Argita, libër “metodik” për magjistraturën, mbi “përvojën” e babi Saliut në… koncesionet korruptive

Nga Përparim Halili

Bëmat e familjes ish-kryeministrore “Berisha”, tashmë kryefamilje opozitare në Shqipëri, që po mban peng prej 23 vitesh PD, nuk kanë të mbaruar. Nëse deri në 23 qershor 2013, “berishët” përfaqësoheshin publikisht vetëm me “gjyshin”, pas zgjedhjeve kur “familja” u përzu prej pushtetit nga vota e shqiptarëve, u hodh e gjitha në sulm. Doli publikisht në opozitë që nga “gjyshi”, fëmijët, nipërit, mbesat, dhëndri, shërbëtorët politikë e kushdo që ishte dhe ka mbetur pjesë e “familjes”. Opozita aktuale shqiptare është vetëm familja “Berisha”, ajo që deri në 9 shtator 2013 ishte pushteti absolut shqiptar. Nga thirrjet e mbesës për protesta, nga mesazhet urdhrat e këshilluese të Saliut e dhëndrit në celularët e opinionistëve të familjes, “berishët” janë hedhur në një front tjetër “beteje” për të mbrojtur dhe bërë “simbol suksesi” publik, korrupsionin dhe krimet e tyre. Vajza e ish-kryeministrit, e mirënjohura Argita, ka përgatitur një libër mësimor në fushën e drejtësisë, konkretisht për shkollën e magjistraturës shqiptare. Libri titullohet: “Koncesionet në Shqipëri- 2005-2013, histori dhe përvojë suksesi”, me 210 faqe, me çmim 1000 lekë. Ky libër është bërë tekst i detyrueshëm në programin mësimor të shkollës së magjistraturës, me vendim të posaçëm të këshillit pedagogjik drejtues të kësaj shkolle, me nr. 242, datë 15 prill të vitit 2013. Libri i Argitës për koncesionet dhe ndërmjetësimin ligjor të lidhjes së tyre është cilësuar si një “metodikë vlefshme mësimore”, në lidhje me ligjin në fushën e koncesioneve në Shqipëri, shkruajnë oponentët e këtij libri, Xhezair Zaganjori, kryetar i Gjykatës së Lartë dhe juriste Mariana Semini.

Nuk ka asgjë të keqe që dhe Argita, bija e ish-kryeministrit të shkruaj libra e madje libra që bëhen pjesë e programit mësimor në shkollat e drejtësisë shqiptare, apo nëse ia pranojnë edhe në universitetet botërore. Skandali që ky libër bëhet pjesë e programit mësimor, qëndron në përmbajtjen e librit. Libri i Argitës “Koncesionet në Shqipëri”, në të 210 faqet e tij i kushtohet fund e krye, përvojës së babait të saj dhe qeverisjes së tij në fushën e koncesioneve në 8 vitet e pushtetit 2005-2013. Si “model” për suksesin e qeverisë së babait dhe të babit të saj në fushën e koncesioneve, Argita e ilustron librin me “modelin” e 22 koncesioneve në ndërtimin e hidrocentraleve dhe me metodikën juridike të ndërmjetësim-akordimit të tyre. Në librin e saj të shkollës publike të magjistraturës, në faqen 122, Argita bënë edhe “pak” politikë, në favor të ish-pushtetit të babit ish-kryeministër, për “suksesin e madh” në fushën e koncesioneve. Me analizat, “idetë” dhe “zbulimet” e saj në libër, Argita iu imponohet studentëve magjistratë, të fiksojnë si “model ligjor pozitiv në Shqipërinë post-komuniste” praktikën e babait të saj me koncesionet, duke shprehur qartë fjalë për fjalë demagogjinë që babi i saj Sali Berisha bëri gjatë ish-pushtetit të tij e që e deklaronte në çdo miting e inaugurim. Ja se çfarë thotë Argita në libër: “… Në përpjekjet e saj për t’u bërë një treg tërheqës për investimet e huaja, Shqipëria ndërmori një sërë reformash ligjore për të mundësuar një sistem fiskal favorizues për investimet, rrëzimin e barrierave që diskriminojnë investimet e huaja. Për realizimin e këtij qëllimi, në periudhën 2005-2013, në Shqipëri u ndërmorën një sërë reformash që kishin si synim përmirësimin e kuadrit rregullativ ekzistues dhe plotësimin e tij me akte të reja ligjore që i përgjigjen dinamikës së zhvillimit të ekonomisë… ndryshimet në fjalë ndikuan në rritjen e interesit për investimet e huaja në Shqipëri dhe në rritjen e menjëhershme të fluksit të aplikimeve për investim në sektorë të ndryshëm të ekonomisë, gjë që në vetvete bëri të nevojshëm rishikimin e legjislacionit, e veçanërisht mbi marrëdhëniet koncesionare”.

Se si janë dhënë koncesionet në Shqipëri, kjo tashmë dihet. Gjithë linja e dhënies së tyre ka mbajtur parasysh 2 “kritere” të zbatuar nga babai Argitës:

1. Klientelizmin familjar, fisnor e klanor mafioz.

2. Kontrollin e dhënies së tyre prej familjes “Berisha”, duke përdorur Argitën si konsulente juridike, ndërsa si sekserë Shkëlzenin, dhëndrin e Damir Fazlliçin.

Këtë “përvojë” Argita nuk e thotë në libër edhe pse ka qenë shpesh objekt denoncimi deri në parlament e media, për përfshirje konkrete në koncesionet që firmoste dhe vuloste “babi kryeministër”, me porosi të familjes e klanit, por me përzgjedhje e miratim paraprak të familjes. Nëse lexon librin e Argitës, njihesh me “përvojën, reformat dhe arritjet” e ish-qeverisë “Berisha” (babit të saj) në fushën e koncesioneve. Kjo përvojë e hartuar nga Argita, tashmë është në duart e studentëve të drejtësisë si lëndë mësimore. Por nëse shfleton dosjet zyrtare të koncesioneve, “përvoja” e Saliut me koncesionet flet ndryshe. Ato dosje që ka firmosur e vulosur në 8 vite babi i saj, janë një “përvojë e zezë korruptive me bazë krimin ekonomik, ligjor e anti-kushtetues”, që shërbejnë si “lëndë e pare” për drejtësinë, disa prej të cilave kanë shkuar atje. Argita ka të drejtë, që korrupsionin ekstrem deri kriminal me koncesionet, e konsideron dhe e server deri si lëndë mësimore në drejtësi, si “përvojë ligjore reformatore koncesionare”, të qeverisjes së babit të saj, mbasi ato koncesione i kanë  “prodhuar” pasuri e llogari bankare.

Ajo quan të tilla, koncesionet që babi i saj i dha Damir Fazlliçit në fushën e tregut të energjisë dhe ndërtimit të TEC-ve. Quan “përvojë dhe metodikë suksesi”, koncesionet, që u dhanë në linjat e internetit për B. Ulajn, klientin e familjes sa saj. Quan përvojë, koncesionin që u dha për prodhimin e kartave të identitetit për një firmë që njihet si kliente e familjes “Berisha”. Quan përvojë, koncesionin e kolaudimit të mjeteve, që është tashmë një monopol i kontrolluar nga familja politike dhe biologjike e ajo mafioze “Berisha”. Quan përvojë, koncesionare licencimin e 320 hidrocentraleve që iu dhanë ministrave, deputetëve, familjarëve e grupeve klanore e fisnore të familjes kryeministrore. Quan përvojë, koncesionin me Portin e Durrësit, me pullat fiskale, ngjyrosjen e naftës, me veshjet e policisë, me librat shkollorë, me projektin turistik bregdetar në jug, me ilaçet e rimbursueshme, me naftën, kromin, bakrin, me CEZ, municionet dhe trafiqet e armëve, me sinjalit e telefonisë celulare, me plehrat e shumë koncesione të tjera, që mbajnë erë të qelbët korrupsioni, krimi ekonomik e financiar.

Të gjitha, janë dhënë në pazar të plotë me interesat e familjes dhe kupolës mafioze të ish-pushtetit “Berisha”, me tregues aferat korruptive, shkeljet ligjore, klientelizmin, me eliminime mafioze konkurrentësh, madje edhe me kërcënime ndaj konkurrentëve të saktë ligjor që denonconin abuzimet. Dhe për të gjitha këto, sipas denoncimeve të bëra në parlament e media, babi kryeministër i Argitës, ka përdorur si konsulente juridike e si sekserë vajzën, autoren e librit, ka përdorur si sekserë djalin, dhëndrin, kunatin, mbesat, ministrat e “familjes” dhe bosët e që i përfitonin. Këto, Argita nuk i ka shkruar në librin mbi “përvojën” e pushtetit të babit, në fushën e koncesioneve. Ajo që ka bërë deri tani vajza e ish-kryeministrit të koncesioneve është ky libër që në shkollën e magjistraturës, pra të drejtësisë së ardhshme, po përdoret si “metodikë” mësimore referuese e kualifikuese, në lidhje me praktikën e babait të saj, në… batërdinë e dhënies antiligjore e korruptive të koncesioneve plaçkitëse të ekonomisë dhe financave kombëtare shqiptare.

Pa komplekse

19:27 Blog

Tre çudira shqiptare, por edhe për të qeshur

21:23 Blog

A kemi dalë vërtet nga tranzicioni?

21:18 Blog

Kur shpërthen policia

21:16 Blog

Të bashkuar rreth korrupsionit

21:13 Blog

Berisha na la si barrë shtetin hibrid

20:27 Blog

UDB-ashët dhe “patriotët”

21:25 Blog

E djathta, ende në skaletën e R. Alisë

18:50 Blog

Zero pikë nga publiku

20:33 Blog

Mos u kthe kurrë prapa!!!

20:24 Blog