Pronësia mbi truallin shtetëror në zonat turistike/ Procedurat për kalimin e pronësisë, kategoritë që përfitojnë

Të ardhurat nga kalimi i së drejtës së pronësisë së truallit ndahen 80 për  qind  të vlerës  në  Buxhetin e  Shtetit për fondin e kompensimit financiar të parashikuar nga ligji nr.  9235,  datë  29.7.2004,   “Për  kthimin  dhe kompensimin e pronës”, të ndryshuar, për Agjencinë e Kthimit dhe Kompensimit të Pronave dhe 20 për qind të vlerës për llogari të ALUIZNI-t.

Kjo përcaktohet në ligjin “Për rregullimin e pronësisë mbi truallin shtetëror  në zonat me përparësi turizmin”, të ndryshuar.

Ky ligj zbatohet për kalimin e së drejtës së pronësisë subjekteve të interesuara apo personave të stimuluar  mbi njësitë  e  ndërtuara  dhe  truallin  brenda zonës së stimuluar, si dhe për veprimtaritë joturistike në zonë me përparësi turizmin.”  Në ndryshimet e draftit përcaktohet se procedurat  e këtij ligji do të zbatohen edhe për personat që ushtrojnë “veprimtari joturistike në zonë me përparësi turizmin”.

Procedura e kalimit të pronësisë mbi truallin

Në ligj përcaktohen procedurat e kalimit të pronësisë mbi truallin. Në këtë mënyrë nëse marrëveshja e qirasë ose e zhvillimit është e lidhur  me  personin  e  stimuluar  në  truall  shtetëror, përpara  datës  së  kthimit  dhe  kompensimit  fizik  nga Agjencia e Kthimit dhe Kompensimit të Pronave, ALUIZNI kalon pronësinë e truallit në favor të subjektit të interesuar apo personit të stimuluar. Personat, të cilët preken nga zbatimi i pikës 1, të këtij neni,  kompensohen në përputhje me procedurat  e parashikuara në legjislacionin në fuqi për legalizimin, urbanizimin dhe integrimin e ndërtimeve pa leje”. Ligji parashikon që subjekti i interesuar ose personi i stimuluar ka të drejtë të kërkojë blerjen e truallit në funksion të njësisë së ndërtuar, të ndodhur brenda kufirit të parcelës ndërtimore, të përcaktuar në planin e rilevimit, në përputhje me procedurat e parashikuara.

Pronësia dhe bashkëpronësia mbi truallin e lirë

Në përfundim të procesit të përcaktuar në nenin 9, trualli  që  mbetet  i  lirë  brenda  kufijve  të  zonës  së stimuluar, të përcaktuar  nga plani i rilevimit, kalon në bashkëpronësi të detyrueshme dhe të patjetërsueshme në favor   të   subjekteve   të   interesuara   dhe   personit   të stimuluar.  Afatet dhe procedurat e kalimit të bashkëpronësisë së detyrueshme mbi truallin e lirë përcaktohen me vendim të Këshillit të Ministrave.  Mënyra administrimit dhe e rregullimit të bashkëpronësisë mbi këtë truall kryhet në përputhje me ligjin për administrimin e bashkëpronësisë në ndërtesat e banimit dhe aktet nënligjore të dala në zbatim të tij.  Në rast  se subjektet e interesuara  dhe personi  i stimuluar nuk kërkojnë kalimin në bashkëpronësi të detyrueshme të truallit të lirë, sipas përcaktimeve të bëra në  pikën  1,  të  këtij  neni,  ky  truall  mbetet  me  titull pronësie shtet. Përjashtimisht nga pikat 1 dhe 2 të këtij neni, personi i stimuluar, i cili ka përfunduar ndërtimin e njësive, deri në hyrjen në fuqi të këtij ligji, dhe nuk e ka ndryshuar   destinacionin   e   tyre   për   veprimtari   të stimuluar,  ka  të  drejtë  të  kërkojë  blerjen  e  të  gjithë truallit  të  lirë  brenda  zonës  së  stimuluar,  bazuar  në planin e rilevimit.  Në çdo rast, trualli i lirë brenda kufijve të zonës së stimuluar,  pavarësisht nëse ka kaluar ose jo në pronësi, sipas përcaktimeve të bëra në këtë nen, konsiderohet “zone e rëndësisë kombëtare në planifikimin e territorit”, në përputhje me ligjin për planifikimin dhe zhvillimin e territorit.”.

Cmimi i truallit

Çmimi  i  truallit   brenda   zonës  së  stimuluar përcaktohet  në  bazë  të  hartës  së  vlerës  së  tokës,  të miratuar me vendim të Këshillit të Ministrave.  ALUIZINI  lidh kontratën e shitjes për kalimin e së drejtës së pronësisë mbi truallin, sipas modelit tip, si dhe   njofton   me   shkrim   subjektin   e   interesuar   ose personin e stimuluar që plotëson kushtet e parashikuara në  këtë  ligj  dhe  për  masën  e  çmimit. Modeli  tip  i kontratës së shitjes miratohet me urdhër nga ministri përgjegjës  brenda  60  ditëve  nga  hyrja  në  fuqi  e  këtij ligji.”.

Çmimi  i  truallit  reduktohet  në  masën  10  për qind,  nëse  paguhet  brenda  1  muaji  nga  njoftimi  me shkrim, sipas pikës 3, të nenit 10, të këtij ligji.”.

Mospagimi i çmimit nga subjekti i interesuar ose personi i stimuluar,  brenda  6 muajve nga njoftimi me shkrim,  sjell penalitete në masën 10 për qind të çmimit total të truallit për çdo muaj vonesë, me kusht që masa e penalitetit të mos kalojë çmimin total të truallit”. Nëse  personi  i  stimuluar  ka  kryer  shtesa  mbi lejen e ndërtimit, zbatohen penalitetet e parashikuara në ligjin nr. 9482, datë 3.4.2006, “Për legalizimin, urbanizimin dhe integrimin e ndërtimeve pa leje”, të ndryshuar”.

Ndryshimet e plota

PËR DISA NDRYSHIME DHE SHTESA NË LIGJIN NR. 10 186, DATË 5.11.2009, “PËR RREGULLIMIN E PRONËSISË MBI TRUALLIN SHTETËROR NË ZONAT ME PËRPARËSI TURIZMIN”, TË NDRYSHUAR

Në  mbështetje  të  neneve  78  dhe  83,   pika  1,  të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË VENDOSI:

Në ligjin nr. 10 186, datë 5.11.2009, “Për rregullimin e pronësisë mbi truallin shtetëror  në zonat me përparësi turizmin”, të ndryshuar, bëhen këto ndryshime dhe shtesa:

Neni 1

Në nenin 2, pika 1, bëhen ndryshimet dhe shtesat e mëposhtme:

1.  Shkronjat  “c”, “d”  dhe  “ë”  ndryshohen  si  më poshtë:

“c) “Person i stimuluar” është personi fizik apo juridik, i  cili  ka  përfituar  titullin  e  personit  të  stimuluar,  në përputhje me ligjin nr. 7665, datë 21.1.1993, “Për zhvillimin e zonave që kanë përparësi turizmin”, të shfuqizuar.

d) “Njësi e ndërtuar” është objekti ose tërësia e objekteve  apo  e  apartamenteve,  të  ndërtuara  brenda kufirit  të  zonës,  për  të  cilën  personi  ka  fituar  titullin person i stimuluar.

ë) “Truall”  është e gjithë sipërfaqja e tokës brenda zonës së stimuluar, sipas kufirit të lejes së miratuar  të sheshit të ndërtimit.”.

2. Shkronja “f” shfuqizohet.

3.  Pas shkronjës  “g”  shtohen shkronjat  “gj”, “h”, “i” dhe “j” me këtë përmbajtje:

“gj)  “Truall  i lirë”  është sipërfaqja e tokës,  brenda zonës së simuluar, e përcaktuar nga plani i rilevimit, brenda kufirit të lejes së miratuar të sheshit të ndërtimit, i tillë si sheshe, troje funksionale, pishina, sipërfaqe të gjelbëruara,  rrugë  apo truall tjetër me destinacion dhe funksion të ngjashëm.”.

h) “Plan rilevimi” quhet plani i përgatitur nga ALUIZNI   pas   përditësimit   në   terren,   ku   paraqitet gjendja faktike e zonës së stimuluar, sipas kufijve të miratuar në lejen e sheshit.

i) “Objekt i ndërtuar” është objekti, për të cilin është përfunduar konstruksioni dhe mbulesa.

j) “Veprimtari joturistike në zonë me përparësi turizmin” janë ato veprimtari të dhëna në përputhje me shkronjën  “b”,   të  nenit  4,   të  ligjit  nr.  7665,   datë 21.1.1993,  “Për  zhvillimin e zonave që kanë përparësi turizmin”, të shfuqizuar.”.

Neni 2

Në nenin 3 bëhen këto ndryshime dhe shtesa:

1. Pika 1 ndryshohet si më poshtë:

“1. Ky ligj zbatohet për kalimin e së drejtës së pronësisë subjekteve të interesuara apo personave të stimuluar  mbi njësitë  e  ndërtuara  dhe  truallin  brenda zonës së stimuluar, si dhe për veprimtaritë joturistike në zonë me përparësi turizmin.”.

2. Pas pikës 2 shtohet pika 3 me këtë përmbajtje:

“3.  Procedurat  e këtij ligji do të zbatohen edhe për personat që ushtrojnë “veprimtari joturistike në zonë me përparësi turizmin.”.

Neni 3

Në nenin 4, pika 1, shkronja “b”  ndryshohet si më poshtë:

“b) dokumentacionin që provon veprimin juridik ndërmjet personit të stimuluar dhe subjektit të interesuar për  kalimin  e  së  drejtës  së  pronësisë mbi  njësinë  e ndërtuar.”.

Neni 4

Në nenin 5 bëhen këto ndryshime dhe shtesa:

1.  Shkronjat  “b”,   “c”,  “ç”  dhe  “e”,  të  pikës  1, ndryshohen si më poshtë:

“b) marrëveshjen e qirasë apo të zhvillimit, të lidhur ndërmjet  personit  të  stimuluar  dhe  qiradhënësit,  nëse është lidhur një marrëveshje e tillë;

c)   lejen   e   ndërtimit   dhe/ose   lejen   e   sheshit   të ndërtimit;

ç) projektin arkitektonik të miratuar;

e) vërtetim nga Agjencia Kombëtare e Turizmit për detyrimet e marrëveshjes së qirasë, të llogaritura deri në momentin e zgjidhjes së marrëveshjeve.”.

2.  Pas shkronjës  “e”  shtohet shkronja  “f”  me këtë përmbajtje:

“f)  vendimin e organeve kompetente për dhënien e titullit person i stimuluar.”.

3. Pas pikës 1 shtohet pika 2 me këtë përmbajtje:

“2. Pika 1 e këtij neni, do të zbatohet edhe për subjektet,    të   cilat   kanë   zhvilluar    një   veprimtari joturistike në zonë të stimuluar.”.

Neni 5

Pas nenit 7 shtohet neni 7/1 me këtë përmbajtje:

 “Neni 7/1

Procedura e kalimit të pronësisë mbi truallin

1. Nëse marrëveshja e qirasë ose e zhvillimit është e lidhur  me  personin  e  stimuluar  në  truall  shtetëror, përpara  datës  së  kthimit  dhe  kompensimit  fizik  nga Agjencia e Kthimit dhe Kompensimit të Pronave, ALUIZNI kalon pronësinë e truallit në favor të subjektit të interesuar apo personit të stimuluar.

2. Personat, të cilët preken nga zbatimi i pikës 1, të këtij neni,  kompensohen në përputhje me procedurat  e parashikuara në legjislacionin në fuqi për legalizimin, urbanizimin dhe integrimin e ndërtimeve pa leje.”.

Neni 6

Në nenin 8, pika 2 shfuqizohet.

Neni 7

Në nenin 9 bëhen këto ndryshime dhe shtesa:

1. Pika 1 ndryshohet si më poshtë:

“1. Subjekti i interesuar ose personi i stimuluar ka të drejtë të kërkojë blerjen e truallit në funksion të njësisë së ndërtuar, të ndodhur brenda kufirit të parcelës ndërtimore, të përcaktuar në planin e rilevimit, në përputhje me procedurat e parashikuara në këtë kre.”.

Neni 8

Pas nenit 9 shtohet neni 9/1 me këtë përmbajtje:

 “Neni 9/1

Pronësia dhe bashkëpronësia mbi truallin e lirë

1. Në përfundim të procesit të përcaktuar në nenin 9, trualli  që  mbetet  i  lirë  brenda  kufijve  të  zonës  së stimuluar, të përcaktuar  nga plani i rilevimit, kalon në bashkëpronësi të detyrueshme dhe të patjetërsueshme në favor   të   subjekteve   të   interesuara   dhe   personit   të stimuluar.

Afatet dhe procedurat e kalimit të bashkëpronësisë së detyrueshme mbi truallin e lirë përcaktohen me vendim të Këshillit të Ministrave.

Mënyra administrimit dhe e rregullimit të bashkëpronësisë mbi këtë truall kryhet në përputhje me ligjin për administrimin e bashkëpronësisë në ndërtesat e banimit dhe aktet nënligjore të dala në zbatim të tij.

2.  Në rast  se subjektet e interesuara  dhe personi  i stimuluar nuk kërkojnë kalimin në bashkëpronësi të detyrueshme të truallit të lirë, sipas përcaktimeve të bëra në  pikën  1,  të  këtij  neni,  ky  truall  mbetet  me  titull pronësie shtet.

3. Përjashtimisht nga pikat 1 dhe 2 të këtij neni, personi i stimuluar, i cili ka përfunduar ndërtimin e njësive, deri në hyrjen në fuqi të këtij ligji, dhe nuk e ka ndryshuar   destinacionin   e   tyre   për   veprimtari   të stimuluar,  ka  të  drejtë  të  kërkojë  blerjen  e  të  gjithë truallit  të  lirë  brenda  zonës  së  stimuluar,  bazuar  në planin e rilevimit.

4. Në çdo rast, trualli i lirë brenda kufijve të zonës së stimuluar,  pavarësisht nëse ka kaluar ose jo në pronësi, sipas përcaktimeve të bëra në këtë nen, konsiderohet “zone e rëndësisë kombëtare në planifikimin e territorit”, në përputhje me ligjin për planifikimin dhe zhvillimin e territorit.”.

Neni 9

Në nenin 10, pikat 1 dhe 3 ndryshohen si më poshtë: “1.   Çmimi  i  truallit   brenda   zonës  së  stimuluar përcaktohet  në  bazë  të  hartës  së  vlerës  së  tokës,  të miratuar me vendim të Këshillit të Ministrave.

3.  ALUIZINI  lidh kontratën e shitjes për kalimin e së drejtës së pronësisë mbi truallin, sipas modelit tip, si dhe   njofton   me   shkrim   subjektin   e   interesuar   ose personin e stimuluar që plotëson kushtet e parashikuara në  këtë  ligj  dhe  për  masën  e  çmimit. Modeli  tip  i kontratës së shitjes miratohet me urdhër nga ministri përgjegjës  brenda  60  ditëve  nga  hyrja  në  fuqi  e  këtij ligji.”.

Neni 10

Në nenin 11, pika 3, shkronja “a” shfuqizohet.

Neni 11

Në nenin 14 bëhen ndryshimet e mëposhtme:

1. Pika 1 ndryshohet si më poshtë:

“1.  Çmimi  i  truallit  reduktohet  në  masën  10  për qind,  nëse  paguhet  brenda  1  muaji  nga  njoftimi  me shkrim, sipas pikës 3, të nenit 10, të këtij ligji.”.

2. Pika 2 shfuqizohet.

3. Pika 3 ndryshohet si më poshtë:

“3.  Të ardhurat nga kalimi i së drejtës së pronësisë së truallit ndahen si më poshtë:

a)  80 për  qind  të vlerës  në  Buxhetin e  Shtetit për fondin e kompensimit financiar të parashikuar nga ligji nr.  9235,  datë  29.7.2004,   “Për  kthimin  dhe kompensimin e pronës”, të ndryshuar, për Agjencinë e Kthimit dhe Kompensimit të Pronave;

b) 20 për qind të vlerës për llogari të ALUIZNI-t.

Të  ardhurat   e  realizuara   nga  tarifat  dhe  tatimet administrohen sipas neneve 13 dhe 15 të këtij ligji.”.

Neni 12

Në  nenin  15/1,   fjalia  e  fundit  ndryshohet  si  më poshtë:

“Detyrimet  e prapambetura  llogariten  nga Agjencia Kombëtare e Turizmit deri në momentin e zgjidhjes së marrëveshjes.”.

Neni 13

Në nenin 16 bëhen ndryshimet dhe shtesa e mëposhtme:

1. Pika 1 shfuqizohet.

2. Pika 2 ndryshohet si më poshtë:

“2. Mospagimi i çmimit nga subjekti i interesuar ose personi i stimuluar,  brenda  6 muajve nga njoftimi me shkrim,  sipas pikës 3,  të nenit 10,  të  këtij  ligji,  sjell penalitete në masën 10 për qind të çmimit total të truallit për çdo muaj vonesë, me kusht që masa e penalitetit të mos kalojë çmimin total të truallit.”.

3. Pas pikës 2 shtohet pika 3 me këtë përmbajtje:

“3.  Nëse  personi  i  stimuluar  ka  kryer  shtesa  mbi lejen e ndërtimit, zbatohen penalitetet e parashikuara në ligjin nr. 9482, datë 3.4.2006, “Për legalizimin, urbanizimin dhe integrimin e ndërtimeve pa leje”, të ndryshuar”.

Fondi i Investimeve/ Në 6 muajt e parë të 2014 u rrit me 29 %

15:20 Ekonomia

Ahmetaj: Sfida e qeverinë, zhvillimi i zonave industriale. Hausmann: Vlerësoni të gjitha burimet

10:50 Ekonomia

Edhe një tjetër aeroport në jug të vendit? Eurocontrol: Shqipëria, nyje mes Lindjes dhe Perëndimit

17:26 Ekonomia

Haxhinasto: Mundësi e re e krijuar në Portin e Shëngjinit është parkimi i jahteve

17:13 Ekonomia

Projektligji për barnat/ Braçe: Ka mungesë ilaçesh. Beqaj: Do mbyllim farmacitë rreth spitaleve

12:08 Ekonomia

Ndërtimet pa leje/ Qeveria përcakton çmimet favorizuese. Kategoritë që përfitojnë dhe mënyra e pagesës

18:59 Ekonomia

Çmimi i fluturimeve/ Në Shqipëri biletat më shtrenjtë se në rajon, por dhe se në shumë vende të Europës

15:47 Ekonomia

Beqaj: 20 % e pacientëve deklarojnë se paguajnë nën dorë/ Rama: Do e mbajmë zotimin për shëndetësi falas

12:40 Ekonomia

Open Data Albania: Ja si është fryrë skema e invalidëve më 2013!

20:12 Ekonomia

Kokëdhima ndërton fermë me 14 aksionerë në Xarrë/ Kapitali, 1 milard lekë

18:17 Ekonomia