Te fundit
Gjermeni: Komunitetet, rol kryesor në zhvillimin e turizmit
29 Shtator 2014, 12:12Sociale
TEMA
Në ceremoninë e hapjes së Dialogut të Nivelit të Lartë mbi Turizmin dhe Zhvillimin e Komunitetit, me rastin e Ditës Ndërkombëtare të Turizmit, në Guadalahara të Meksikës, ministria e Zhvillimit Urban dhe Turizmit Eglantina Gjermeni theksoi se “komunitetet luajnë një rol kryesor në zhvillimin e turizmit”.
“Turizmi mund të fuqizojë komunitetet nga perspektiva ekonomike dhe sociale. Unë vij nga një vend, i cili vetëm 23 vjet më parë ishte nën diktaturën komuniste dhe komunitetet ishin thjesht marrës të politikave publike, ndërkohë sot, komuniteti në Shqipëri është pjesë e procesit vendimmarrës. Komunitetet sot nuk konsiderohen vetëm destinacione, por janë një zë i fortë në hartimin e strategjive të zhvillimit të turizmit”, është shprehur ministrja.
Gjermeni bèri me dije edhe disa iniciativa të marra nga Qeveria Shqiptare për të rilindur traditën dhe vlerat e komuniteteve.
“Ne kemi nisur zbatimin e Projektit të “Përmirësimit të Zonës Turistike” në Krujë, një nga qytetet më historike të vendit. Qëllimi ynë është jo vetëm rigjallërimi i Pazarit të Vjetër, por e rëndësishme është të rrisim ndërgjegjësimin për ta ndihmuar komunitetin, t’i kthehet traditës së punimeve me dorë.
Ne duam t’i bëjmë komunitetet të vetëdijshëm për rëndësinë e trashëgimisë dhe vlerave, duke hartuar programe të përshtatshme.
Komunitetet janë imazhi i një vendi, fuqizimi dhe vetëndërgjegjësimi i tyre për rëndësinë e traditave, vlerave dhe mikëpritjes ështe mjeti më i mirë për përmirësimin e imazhit të Shqipërisë dhe për t’ia transmetuar këtë turistëve të huaj”, deklaroi Ministrja.
“Partneriteti publik-privat është një mjet i rëndësishëm. Ne duhet të ndryshojmë mendësinë e komuniteteve, duhet të përdorim njohurinë dhe origjinalitetin e tyre për të hartuar strategjitë tona kombëtare, në dobi të mirëqenies së vendit.Ne besojmë në rolin e komuniteteve dhe sipërmarrësve privatë dhe qëllimi ynë është forcimi i partneritetit dhe krijimi i modeleve të suksesshme, publike-private”, ka deklaruar Gjermeni.
2 komente në “Gjermeni: Komunitetet, rol kryesor në zhvillimin e turizmit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ministrja Gjermeni ben mire qe shkon ne Meksike dhe flet per komunitetet, por do te beje mire te bashkepunoje me europen dhe Gjermanine vecanerisht per programet e turizmit kulturor.
Nuk behet DREJTOHET TURIZMI ME CITATE si ne kohen e MAO CE DUNI-t!
Ai thoshte:
_MOS U BINI ME QAFE FEMRAVE”!!!
Edhe ti keshtu thua:KOMUNITETET LUAJNE ROL!
E ku eshte ZGJIDHJA ketu???
FJALE,IMZOT,FJALE KOT!!
Me kaq llafe une drejton BOTEN,zonja ministre!!