120 milionë dollarë janë shlyer si fatura të prapambetura. Cani: 350 milionë brenda 2014

Qeveria shqiptare deri tani ka kryer 120 milionë dollarë si pagesa të faturave të prapambetura. Në mbledhjen e Këshillit Konsultativ, ministri i Financave Shkëlqim Cani sqaroi se detyrimet që shteti u ka bizneseve dhe individëve llogariten 720 milionë dollarë. Në këtë kuadër, Cani theksoi se për vitin 2014 parashikohen të paguhen më shumë se gjysma, rreth 350 milionë dollarë.

“Ky operacion do t’i sjellë frymëmarrje ekonomisë, investitorëve, bankave, për rrjedhojë edhe familjeve shqiptare, në aspektin e punësimit, pagave, likuiditetit, etj”, u shpreh Cani, duke shtuar se tashmë problem po paraqet biznesi, i cili nuk po arrin të justifikojë me fatura pretendimet për pagesat e prapambetura.

Në mbledhjen e tretë të Këshillit Konsultativ, Cani konfirmoi se deri tani, shuma që i është kthyer biznesit nga shteti për detyrimet e prapambetura ka arritur 120 milionë dollarë. Nga kjo shumë, tha ai, rreth 30 milionë dollarë janë paguar vitin e kaluar (kur në dhjetor 2013 përmes një akti normativ u alokua një shumë prej 5 miliardë lekësh, nga e cila 2 miliardë shkoi për ndihmë ekonomike dhe 3 miliardë fatura të prapambetura), ndërsa vetëm gjatë këtij viti janë paguar 90 milionë dollarë. Sipas tij, po ecet me objektivin tashmë të deklaruar për të paguar 350 milionë dollarë deri në qershor.

Aktualisht janë rreth 10 mijë fatura të hedhura në faqen e tatimeve, ku bizneset mund të verifikojnë gjendjen. Nga shuma e paguar, mbi 80% i përket rimbursimit të TVSH-së, të cilave u është dhënë prioritet nga qeveria. Cani tha se paratë për të shlyer detyrimet janë siguruar nga tregu, ndërkohë që fondet e FMN-së nuk kanë mbërritur akoma. Sipas tij, është rënë dakord me FMN-në që do të ecet me shlyerjen e borxhit duke parë dhe si do të reflektojë ekonomia.

Qeveria është angazhuar për të shlyer 72 miliardë lekë detyrime të prapambetura për periudhën 2014-2016, gjysma e të cilave pritet të paguhet brenda këtij viti.

“Deri tani kemi arritur një të tretën e objektivit të këtij viti”, tha ministri i Financave, Cani. Në mbledhjen e tretë të radhës, më këshillin konsultativ, ministri i Financave, Cani prezantoi disa nga zhvillimet e fundit, që lidheshin me Kodin e ri Doganor, projektligjin e TVSH, kredinë e FMN-së, si dhe ecurinë e pagesave të vonuara. Këshilli konsultativ përbëhet nga grupe të interesit, shoqëri civile, media, ekonomistë, etj. Në dy mbledhjet e para janë prezantuar ndryshimet ligjore te paketës fiskale dhe buxhetit 2014 si dhe strategjia e shlyerjes dhe parandalimit të borxhit.

Doganat arkëtojnë 12.2 miliardë lekë për muajin mars

12:13 Ekonomia

Marrëveshja me FMN/ Cani: Nuk flitet për rritje taksash. Huaja u morr për të sistemuar gabimet e Qeverisë Berisha

11:33 Ekonomia

200 mln USD humbje nga vjedhja e energjisë/ Gjiknuri: Kush s’paguan, të mos marrë shërbime apo tendera

17:40 Ekonomia

Komisioni i Ekonomisë miraton fshirjen e borxheve të bankave

15:18 Ekonomia

Haxhinasto: Do ulim tarifat aeroportuale

11:22 Ekonomia

Shqipëria do të menaxhojë vetë fondet e dhëna nga BE

10:49 Ekonomia

Shqipëria e varfër/ CIA: PBB për frymë është 8.200 USD, sa Togo e Namibia

08:46 Ekonomia

Shkrumbohet nga flakēt njē automjet, nisin hetimet

08:22 Ekonomia

Shqipëri- Kosovë: Nënshkruhen marrëveshjet për heqjen e tatimit të dyfishtë dhe tvsh

13:25 Ekonomia

Fierza në nivele kritike, KESH çel tenderin për të blerë energji për prillin

16:59 Ekonomia