Te fundit
Zgjedhjet në PD/ Basha: Qeveria e orientuar tek propaganda
29 Qershor 2014, 10:24Politika
TEMA
Kryetari i Partisë Demokratike Lulzim Basha akuzon Qeverinë Rama se është e orientuar vetëm tek propaganda dhe e ka zhytur vendin në krizë. Basha ishte i pranishëm në Kuvendet Zgjedhore të Partisë Demokratike në Pogradec, Devoll e Korcë, ku theksoi se ekipi i ri drejtues i kësaj partie do t’i japë një dimension të ri në alternativën e saj qeverisëse zhvillimit ekonomik dhe demokracisë pjesmarrëse.
“Të orientohemi sot në opozitë drejt kapaciteve dhe mendësisë për të ndërtuar nesër një qeveri që është më shumë në punë se sa në TV, që prodhon më shumë rezultate se propagandë. Që do t’i japë dimension të ri demokracisë pjesmarrëse, që do të projektojë duke filluar që tani drejtimet e reja të zhvillimit të vendit, në kushtet e hapjes dhe të konkurencës me tregjet e BE”, deklaroi Basha.
Kryetari i PD theksoi se një parti me demokraci funksionale brenda saj, e cila dëgjon dhe respekton zërin e anëtarëve të saj, është garanci për funksionimin e saj në qeverisje dhe në raport me qytetarët shqiptarë.
“Një familje politike që vendos qartë rregullat e demokracisë për funksionimin brenda vetes, një familje politike që zgjedh me votë të lirë më të mirët brenda vetes sot në opozitë, jep garanci se nesër në pushtet po kështu do të caktojë njerëzit më të mirë në postet publike dhe të administratës. Një familje që brenda vetes se vetë, i jep çdo kujt mundësinë të shprehet, të shkëmbejë lirisht dhe në mënyrë të qyteteruar mendimet, të ndajë pikëpamjet me të tjerët, të respektojë dinjitetin personal të çdo anëtari të PD-së nga më i vjetri tek më i riu. Nesër do të bëjë të njëjtën gjë në raport me shoqërinë, në raport me qytetarët”, tha Basha.
Sfida dhe qëllimi kryesor i zgjedhjeve që po zhvillohen në gjithë piramidën e Partisë Demokratike, shtoi Basha, është të nxjerrim me votë të lirë drejtuesit e fitores se nesërme.
“Zgjedhja me votë të anëtarësisë e drejtuesve të partisë është një vlerë e jashtëzakonshme që duhet të dimë ta përdorim me zgjuarsi dhe me përgjegjësi”, theksoi kryetari i PD-së.
3 komente në “Zgjedhjet në PD/ Basha: Qeveria e orientuar tek propaganda”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po merruni me veten o mjeran se jeni te marre fund po lereni qeverine. Sa turp eshte kur sheh nje te mbytur duke bere te tilla deklarata ne sy te popullit qe i dha nja 1 milion shuplaka ftyres.
Po kur te flet e te ben kritaika dhe lulushi mos mbet njeri me kembe mo, nje burr qe spo mbledh dot e te ve ne rresht 2 gra te PD, merru o lulush me punen tende se je dhe kryetar bashkie po e ke harruar fare, vetem con e parkon makinen atje.
Me kte qeveri merruni ju po he, se lazarati ishte propagand ato 600 mij ton hashash e heroin e arm e rrenje te mbjellura ishin show, ato 100 te arrestuar ishin show, per ty ndoshta po po per cdo njeri normal nuk ishin show por pune e vendosmeri per te rilindur kete vend.