Francë-Shqipëri/ Presidenti i Senatit shpjegon qendrimin ndaj statusit të Shqipërisë në BE (VIDEO)

Presidenti  i   Senatit të Francës z. Jean-Pierre Bel shpjegoi sot para gazetareve arsyet perse Franca hezitoi te mbeshtes Shqiperine ne Dhjetor che pse ajo mendon se SHqiperia do te marr statusin e vendit kandidat.

Gjate takimit me Kryetarin e Kuvendit, Ilir Meta dhe me pas para gazetareve  u fol për shanset e Shqipërisë për statusin në Qershor dhe raportet mes dy vendeve.

Duke shpjeguar refuzimin e Francës për marrjen e statusit në Dhjetorin e shkuar Bel tha : Do të filloj me pjesën e parë të pyetjes suaj, e cila më tepër ishte një konfirmim se sa një pyetje dhe me të cilën nuk jam plotësisht dakord. Franca nuk ka thënë jo perspektivës së integrimit evropian të Shqipërisë.

Mes shteteve të ndryshme europiane u pa e nevojshme që Shqipëria të vazhdonte axhendën e saj të parashikuar të integrimit europian, dhe siç e diskutova më përpara me z. Kryetar, është e nevojshme që Shqipëria të krijojë një kredibilitet pranë vendeve të Bashkimit Europian në rrugën e saj të integrimit. Kjo rrugë është një proces shumë i avashtë. Ndonjëherë edhe ne francezët kemi ankesa ndaj ngadalësisë me të cilat veprojnë institucione evropiane, por kjo shërben për të forcuar, solidarizuar marrëdhëniet mes vendeve aspirantë dhe Bashkimit Europian. Pra, fjala jo është e pasaktë. Siç është kuptimi i saj në shqip apo në frëngjisht. Ne kemi thënë që do të vazhdojmë së bashku dhe siç e dini, kemi një takim së shpejti në muajin qershor.

Përsa i takon pjesës së dytë të pyetjes suaj, është e vërtetë që në gjirin e vendeve anëtare të Bashkimit Europian ekzistojnë disa pikëpyetje, disa dyshime, në lidhje me vështirësitë që kanë ndeshur disa nga vendet e Bashkimit Europian, siç është për shembull Greqia, një vend që sapo po vij dhe për të cilin jeni të qartë për vështirësitë që po kalon. Janë çështje të cilat ose tema, të cilat ne nuk mund t’i shmangim, por ne synojmë që të orientojmë partnerët tanë politik dhe vende të ndryshme që të orientohen drejt politikave sociale më të përparuara dhe të insistojnë në fuqizimin vendeve të tyre. Pra, në një ringritje të ekonomisë së vendeve të tyre. Ne nuk veprojmë nën presionin e asnjë grupi ekstremist në vendet tona respektive, grupe të cilat mund të kenë një ide që çojnë mbrapa në histori. Pra, ne çdo vendim e marrim jashtë influencës së këtyre grupeve ekstremiste.

Ndërsa kryetari i Kuvendit Ilir Meta tha se “Mazhoranca është e sigurt në rritje ekonomike të Shqipërisë, në përmirësimin e klimës së investimeve, të biznesit, në rritjen e punësimit dhe pa asnjë diskutim edhe në përparimin e perspektivës europiane të Shqipërisë, për të cilën do të duhet të kontribuojnë të gjithë.

Sipas tij “fryma e integrimit dhe jo ajo e bllokimit duhet të na udhëheqë të gjithëve pa përjashtim dhe jemi maksimalisht të vendosur për konsensus të plotë dhe maksimal me opozitën, ku i është ofruar një paritet i plotë në realizimin e kësaj reforme, e cila asistohet dhe nga partnerët tanë shumë të rëndësishëm europianë dhe amerikanë. “

Ky qendrim u shpreh dhe gjate takimit me kryeminstrin Edi Rama.

Presidenti i Senatit të Francës z. Jean-Pierre vlerësuan miqësinë dhe marrëdhëniet shumë të mira që ekzistojnë ndërmjet dy vendeve tona, si dhe shprehën angazhim për çuarjen më tej të këtij bashkëpunimi në të gjitha fushat me interes të përbashkët.
Perspektiva evropiane e Shqipërisë ishte në fokus të këtij takimi, për të cilën zoti Jean-Pierre Bel e siguroi Kryeministrin Rama se ka mbështetjen e Francës. Dhe lidhur me këtë, zoti Jean-Pierre Bel tha se vendimin e dhjetorit për statusin e vendit kandidat për Shqipërisë nuk e ka parë si një “Jo”, por si vazhdim të një procesi dhe si dhënien e më shumë kohe për konsolidimin e reformave.

Kryeministri Rama i shprehu z. Jean-Pierre Bel mirënjohje për mbështetjen që Franca i ka dhënë Shqipërisë në vite dhe e falënderoi për mbështetjen që angazhohet t’i japë edhe në vijim. Në takim, Kryeministri Rama e njohu zotin Jean-Pierre Bel me reformat e ndërmarra nga Qeveria në përmbushjen e të gjitha detyrave dhe kritereve të vendosura nga Komisioni Evropian, veçanërisht në luftën kundër kriminalitetit, luftën kundër korrupsionit, krijimin e një administrate profesioniste dhe të pavarur, reformën në sistemin e drejtësisë, si dhe reforma në fusha të tjera të rëndësishme, dhe në këtë kuadër kërkoi edhe mbështetjen e Francës. Kryeministri theksoi se reformat e ndërmarra kanë nisur tashmë të japin edhe efektet e tyre të para pozitive, siç janë ato në luftën kundër kriminalitetit dhe reforma në polici.
Kryeministri Rama dhe Presidenti i Senatit të Francës diskutuan edhe për thellimin e mëtejshëm të bashkëpunimin në fushën ekonomike. Kryeministri theksoi se Shqipëria mbart potenciale të mëdha dhe është një vend shumë i përshtatshëm për investime, ndaj investitorët francezë janë të mirëpritur për të investuar dhe për ta shndërruar Shqipërinë në një portë hyrëse të investimeve franceze në rajonin tonë.

FOTO LAJM/ Doktori, një puthje gati erotike me Eni Koçin

19:54 Politika

Sigurimi për makinat para rregjistrimit, shoqëritë e sigurimit firmosin me ministrat (VIDEO)

19:51 Politika

Basha drejt Brukselit për integrimit dhe akuzat për qeverinë

18:32 Politika

Nënpunësi Civil/Procedurat për rekrutimin, periudhën e provës dhe lëvizjet paralele

18:30 Politika

Qeveria miraton ndryshimet e punonjësve në institucione

14:26 Politika

Çekët kërkojnë 200 milionë euro, dështojnë negociatat me CEZ

17:28 Politika

FOTO LAJM/ “Supermbesa” ka një autograf edhe për gjyshin

16:04 Politika

Çuçi: Reforma territoriale, jo për qëllime elektorale

14:46 Politika

Meta: Opozita të mos frymëzohet nga bllokimi. Bel: Krijoni kredibilitet në rrugën e integrimit

13:13 Politika

Rusia refuzon bisedimet/ Ukraina: Nuk do ndërhyjmë ushtarakisht në Krime

12:11 Politika