Komisioni i Ekonomisë miraton shkarkimin e Fullanit

Komisioni parlamentar i Ekonomisë miratoi me vota unanime p/vendimin për shkarkimin e Ardian Fullanit nga posti i Guvernatorit të Bankës së Shqipërisë.

Vendimi i Komisionit të Ekonomisë, vjen pas propozimit që Këshilli Mbikëqyrës i institucionit më të lartë financiar në vend, i bëri Kuvendit për shkarkimin e Fullanit.

Ky propozim u diskutua në mbledhjen e Komisionit të Ekonomisë ku u mor dhe vendimi për shkarkimin e Ardian Fullanit, tashmë të arrestuar në lidhje me skandalin e vjedhjes së parave nga thesari i shtetit. Të pranishëm në mbledhjen e Komisionit ishin deputetët e mazhorancës, ndërkohë që opozita vijon bojkotin.

“Shkresa e Këshillit Mbikëqyrës që vë në dijeni Kuvendin për shkarkimin e Fullanit, mbështetur në nenin 47, pika 2, gërma c të ligjit për bankën e Shqipërisë.

Baza ligjore ka qenë kjo: Motivacioni është “shkelje e etikës në Bankën e Shqipërisë dhe cënimi i thellë i interesave të BSH-së”. Komisioni e ka gjetur në përputhje me ligjin për BSH propozimin e Këshillit dhe e ka miratuar shkarkimin në unanimitet”, u shpreh kryetari i Komisionit të Ekonomisë Erion Brace, pas përfundimit të mbledhjes së Komisionit të Ekonomisë.

Përsa i përket Inspektores së Përgjithshme të Bankës së Shqipërisë, Elivar Golemi, e cila gjithashtu është arrestuar nën akuzën e “shpërdorimit të detyrës”, Brace tha se komisioni po vijon procedurat për shkarkimin e saj.

Ai sqaroi se për këtë vendim Parlamenti nuk ka nevojë për propozim nga Këshilli Mbikëqyrës apo institucione të tjera që lidhen me BSH, për shkak se Inspektori, propozohet, emërohet dhe shkarkohet vetëm nga Kuvendi.

Edhe për Golemin, Brace tha se janë gjetur të njëjtat shkelje si Fullani: “Shkelje e rëndë e etikës në BSH dhe cenim i thellë i interesave të BSH”.
 
Relacioni i Komisionit të Ekonomisë dhe vendimi unanim për shkarkimin e Fullanit do t’i paraqiten Kryetarit të Kuvendit, ndërsa të enjten pritet që ky vendim të votohet përfundimisht nga Parlamenti.

Gjiknuri: Me Power China diskutuam për Skavicën dhe shpërndarjen e energjisë

11:27 Ekonomia

Përcaktohen procedurat për evidentimin në terren të ndërtimeve pa leje dhe miratimin e zonave informale

20:01 Ekonomia

Krijohet fondi në mbështetje të grave sipërmarrëse/ Mbi 25 milionë lekë për 4 vite

19:37 Ekonomia

Haxhinasto pret një delegacion nga Katari: Mundësi bashkëpunimi në infrastrukturë dhe transport

17:38 Ekonomia

FMN sqaron: Përfundimet tona do t’i bëjmë me dije në një datë të mëvonshme

14:57 Ekonomia

Ministria e Energjitikës, marrëveshje me gjigandët e Power China

10:38 Ekonomia

Rama i përgjigjet akuzave të PD për energjinë: Rilindje sektorit energjitik

10:38 Ekonomia

FMN: Rënia e investimeve, mund të sjellë frenim ekonomik

09:43 Ekonomia

Haxhinasto nënshkruan marrëveshje bashkëpunimi me ndërtuesit: Jo më abuzime me tenderat

19:14 Ekonomia

Braçe: Të nisë procedura për shkarkimin e inspektores së Përgjithshme të BSH

11:39 Ekonomia