Shtetit.
-Deshën të fusin në kurth, i thashë, shoferin e familjes sime sikur gjoja vinte gjoba dhe donin ta arrestonin që ditën e parë. Falë prokurorisë së pavarur, ai është i lirë, por Policia e Shtetit po bëhet instrument i rrezikshëm. Deri tani kam njoftime se po prishin gjithë ndërtimet pa leje të mbështetësve tanë dhe asnjë të tyre. Ky është persekutim klasor.
Pastaj i shpjegova se policia po bën terror rrugëve natë e ditë. Të krijohet ideja se jetojmë në një shtet policor.
Pastaj i fola për zgjedhjet e 23 qershorit që ishin një farsë ku krimi dhe droga diktuan rezultatin.
-Nuk jam dakord, më tha. Raporti i KiE thotë se ishin konkurruese.
-Ata janë miqtë e Edvin Ramës, i thashë, dhe nuk i beson kush. Shqiptarët më besojnë mue.
Pastaj i fola për administratën. -Më ka anuluar emërimet ligjore, i thashë. Unë kam liruar nga detyra kryetarin e ERE dhe i kam dhënë leje të punojë në Hidrocentral të Ashtës, ai ma ka anuluar. E ka lënë tjetrin në mes të katër rrugëve. Më ka hequr drejtin e ALUIZNI-t, të KESH, të Albpetrolit, të OST, të gjitha d.m.th. Ky është skandal. Ato janë ndërmarrje ekonomike të pavarura. Albpetrolin ia ka dhënë Koços, i thashë…
Ambasadori dëgjoi me vëmendje në fakt dhe tundte kokën.
Pastaj i fola për skandalet e Edi Ramës me ligjin për nëpunësin civil. I thashë Evropa nuk duhet t’ia japë statusin kurrë Shqipërisë nëse Edi Rama ndryshon ligjin ose shtyn futjen e tij në fuqi.
-Ne kemi të dhëna të plota dhe të sakta, i thashë, se Stefan Fyle është i korruptuar nga Edi Rama. Një njeriu i ynë i ka parë ata kokë më kokë duke dalë nga dyert e selisë në Bruksel duke folur në konfidencë. Ja ku ke dhe foton, i thashë, dhe ia vura mbi tavolinë.
Kemi të dhëna të tjera që gjatë një darke në Bruksel, Rama ka qenë në krah të Fyles dhe tetë herë i kanë folur në vesh njëri- tjetrit. E gjithë kjo s’mund të jetë gjë tjetër veçse një lidhje e fortë intime mes tyre kundër fateve të Shqipërisë. Derisa Fyle pranon të flasë vesh më vesh dhe sy më sy me një armik të Shqipërisë si Edi Rama, ne e konsiderojmë atë automatikisht si armik të Shqipërisë.
-A keni fakte të tjera, më tha ambasadori.
-Kemi, patjetër që kemi, i thashë. Zoti Fyle ka pasur më parë një zëdhënëse, e cila kishte lidhje përmes email-eve me stafin e afërt të Ramës dhe ne kemi dokumente për këtë. Ata i dërgonin çdo ditë email dhe ajo u përgjigjej çdo ditë. Email-et kanë qenë të koduara në tekst që të mos kuptoheshin.
-Po ndonjë më konkrete për Fylen, më tha ambasadori.
Aty e kuptova që Piktori i ka korruptuar të gjithë dhe nuk duan të pranojnë faktet.
-Kemi zoti ambasador, i thashë. Shikoni pamjet filmike të Fyles dhe Ramës kur dalin bashkë në Bruksel para gazetarëve. Fyle ka qenë i skuqur deri tek fije e flokut. Pse ka qenë i skuqur nga takimi me Ramën do thoni ju? Se i vjen zor ngaqë Rama i ka kërkuar të bllokohet statusi i Shqipërisë. Pse do ishte skuqur tjetër?
Ambasadori tundi kokën në shenjë mohuese këtë radhë.
-E keni gabim, tha. Fyle është vetë i kuq nga fytyra.
E kuptova se Piktori e kish korruptuar dhe këtë. Edhe ky njësoj si francezja kërkon t’i hapë rrugë Piktorit të ndryshojë ligjin.
Ai ka korruptuar Evropën me paret e krimit dhe drogës.
Por ne do qëndrojmë. Përpara!
9 komente në “Shënime nga Ditari i Doktorit: Edi Rama ka korruptuar Brukselin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
hahahahahaaaa
DAVA IDIOTI:
“…-Mos është mirë t’i themi Lulit, më tha sekretarja, dhe ta ftojë ai.
-Jo, nuk ka nevojë, i thashë. Kjo është punë serioze, nuk është për Lulin.”
http://goo.gl/h2lK8a
Ha ha ha!!!!!!
haha .. nuk eshte per lulin kjo thote, ( sala donte takim me ambasadorin e be) kjo eshte pune serioze…. berisha e ka lulin palaco oborri hahaha!
Me te vertet ky njeri ka lujtur mendesh , i kerkoj shtetit shqiptar qe ktina Sali Berishes t’ja rezervoj nje dhom ne Psikiatri sa ma shpejt qe te jet e mumdshem.
Hahahahahahaha… e madhe!
Kur di vihen te tera keto me doktorin ne nje liber per tu publikuar? Do jete libri me i shitur! T’u shtofte jeta Mero se po na mban me humor kualitativ!
sa me pelqeu
Humor i sforcuar dhe qe po zbeh Temen, seshte me shkelqimi opozitar i viteve te fundit. O Mero te kuptojme qe tashme te ka ngel vetem Luli dhe Nishan-Mehmeti, qe sperbejne “esence” per te gatuar pozite vibrante. Pinoku i Vicidolit numeron numrat e llogarive te grumbulluar vitet e fundit and doesnt gives a shit for Sequi qejfliun… Shih tani o Mero tangenti Tan Lamet qe po bubrrojne shtetin e ri rilindas
Perpara ketij skizofreni , Qazim Mulleti duket nje pike uje ne Oqean , te pakten e them kete
te ”Prefekti,, !! Shkrimtsret, poetete satirike e humoristike, komedianet , dramaturget, etj .
do te kene aq shume material sa mund te mbushen volume te tera me karagjozlleqet e
ketij bufoni te oborrit te mbreterve te Spanjes !