Te fundit
Basha me misionin e FMN: Paketa fiskale, impakt negative tek biznesi (VIDEO)
17 Mars 2014, 11:25Politika
TEMA
“Paketa fiskale ka pasur një impakt negativ tek biznesi dhe qeverisja vendore”. Kështu u shpreh Kryetari i Bashkisë së Tiranës Lulzim Basha gjatë takimit të zhvilluar me misionin e FMN-së për asistencë teknike në sistemin e taksave në administratën tatimore, drejtuar nga John Norregaard.
Basha ka shprehur shqetësimin e njësive të qeverisjes vendore, për mënyrën e sjelljes së qeverisë së re ndaj tyre dhe cënimin e hapur që i bën autonomisë vendore. Sipas tij, shprehje e arrogancës së qeverisë së re është paketa fiskale e cila çoi në rritje të taksave dhe centralizimin e mbledhjes së taksës së biznesit të vogël.
“Biznesi i madh, i mesëm dhe i vogël, në të gjithë vendin po përballet me problemet e diktuara nga paketa fiskale e cila duke mos marrë parasysh kundërshtimet që iu bënë, si nga grupet e interesit ashtu edhe nga opozita, vendosi taksën progresive e cila rriti në masën 50% tatimin mbi fitimin për korporatat, nga 10 në 15 %, çka ka sjellë rritje të evazionit fiskal”, u shpreh kreu i Bashkisë së Tiranës.
Basha u ndal edhe në vendimin e qeverisë për mbledhjen e taksës së biznesit të vogël, pa asnjë konsultim me autoritetet lokale. Ky vendim i pakonsultuar dhe i pashoqëruar me kompensim financiar ka sjellë mungesë të ardhurash në buxhetet e bashkive dhe komunave të vendit.
“Nga centralizimi i mbledhjes së të ardhurave nga taksat e biznesit të vogël, vetëm në buxhetin e Bashkisë së Tiranës mungojnë 8% e të ardhurave. Kjo mungesë të ardhurash nuk mund të rikuperohet nga taksa e pronës, e cila u dyfishua në paketën e re fiskale. Mbledhja e kësaj takse, është një problem i madh që vërehet në çdo njësi të qeverisjes vendore”, tha Basha, ndërsa shprehu shqetësimin e tij si kryetar i shoqatës së bashkive dhe kryebashkiak i Tiranës, edhe për performancën e dobët dhe sjelljen arbitrare të qeverisë në këta 6 muaj.
10 komente në “Basha me misionin e FMN: Paketa fiskale, impakt negative tek biznesi (VIDEO)”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bisnesi eshte nen peshen e korrupsjonit dhe nen pa mundesin e inrastruktures , zgjidhja e saj eshte vetem ndertimi i konkurences dhe zbatimi i ligjit te cliruar nga pushteti qendror dhe lokal
Ky mendjendrituri qe bashke me kryetarin e vet e groposen vendin e katandisen ne kete derexhe.
s’e kuptoj c’lidhje ka Basha me FMN, kur ka qene ky me pd-istat e tjere qe e larguan FMN dhe i prishen marreveshjet, se s’donin te jepnin llogari se ku do te perfundonin leket e marra borxh, se nuk shkonin per shqiptaret, por i conin per pasurimin e familjareve te pushtetit.
FMN qe ka ekspertet me te mire nderkombetare i flet ti per taksimin o injorant?
Nuk kane bere shkollat qe late ju ekspertet e FMN dhe sistemi i taksimit qe ata kane propozuar eshte me i miri duke patur parasysh se 95% te shqiptareve jane te varfer.
Nuk e suporton dot as Basha me gjithe opoziten mbeshtetjen qe FMN po i jep Shqiperise per tu rimekembur se e di shume mire qe keshtu s’vjen kurren e kurres ne pushtet.
Ne vend qe te beje debate konstruktive per te miren e shqiptareve, ai kerkon te prishe raportet me FMN qe mezi u krijuan.
Biznesi me ne fund po merr frym lirisht dhe po mbeshtetet nga qeveria me shume se cberi qeveria e Berishes. Kjo merite e qeverise Rama.
si ka fytyren dhe flet keshtu, sa ishin keta vendi u zhyt ne borxhe dhe bizneset nuk taksoheshin sipas fitimit por sipas qefit dhe interesit te qeverise. Tani qe ekonomia po ecen ne rrugen e duhur dhe eshte vleresuar dhe nga te huajt ky kerkon te na veretetoje te kunderten.
ky lloj njeriu po mundohet qe te percaj kete vend
boll shpifet jeni be me keq se plakat e keqia.
kta njerez jane bere shum patetik ktej thone qe jane pro qe shqiperia te marre statusin per vend kandidat ktej shkojn edhe prishin imazhin e ktij vendi duke shpifur.
pse bejn sikur nuk e kuptojn qe po prishin figuren e shqiperise ne per bote me lloqet e kavajes qe thone.