Te fundit
Autostrada Levan-Fier, pengesë e shpronësimeve
16 Shkurt 2014, 20:50Sociale
TEMA
Viktor Gjeci është njëri prej fermerëve që autostrada i prek rreth 2 dynym e 300 metra tokë bujqësore. Ai shprehet se nuk është dakord me çmimin që është ofruar për tokën e tij, ndërsa për fshatrat ngjitur, po aplikohet një tjetër tarifë shpronësimi. Të tjerë fermerë nuk i kanë marrë dokumentet e pronësisë, ndërsa kërkojnë që shteti t’i dëmshpërblejë, duke respektuar pronën e tyre. Edhe drejtuesit lokalë në këtë komunë mbështesin kërkesën e banorëve për çmimin e dëmshpërblimit, raporton Vizion Plus.
Sipas prefektit të qarkut Fier, po zhvillohen takime mes fermerëve, zyrës së Regjistrimit të Pronave, firmës dhe pushtetit Vendor për të përfunduar në një kohë të shpejtë këtë procedurë të fundit, për të mos pasur problemet që janë hasur në këtë drejtim, në shpronësimet e akseve të tjera kombëtare në këtë zonë. Bajpasi i Fierit do të përshkojë lumin e Semanit dhe do të kalojë në perëndim të qytetit. Në këtë seksion është parashikuar ndërtimi i tre urave me gjatësi nga 80 m secila. Gjatësia e Bajpasit është 22 kilometra autostradë, ndërsa gjerësia e katër korsive arrin në 22 metra.
Segmenti do të ketë 21 nënkalime mjetesh dhe hekurudhore, 4 nyje me dy nivele, dy gjysmë kryqëzime dhe dy zona me nga 25.000 m2 secila, për shërbime dhe pikë informacioni për turistët. Punimet civile do të financohen nga Banka Europianë për Rindërtim dhe Zhvillim dhe Banka Europianë e Investimeve, me një vlerë prej 40 milionë euro, ndërsa Supervizioni i punimeve do të financohet nga Kooperacioni italian.
4 komente në “Autostrada Levan-Fier, pengesë e shpronësimeve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kur do te filloje……
ska problem, lereni te qete Ramen, le te shkoje dhe investoje ne veri, se ketej i ka votat e sigurta… pak rendesi ka qe Vlora turistike ska rruge te brendshme dhe kryesoren Levanin. tere jeten te ndervarur nga politika ngelet o vlonjate, njehere i endoni Nanos, nje here Berishes dhe nje here Rames.
a mo birish mo birish as kete se paske mbaruar?!!!! cfare dreqin paske mbaruar mo birish apo i ke fut nje inagurim e u befte kiameti pastaj e?
fieri ka qene izoluar politikisht prandaj nuk eshte perparuar sa per fermeret pd as e ka rruajtur sa do shperblehen dhe ka vazhduar ndertimin ne tirane kane pasur kurajon te shpronesojne njerez me 18000 euro nje dynym dhe vete e shitnin 10 fish me teper personalisht do doja qe ata te pd-se te demshperbleheshin ne tirane me tarifat qe kane shperblyer te tjeret