Te fundit
Prokuroria kërkon 25 vjet burg për monstrën e Laprakës
10 Prill 2014, 13:59Kronika
TEMA
Prokuroria e Tiranës ka kërkuar dënimin me 25 vjet burg për Ardian Prrenjasin, i cili akuzohet për marrëdhënie homoseksuale me të mitur dhe heqje të paligjshme të lirisë.
Ndërsa ka dyshime se ai është vrasësi i Julian Çelës, pas pranimit të këtij krimi nga ai.
Në seancën e sotme prokurori i çështjes ka dhënë pretencën për Ardjan Prrenjasin në lidhje me rrëmbimin dhe mbajtjen peng të një 10-vjeçari, ndërsa për rastin e rrëmbimit dhe zhdukjes së 11-vjeçarit Julian Çela, hetimet do të vazhdojnë.
Pas arrestimit nga policia e Tiranës ai pranoi se ishte autori i rrëmbimit, vrasjes dhe më pas fshehjes së trupit të vogëlushit 11-vjeçar. Ai pohoi para hetueseve se pas vrasjes e kishte hedhur trupin e Julianit në vendgrumbullimin e plehrave në Sharrë.
Por 8 muaj pas këtyre deklarimeve, Prrenjasi mohon një gjë të tillë. Ai doli me një version të ri përpara prokurorëve të çështjes, duke pretenduar se i ka bërë këto deklarime nga frika, dhuna dhe presioni, raporton Ora News.
Julian Çela është shpallur i humbur që prej 30 dhjetorit të vitit 2012 dhe që nga ajo ditë disa versione janë ngritur për zhdukjen e tij. Pas deklaratave të monstrës se ai e kishte vrarë, ato kanë filluar të zbehen, pasi Prokuroria ende nuk ka një prove që e lidh Prrenjasin me 11-vjeçarin.
Ndërsa një vëmendje e veçante po i kushtohet nga Prokuroria pistës tjetër, asaj të trafikimit jashtë kufinjve të vendit, por deri tani ende nuk asnjë fakt konkret për këtë.
1 komente në “Prokuroria kërkon 25 vjet burg për monstrën e Laprakës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
arapi duhet cuar ne burgun grek,qe ti kete pantallonat te ulura…….