Reforma ekonomike/ Shqipëria nënshkruan marrëveshjen me BERZH (VIDEO)

Qeveria shqiptare nënshkruan marrëveshjen me BERZH për rigjallërimin e reformave ekonomike në vend. Sipas marrëveshjes, palët do të përdorin një sërë instrumentash për të përmirësuar dialogun mes sektorit privat dhe qeverisë, me synim nxitjen e investimeve vendase dhe të huaja. Objektivat e saj janë të forcojë kuadrin ligjor në vend, përfshirë dhe përmirësimin e mekanizmave të zgjidhjes së mosmarrëveshjeve, dhe të luftojë korrupsionin e të rrisë standardet e transparencës në sektorët bankarë dhe të korporatave. Marrëveshja ofron një kuadër për bashkëpunim ndërmjet BERZH-it dhe qeverisë së Shqipërisë në mbështetje të Këshillit Ekonomik Kombëtar i cili synon të përmirësojë zhvillimin e sektorit privat, fuqizimin e klimës së biznesit dhe të investimeve dhe nxitjen e qeverisjes së mirë.BERZH do të ndihmojë për krijimin e një Këshilli Investimesh të pavarur që bashkon bizneset dhe hartuesit e politikave, i cili do të orientojë Këshillin Ekonomik Kombëtar.

 “Me nënshkrimin e kësaj marrëveshjeje ne jemi duke bërë një hap të madh përpara në çlirimin e potencialit ekonomik të vendit. Krijimi i mjedisit të duhur të biznesit është më kritik se anjëherë tani dhe ne jemi të sigurt se do të përparojmë shpejt me mbështetjen e BERZH-it”, u shpreh Kryeministri Edi Rama.

“Ky është një hap i rëndësishëm dhe ne i përgëzojmë autoritetet shqiptare për kurajon për të trajtuar në mënyrë të drejt për drejtë sfidat me të cilat po përballet vendi. Kjo përbën një shembull për rajonin dhe më gjerë. BERZH është e gatshme të mbështesë fuqimisht dhe me vendosmëri të gjitha përpjekjet për të rigjallëruar tranzicionin”, tha Presidenti i BERZH-it Sir Suma Chakrabarti.

BERZH, në pronësi të 64 shteteve dhe të dy institucione ndërqeveritare mbështet zhvillimin e ekonomive të tregut dhe demokracive.

Informaliteti në tregun ushqimor, 300 milion euro

19:33 Ekonomia

Biznesi fason/ LSI: Qeveria të sjellë sa më shpejt në Kuvend paketën integruese (VIDEO)

19:51 Ekonomia

Strategjia e Qeverisë/ Si do të shlyhen detyrimet e prapambetura ndaj biznesit

19:29 Ekonomia

Bushati i përgjigjet Bodes: Po shlyejmë borxhet që ju i krijuat (VIDEO)

14:57 Ekonomia

Bode: Qeveria gënjen në gjithçka tha për borxhin, shifrat flasin për nivel më të ulët se sa më 2012

12:10 Ekonomia

Konfindustria: Sipërmarrjes duhet t'i jepet koha e mjaftueshme për përshtatjen me politikat fiskale

11:50 Ekonomia

Projekti Lungomare/ Rama: Do e ndjekim për të gjithë vijën bregdetare (VIDEO)

12:48 Ekonomia

Ahmetaj takon akademikë dhe operatorë biznesi: Ja strategjia për investimet në biznes deri në vitin 2020

14:34 Ekonomia

FMN miraton në fund të muajit kredinë 300 milionëshe për Shqipërinë

19:05 Ekonomia

Vendimi: Tarifat e biletave të transportit qytetas me autobus miratohen nga Këshilli Bashkiak

18:44 Ekonomia