Te fundit
Gjenerali Breedlove takon Bushatin: Marrja e statusit, hap vendimtar drejt BE
9 Korrik 2014, 14:20Politika
TEMA
Ministri i Punëve të Jashtme Ditmir Bushati priti në një takim Gjeneralin e Forcave Ajrore amerikane Philip M. Breedlove, njëkohësisht Komandanti i Forcave Aleate të NATO-s në Evropë (SHAPE) dhe Komandant i Komandës Evropiane të SHBA-ve (EUCOM), i cili po zhvillon një vizitë në vendin tonë.
Sipas njoftimit zyrtar, gjatë takimit të dy bashkëbiseduesit diskutuan mbi një sërë çështjesh. Fillimisht, Gjenerali Breedlove, uroi Ministrin Bushati për marrjen e statusit të vendit kandidat në BE, duke e vlerësuar këtë si një arritje dhe një hap vendimtar drejt anëtarësimit të plotë në familjen Evropiane.
Bushati rikonfirmoi mbështetjen e vendit tonë për politikën e dyerve të hapura të NATO-s dhe për integrimin euro-atlantik të të gjitha vendeve të rajonit, duke nënvizuar njëkohësisht edhe mbështetjen e vendit tonë për përafrimin e Kosovës me Aleancën.
Në veçanti, biseda u përqendrua mbi perspektivën e integrimit euro-atlantik të vendeve të rajonit.
Lidhur me këtë çështje ministri Bushati ritheksoi mbështetjen e plotë të qeverisë shqiptare ndaj avancimit sa më të shpejtë të procesit të integrimit në NATO të vendeve aspirante. Një pikë tjetër e rëndësishme ishin zhvillimet e fundit në Ukrainë, si dhe hapat e nevojshme për t’u ndërmarrë për të ç‘tensionuar situatën atje.
Nga ana e tij gjenerali amerikan çmoi lart kontributin e vendit tonë në operacionin ISAF në Afganistan dhe në KFOR në Kosovë, si edhe përshëndeti angazhimin e marrë nga vendi ynë për vijimin e pjesëmarrjes të efektivëve shqiptarë në misionin e pas ISAF-it 2014.
3 komente në “Gjenerali Breedlove takon Bushatin: Marrja e statusit, hap vendimtar drejt BE”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ka dashur keshillat nga Bushati per Ukrainen se kemi eksperince ne zgjidhjen e konflikteve
Jo jo ka ardhur te tregoj qe jemi aleat me NATO-en, qe te bejm pjesen ton te antarsimit, por dhe ti tregoj te tjerve qe zonat e infuences te atlanitikut ben pjes dhe shqipria.
Marrja e statusit hap vendimtar drejt BE: http://bit.do/marrja-e-statusit-hap-vendimtar-drejt-be