Mbyllja e Universiteteve/ Pollo: Duhet transparencë dhe ligjshmëri, kontrolli i MAS i nxituar (VIDEO)

Partia Demokratike ka reaguar sërisht mbi vendimin e Qeverisë për mbylljen e 17 universiteteve private, pezullimin e 13 të tjerëve dhe mbylljen e 9 filialeve të Universitetit shtetëror, duke kërkuar transparencë dhe ligjshmëri.

“Këtë javë kryeministri  i kontrastit xhenem/xhenet foli për universitetet  publike dhe private;  këtë rradhë me pasoja të rënda. Së pari duhet të theksoj se Partia Demokratike është për ligjshmëri, zbatimin  korrekt  të normave në fuqi dhe të standarteve zyrtare; si edhe në rastet kur këto shkelen për masa proporcionale.  Dhe jemi të ndërgjegjshëm per problemet, mangësitë, shkeljet në Arsimin e Lartë si dhe për nevojën e një regjimi kontrollues rigoroz dhe masat përlatëse sa herë konstatohen shkeljet”, tha deputeti Genc Pollo në një konferencë për mediat.

Ndërsa e konsideroi të nxituar kontrollin e Ministrisë së Arsimit në universitetet e vendit, Pollo tha se i gjithë ky proces u krye me kontrollorë që së shumti janë marrë andej këtëj, pa njohuri për legjislacionin e fushës, me raste plot si kryeinspektorja edhe me diplomë fallco edhe donator e Partisë Socialiste.

“Materialet e ofruara nga universitetet  kanë fjetur me javë në kutitë e kepucëve, që trego foto e ministries dhe  nuk janë konsultuar fare nga kontrollorët.  Edhe komentet  e universiteteve që erdhën më vonë duket se patën të njëjtin fat. Është e qartë  pse  raporti zyrtar përfundimtar i ministrisë përmban vetëm listën e ndëshkimeve për secilin universitet  por aspak gjetjet dhe shkeljet për secilin syresh, çka do të bënte transparente ose në rastin më të mirë mund të justifikonte masën e marë. Madje edhe VKM-ja përkatëse, e  miratuar të enjten në qeveri, nuk është publikuar në ëebsitin e kryeministrisë (të gjitha VKM-të e tjera janë publikuar); nuk është publikuar sot e kësaj dite as në ëebsite-in e ministrisë së arsimit”, tha Pollo.

Sipas tij, Partia Demokratike përkrah kërkesën e profesoratit dhe të universiteteve për  transparencë të plotë të kontrollit të ministrisë;  të gjetjeve e shkeljeve të ministrisë ashtu siç janë shkruar e janë fshehur dhe pret që zonja Nikolla t’i bëjë ato publike menjëherë.

“Vërejme se për mbylljen e të gjitha  filialeve universitare e të 63 programeve të studimit  është shkelur procedura ligjore,  as nuk janë marrë propozime nga institucione të arsimit të lartë dhe as nuk është konsultuar Këshilli i Akreditimit siç e kërkon ligji. Po kështu u veprua me miratimin e kuoatave ku nuk u konsultua  as Konferenca e Rektorëve dhe as Këshilli i Arsimit të Lartë e Shkencës siç e kërkon gjithashtu ligji.  Edhe pse kishin një vit kohë. Përpos që raporti është qëllimisht mjegullor se thotë: 70% e universiteteve kanë marrë vendime ne shkelje  të normave,  por nuk kuptohet sa e rëndë është shkelja, as cilet janë universitet a janë këto vendime një apo njëqind?  A janë 1%  apo 100% të totalit të vendimeve që janë me shkelje? E vetmja gjë e qartë është kërcënimi se do shkarkohen e zëvendësohen drejtuesit nga rektori tek dekani tek kancelari  ndoshta edhe më poshtë”, vijoi deputeti demokrat.

Sipas tij, arsimit të lartë privat krahas përkrahjes i duhej edhe një regjim i fortë mbikqyrje e korrigjimi që ti orientonte ato tek rregullsia e plotë e tek standartet zyrtare.

“Fatkeqësisht qeveria zgjodhi sopatën jakobine e shtratin e Prokrustit. Kështu u çuan dëm miliona euro të investuara në arsim. Dhe u krijua  një problem i madh e  vërtet i paprecedent për 8 mijë studentë që ngelën rrugëve si pasojë e sëpatës Rama. Do të pranohen ne fakultetet publike duke thyer parimin e meritës (studentëve të vitit të tretë bachelor me mesatare 9 të Maturës do tu bashkohen ata me mesatare 6 të maturës)  apo në ato fakultetet private ku tarifa mund të jetë dy e trefish dhe xhepi nuk jau mban studentëve të lënë në rrugë. Ministria ka heshtur për këtë”, theksoi Pollo.

Reforma Territoriale/Peleshi: Kursejmë shpenzimet e fryra për administratën (VIDEO)

13:24 Sociale

Krim makabër në Elbasan/ Nëna vret me thikë në gjumë fëmijën 4 vjeç, tenton vetëvrasjen (VIDEO)

10:44 Sociale

VIDEO/ Ambasada amerikane promovon turizmin shqiptar

19:35 Sociale

Veliaj: Po pastrojmë skemën e pagesave të paaftësisë nga abuzuesit

14:18 Sociale

Akuzat e PD/Ristani: Janë përkeqësuar treguesit e rendit dhe sigurisë (VIDEO)

12:27 Sociale

Peticioni për shkarkimin e Fullanit firmoset edhe në Elbasan e Durrës, po a ka vlerë? (VIDEO)

11:27 Sociale

FOTO LAJM/ Ja realiteti i universiteteve që la pas Berisha

18:13 Sociale

Berisha: Fullani nuk ka kërkuar mbrojtje. Qytetarët të jenë të qetë, pasi nuk kanë humbur kursimet (VIDEO)

13:08 Sociale

Banka Botërore: Marrëveshja e qeverisë me CEZ, zgjidhje e drejtë (VIDEO)

12:34 Sociale

Vjedhja në Bankën e Shqipërisë/ Prokuroria: Punonjësit e Thesarit kanë punuar pa rregullore (VIDEO)

12:16 Sociale