Festohet datëlindja e parë pa Drita Pelinkun.Fondi që qeveria akordoi për kurim iu dha pas vdekjes

Plot 87 vite më parë, më 3 dh jetor të 1926-ës, në Vlorë erdhi në jetë Drita Kripa. Vite më vonë ajo do të ngrinte në këmbë publikun në salla teatrosh, tashmë me mbiemrin Pelinku.

Dje, në një bar-kafe pranë shtëpisë ku ajo banonte, u përkujtua ditëlindja e saj, e para pa të, e para në vazhdën e atyre që do vijnë më vonë. Do të mungojë fizikisht, anipse portreti, rolet, suksesi e vlerësimi do jenë kryefjalë e kujtimeve që la pas.

“Duke biseduar me Drita Pelinkun” titullohet libri kushtuar aktores që ndërroi jetë 2 muaj më parë, në datën 2 tetor. Mjeshtrja e madhe e skenës dhe kinemasë pothuaj në të 87-at e veta, e pat parë këtë libër para se të shuhej. Madje, priste që të bëhej më mirë që të ishte vetë e pranishme në promovimin e tij. Ajo, nuk ia doli kësaj radhe, por të tjerë ia dolën për të.

Miq e kolegë si, Tinka Kurti, Margarita Xhepa, Skënder e Vitore Sallaku, shumë e shumë dashamirës të tjerë u mblodhën dje për të. E bija, Ora Pelinku, veçse dëgjonte kujtime me të ëmën, nga ata që ishin mbledhur pikërisht për të promovuar një përmbledhje artikujsh, intervistash e opinionesh, duke paraqitur marrëdhënien e artistes me median e duke përcjellë edhe kujtimet e saja. Botimi është përgatitur nga AQSHF, me kujdesin e veçantë të Flori Slatinës, i cili më herët pati realizuar një katalog me fotografi në vitin 2010. Botimi përmbledh materiale që nga viti 1986 deri më 2013-ën.

E bija e aktores, Ora Pelinku, ndërsa falënderon të pranishmit, tregon se e ëma ka jetuar mes dy dashurive: atit dhe familjes. “Është ditëlindja e parë pa të, megjithatë ju nuk më lini t’ia ndjej mungesën. Është hera e parë që nuk i ngjis shkallët e pallatit me një buqetë lule për ditëlindje“, – tha Ora.

Më tej, në një prononcim për “GSH”, ajo tha se nuk ka pengje kundrejt nënës: “Kam bërë çdo gjë që mund të bëja për të. Nuk mund të bëja më shumë. Jam shpirtërisht e qetë, edhe pse më mungon. Nëna e jetoi jetën e saj dhe ikja qe një fund i logjikshëm për moshën që kishte”.

Në kohën kur Pelinku ishte në gjendje jo të mirë shëndetësore, qeveria shqiptare i akordoi një fond për kurim.

Në datën 28 gusht, me anë të një VKM-je, kryeministri i kohës, Sali Berisha firmosi për një shumë prej 350 000 lekësh, me të cilat do të mbuloheshin shpenzimet e kurimit të aktores së shquar. Ato do të përballoheshin nga fondi rezervë i buxhetit të shtetit dhe vendimi hynte në fuqi menjëherë. VKM-ja u publikua në Fletoren Zyrtare më 11 shtator.

Pelinku u nda nga jeta më 2 tetor, ndërsa fondi për kurimin u lëvrua nga thesari pasi ajo ndërroi jetë.

"Treni i Vonuar" nga Jakov Solomoni

10:32 Kulturë

Rikthehet Piramida/ Qeveria nis projektin për rijetësimin e saj

10:03 Kulturë

TOB, përfundon "Marije Kraja", trofeu shkon në Kore

08:57 Kulturë

Si donin të më digjnin në vitin 1994 filmin ku kritikohej Berisha

10:56 Kulturë

Të vërtetat dhe prapaskenat e Këngës Magjike

23:15 Kulturë

INTERVISTA/ Arizi: Piktura fillon nga shikimi i gjërave të jetës me interes (FOTO)

12:14 Kulturë

Sot festohet “Nata e Bardhë”, aktivitete të shumta në Tiranë

08:36 Kulturë

“I përndjekuri i dashurisë”, libri më i fundit nga Dritëro Agolli

09:23 Kulturë

Art në vend të drogës

11:27 Kulturë

Dibër, përfundon edicioni i 19-të i festivalit “Oda dibrane”

09:16 Kulturë