Antonio Konte e nis me buzëqeshje aventurën në krye të Italisë. Që në ndeshjen debutuese, në miqësoren me Holandën, ish-tekniku i Juventusit përçoi karakterin dhe agresivitetin e tij në skuadër, por gjithsesi qëndron me këmbë në tokë, pasi rruga e të kaltërve është shumë e gjatë: “Informacioni më i rëndësishëm që mora në këtë ndeshje është fakti që lojtarët e kanë kuptuar idenë time të lojës në vetëm 6 seanca stërvitore. Ata ishin shumë të motivuar dhe të përqendruar. Jam shumë i kënaqur nga loja në grup, përulësia konkretizimi dhe kurajë, duke bërë presing në çdo pjesë të fushës”.
Pas suksesit 2-0 me Holandën, vëmendja përqendrohet te eliminatoret e Europianit, ku prova e parë do të jetë në Oslo me Norvegjinë: “Të martën kemi një sfidë shumë të vështirë në Norvegji. E ndoqa këtë kundërshtar në miqësoren me Anglinë. Kanë 11 lojtarë që mbrohen mirë dhe kundërsulmojnë rrezikshëm. Dëshirojmë ta nisim në mënyrën më të mirë të mundshme këtë fushatë eliminatore”.
Avash avash , shpejt akoma per te folur.