Miratohen shpronësimet për varrezat e Tiranës dhe fondi për maternitetin e Preshevës (VIDEO)

Qeveria  miratoi vendimin  për shpronësimin e banorëve të cilët preken nga rehabilitimi dhe zgjerimi i varrezave publike Sharrë dhe Tufinë. Ministri i Brendshëm Saimir Tahiri,  ndërsa e cilësoi debatin për këtë çështje si të panevojshëm fajësoi Bashkinë e Tiranës për papërgjegjshmëri dhe zvarritje të shpronësimeve për varrezat.

“Sot përfundojmë një debat plotësisht të panevojshëm aspak të shëndoshë dhe mbi të gjitha ndikoi padrejtësisht mbi sigurinë e qytetarëve.   Ne gjykojmë se kjo ishte një papaërgjegjshmëri dhe zvarritje e panevojshme nga ana e bashkisë së Tiranës dhe pushtetit vendor. Fondi për kompesimin e pronarëve do të përballohet nga buxheti i miratuar nga bashkia e Tiranës. Miratimi i këtij projektvendimi mundëson zgjidhjen njëherë e mirë e situatës dhe për të zhbllokuar ngërçin e krijuar nga bashkia e Tiranës,  mundëson lekujdimin e pronarëve si dhe mundëson realizimin e investimit të kërkuar në të dy varrezat” , tha Tahiri.

Vendimi parashikon shpronësimet e 36 mijë metra katrorë tokë.  “Në rast se qeveria e kaluar do  të kishte vëmendje për të zgjidhur problemet me  shumë gjasë kjo çështje nuk do të mbërrinte deri këtu”, tha Tahiri.

Gjithashtu ministri Tahiri njoftoi edhe vendimin e qeverisë që fëmijët e punonjësve të vrarë në krye të detyrës të hyjnë në akademinë e policisë pa konkurs. “

Sot qeveria për ti dhënë qytetarëve më shumë siguri, inovacion dhe progres miratoi dy vendime mjaft të rëndësishme në fushën e sigurisë.  Hapja e procesit të konkurimit për 10 mijë të rinj dhe të rejave në shkollën e policisë vendosi sot që fëmijët e punonjësve të vrarë në krye të detyrës, do hyjnë në akademinë e policisë pa kaluar në procedurat standarte”,  tha Tahiri.

Ministri i Shëndetësisë Ilir Beqaj theksoi se qeveria ka miratuar edhe fondin për maternitetin  e Luginës së Preshevës.

“Këshilli i Ministrave miratoi vendimin për transportimin e fondit të komunës së Preshevës për nevojat e funksionimit normal të maternitetit të Preshevës. Është një zotim yni për të mbështetur shqiptarët në Luginë, është një detyrim edhe nga vendimi i mbledhjes së përbashkët me qeverinë e Kosovës që u zhvillua në fillim të janarit”, tha Beqja.

Po kështu, Qeveria shqiptare miratoi marrëveshjen për heqjen e tatimit të dyfishtë, për të ardhurat e kapitalin dhe parandalimin e evazionit fiskal me Kosovën. Ministri i Financave  Shkëlqim Cani theksoi  se marrëveshja është në kuadër të bashkëpunimit mes Shqipërisë dhe Kosovës dhe se ajo është në dobi të biznesve të të dy vendeve.

“Për të gjithë ata biznesmenë që zhvillojnë aktivitet në të dy vendet, rritet besimi dhe siguria. Marrëveshja lejon që personat që ushtrojë aktivitet ekonomik në të dy vendet, në Kosovë dhe Shqipëri, të tatohen vetëm në njërin vend, sa i takon tatimit mbi të ardhurat e kapitalin”, informoi ministri Cani.

Kjo marrëveshje, tha ai, është në kuadër të zotimeve që kemi marrë lidhur me integrimin e ekonomive të dy vendeve, gjatë mbledhjes së përbashkët të dy qeverive në Prizren.

Çmimet e telefonisë/ Nga 1 prilli nis ulja e tarifave

14:10 Politika

Agolli: Berisha të largohet nga drejtimi i PD dhe si deputet

13:48 Politika

Pollo: AMA, mazhoranca prishi konsensusin për interesa monopoliste

13:18 Politika

Ristani: Policia e Shtetit po trajtohet si plaçkë lufte

13:04 Politika

Thatësira, bie niveli i ujit në kaskadën e Drinit

12:40 Politika

Akuzat e PD-së/ Dorëhiqet drejtori i Zyrës së Punës në Kavajë dhe zyrtari i AKU

15:54 Politika

Hetimi ndaj SHISH, Braho:Jemi në pritje të certifikimit të kreut të SHISH

11:41 Politika

Moro: Statusi, fajin e ka politika shqiptare

11:06 Politika

Berisha: Për Fylen thashë vetëm gjysmën e atyre që di

09:56 Politika

Haxhinasto: Jo subvencione ujësjellësave për të mbuluar keqmenaxhimet

10:42 Politika