Fluturimi MH370/ Pista më e mundshme duket ajo e vetëvrasjes

Pas deklaratave zyrtare se avioni i Malaysian Airlines është rrëzuar në jug të Oqeanit Indian, pa asnjë të mbijetuar, pista më e përfolur duket ajo e vetëvrasjes.

Një burim tha se besohet se avioni është ngritur qëllimisht në lartësi të madhe.

Pak pas komunikimit të fundit të avionit me kullën e kontrollit më 8 mars, radarët ushtarakë kanë zbuluar se avioni është ngritur në lartësinë mbi 13 mijë metra.

Një burim, që dëshiron të mbetet anonim, i tha MailOnline se avioni ka fluturuar në këtë lartësi për 23 minuta, përpara se të zbresë më poshtë.

“Oksigjeni do kishte mbaruar për 12 minuta dhe pasagjerët do humbisnin ndjenjat,” tha burimi.

Burimi shtoi se shumë ekspertë të tjerë të industrisë së fluturimeve kanë arritur në këtë përfundim.

Në rast se avioni do ishte ngritur në këtë lartësi, do binin masat e oksigjenit. Por edhe ato mbajnë nga pesë deri në dhjetë minuta.

Ndërkohë familjarët e pasagjerëve në avion janë përplasur me policinë përpara ambasadës malajziane në kryeqytetin kinez, Pekin.

Kjo përplasje vjen pas deklaratës së kryeministrit malajzian Najib Razak se të dhënat satelitore tregojnë se avioni ka rënë në Oqeanin Indian.

Kina ka kërkuar të shohë të dhënat ku është bazuar konkluzioni i Malajzisë.

Kërkimet për të gjetur mbetje nga avioni janë pezulluar për shkak të motit të keq.

Protestuesit në Pekin akuzojnë qeverinë se po përpiqet që të fshehë të vërtetën.

Megjithatë misteri për këtë avion nuk do të zhduket pa u gjetur më parë mbetjet dhe më pas ato që njihen si kutitë e zeza.

Ekspertët besojnë se do jetë jashtëzakonisht e vështirë për të gjetur trupin e avionit dhe më pas kutitë e zeza.

Deri më tani dihet se deklarata e kryeministrit malajzian për avionin është bazuar tek zbulimi i një kompanie private satelitore në Britani.

Ata thuhet se kanë përdorur një fenomen të valëve, që përdorej në shekullin e 19-të, për të analizuar shtatë sinjale në formë fishkëllime, që sateliti ka marrë nga fluturimi MH370.

Këto sinjale janë transmetuar çdo një orë që nga momenti kur ndalon sistemi i komunikimit.

Pas shtatë fishkëllimave, avioni nuk dha më sinjal.

Megjithatë firma nuk ishte në gjendje që të përcaktonte menjëherë trajektoren e avionit.

Duke përdorur atë që quhet efekti Doppler, ata kanë arritur që të përcaktojnë se drejtimi i avionit ka qenë në korridorin e jugut.

Presidenti Nishani dekreton ligjin për amnistinë

20:05 Politika

FOTOT/ Armët që rrëzuan një qeveri dhe nisën një tjetër Luftë të Ftohtë

19:35 Politika

VIDEO e momentit kur predha godet shtëpinë e Plakut/ Berisha: Sulmi u inkurajua nga Rama

19:00 Politika

Meta- Stoudmann: Bashkëpunim me fqinjët për perspektivën europiane

14:50 Politika

VIDEO/ Ekzekutohet lideri i ekstremit të djathtë në Ukrainë, nisin spekulimet

18:42 Politika

Takimi Rama- Basha këtë javë?

16:37 Politika

INTERVISTA/ Roth: Reformat nuk duhen parë si "diktat të Brukselit"

15:58 Politika

Agim Isaku: Nuk kam fshehur asnjë pasuri, do vë në vend dinjitetin tim

15:46 Politika

Burg për ata që vjedhin energji/ 3 vjet për qytetarët, 5 për biznesmenët

15:35 Politika

Reforma Territoriale/ Çuçi: Paguajmë 25 milionë dollarë në vit për pagat e administratës së komunave

14:48 Politika