VIDEO/Rama - Platini: Në shtator nisim punën për ndërtimin e stadiumit të ri

Ndërtimi i stadiumit të ri dhe futja në shkolla e një programi të posaçëm për futbollin, ishin temat kryesore që u diskutuan mes kryeministrit Edi Rama dhe Presidentit të UEFA-s Mishel Platini, që sot po zhvillon një vizitë zyrtare në Tiranë.

Përsa i takon programit të posaçëm për futbollin në shkolla, UEFA  i ofron Shqipërisë bazë materiale (topa, uniforma etj), si dhe ka marrë përsipër që të trajnojë disa specialistë, që do merren specifikisht me klasat sportive.

Mësohet se ky projekt fillimisht do të bëhet në disa shkolla të vendit dhe më pas do të shtrihet në të gjithë Shqipërinë.

Gjatë takimit të zhvilluar në selinë e Këshillit të Ministrave, ku i pranishëm ka qenë edhe zv.ministri i Sporteve, kryeministri Rama informoi presidentin e UEFA-s, Platini se stadiumi ‘Qemal Stafa’ nuk përmbush kushtet për të zhvilluar ndeshje ndërkombëtare dhe për këtë arsye, në muajin shtator do të fillojnë punimet për të ndërtuar stadiumin e ri në Tiranë.

Ndërkaq Platini garantoi mbështjen e UEFA- për stadiumin e ri.

“Është kënaqësi e dyfishtë pasi fati ka dashur që për shkak të detyrës ta njoh Mishel Platini prej kohësh dhe ta konsideroj mik, është një mik që është vazhdimisht i vëmendshëm për mbarëvajtjen e futbollit në Shqipëri. Sot ne u takuam dhe diskutuanm për përgatitjet për sezonin e ardhshëm të skuadrës kombëtare. E informova me kënaqësi se jemi të angazhuar dhe jemi të bindur se në shtator do t’i dhurojmë skuadrës tonë kombëtare, por edhe për pjesën tonë te kompeticionit, një stadium që do jetë në lartësinë e imazhit që duam për Shqipërinë në Elbasan. Në bashkëpunim me FSHF, qeveria do të financojë këtë operacion, ndërkohë folëm dhe për të ardhmen e stadiumit kombëtar që fatkeqësisht është jashtë standardeve sot për të mirëpritur një ndeshje ndërkombëtare. Ndamë po ashtu pikëpamjen e njëjtë se ajo çfarë s’duhet të harrojmë asnjëherë, është fakti se futbolli në radhë të parë është një sport i fëmijëve dhe të rinjve, mbi të gjitha një instrument i pazëvendësueshëm social”, tha Rama gjatë konferencës së përbashkët për mediat.

“Jemi të ndërgjegjshëm që futbolli është në duart të sigurta mes kryeministrit Rama dhe presidentit Duka, bëhet fjalë për dy persona që e duan futbollin dhe njihen prej kohësh. E di se çfarë kërkon të bëjë dhe atë që mund dhe nuk mund të bëjë, pasi nuk është shumë e lehtë të bësh gjëra të mira. Bëhet fjalë edhe për stadiumin e ri që do të kryhet kur të krijohen mundësitë financiare. Po bëhet stadium i ri në Elbasan, që është i rëndësishëm për kombëtaren, por dhe vizionin e përgjithshëm të futbollit në Shqipëri. Duke nisur nga shtatori të gjitha ndeshjet shqiptare do të përcillen në të gjithë botën për sistemin e ri të lojës. Një gjë tjetër që është bërë edhe me bekimin e UEFA-s është dhe marrëveshja mes Kryeministrit dhe Presidentit të FSHF-së për zhvillimin e sportit në shkolla.Kryeministri do të ndihmojë, por dhe ne do ndihmojmë përmes ekspertëve për të zhvilluar futbollin në Shqipëri. Pas kësaj janë çështjet tuaja për t’u bërë kampionë të mëdhenj, për këtë s’mund të bëjmë gjë ne dhe që fëmijët duhet të argëtohen duke luajtur futboll, pse jo për të pasur një Mesi dhe këtu në Shqipëri”, u shpreh Platini.

Takimin e parë në këtë vizitë në Tiranë, Mishel Platini e ka zhvilluar me presidentin e FSHF-së Armando Duka, ku është diskutuar mbi ndërtimin e stadiumit të ri dhe mbështetjen që UEFA do t’i japë përmes projekteve konkrete masivizimit të futbollit në shkolla.

Kjo është hera e katërt që Platini vjen në Tiranë në një vizitë zyrtare (dy herë edhe si anëtar i KE së FIFA-s).

Hera e fundit ka qenë në 2010-ën, me rastin e 80- vjetorit të Federatës Shqiptare të Futbollit.  Në vijim të vizitës së tij në kryeqytetin shqiptar, Platini do të takohet edhe me ministren Lindita Nikolla, ndërsa bashkëbisedimi do të vijojë edhe më shtruar me drejtuesit e futbollit shqiptar në FSHF.

Balak: Arsenali nuk mund ta sfidojë dot Bajernin

15:37 Sport

Murinjo: Kjo është Barcelona më e dobët e viteve të fundit

15:00 Sport

Mishel Platini nesër në Tiranë

14:57 Sport

Serbët dyshojnë se Kosova do ta respektojë vendimin e FIFA-s

14:55 Sport

Kaka: Mesi dhe Zidanë, më të mirët ndaj të cilëve kam luajtur

15:05 Sport

Arsen Venger: Murinjo po turpëron Çelsin

15:02 Sport

Alban Meha nuk ndalet më

14:57 Sport

Etrit Berisha po largon Marketin nga Lacio

14:54 Sport

“Çmendet” Hamdi Salihi, dopietë në Izrael. Perlë e Kapllanit

13:59 Sport

Anglezët të sigurtë: Januzaj ka zgjedhur Kosovën!

16:13 Sport