Rama: Të gatshëm t'i përgjigjemi PD për çdo kërkesë. Opozita uli në tryezë njerëz që kanë bërë burg

Kryeministri Edi Rama shprehu gatishmërinë dhe vullnetin e mazhorancës për të diskutuar me opozitën cdo pretendim apo kërkesë të saj që do ti japë fund përsëritjes së historisë në lidhje me bojkotet parlamentare apo që opozita margjinalizohet për fajin e Qeverisë.

Në konferencën e përbashkët për mediat me Komisionerin për Zgjerimin Stefan Fyle në përfundim të takimit të nivelit të lartë BE-Shqipëri, Rama theksoi se ky takim së pari vlejti për të takuar opozitën, si dhe për të shprehur vendosmërinë për ccuarjen përpara të reformave.

“Jemi të vendosur për të realizuar reformat dhe për të cuar përpara reformat e nisura. Jemi shumë të vëmendshëm vecanërisht për gjithëpërfshirje, sepse në kushtet kur vendi angazhohet për reforma reale, ne na takon si shumicë qeverisëse të mos margjinalizojmë opozitën për fajin e qeverisë.

E kemi detyrim ndaj vetes dhe ndaj zgjedhësve, që asgjë që ne kemi provuar në kurriz si pasojë e padrejtësive të ish-Qeverisë, opozita e sotme nuk do e provojë. Faktet flasin për seriozitetin tonë”, tha Rama.

Referuar bojkotit që opozita po i bën Parlamentit prej disa muajsh, Rama e konsideroi si pretekst arsyen e këtij vendimi.

“Opozita braktisi Kuvendin me preteksin se dy deputetë të mazhorancës u përplasën fizikisht me një të opozitës. Ne e dënuam aktin e dy deputetëve tanë, u dënuan administrativisht nga Kryesia e Kuvendit, dhe sot si asnjëherë më parë me një akuzë të Prokurorisë do të dalin në gjyq dhe do të mbrojnë veten.

Ne kemi inkurajuar drejtësinë të bëjë drejtësi dhe distancohemi nga cdo veprim që bie ndesh me bashkëjetesën politike jo vetëm në Kuvend, por edhe në politikën shqiptare. Madje në dokumentin e Grupit Parlamentar do të ketë sanksione, që mund të shkojnë deri në përjashtimin nga grupi parlamentar në rastet e përdorimit të dhunës”, theksoi Rama.

Duke e konsideruar vijimin e bojkotit si një të drejtë të PD-së, Rama shtoi se është e drejtë e kësaj partie që të bëjë pjesën komike të përsëritjes së historisë, pasi në këndvështrimin tonë nuk e shohim si një arsye për një hap të tillë.

“Gjithsesi ne nuk mendojmë se kundërshtarët tanë janë anti-europianë, janë albanofobë, apo që janë përfshirë në ndonjë komplot në Bruksel kundër Shqipërisë.

Ne jemi të gatshëm të përgjigjemi cdo pretendimi të arsyeshëm të PD për tu kthyer në Kuvend. Ne jemi të hapur për cdo kërkesë, mjaft që mos na kërkojnë që vendimet të mos ti marrim vetëm ne.

Opozita është në hall të madh dhe ka të drejtën e vet të përdorë ilaçin e gabuar. Ky takim ishte për të nënvizuar se jemi të gatshëm t’i përgjigjemi çdo pretendimi të arsyeshëm të PD për tu kthyer në Kuvend.

Kemi dëgjuar të betohen se s’do kthehen pa marrëveshje. S’e di cdomethënë kjo marrëveshje, por ne jemi të hapur për çdo kërkesë, mjaft të mos na kërkojnë që të mos marrim vendime kur ata s’janë dakord me ne. Që të enjten jemi të gatshëm për të miratuar çdo komision hetimor të kërkuar nga PD”, tha Rama.

Referuar akuzave të PD në lidhje me të shkuarën e personave të veccantë që mund të jenë pjesë e politikës apo e administratës, Kryeministri theksoi se “në të gjitha rastet ne i jemi referuar dëshmive të penalitetit që rezultojnë të pastra. Nëse PD ka ndonjë vizion strategjik lidhur sesi mund të pengohen njerëzit të hyjnë në politikë apo administratë, jemi gati të ulemi dhe ti diskutojmë, mjafton që mos bien ndesh me të drejtat e njeriut”.

Gjithsesi Rama ironizoi pjesëmarrjen e deputetit Arben Ristani në tryezën e nivelit të lartë duke u shprehur “edhe ato kanë njerëz që kanë bërë burg dhe që marrin pjesë në takimet e nivelit të lartë me Brukselin”.

Por kreu i Qeverisë nuk ka nguruar t’i bëjë një përgjigje me batutë edhe kritikave të herë pas hershme të opozitës ndaj komisionerit Fule.

“Unë dua ta felenderoi komisionerin për gjithë këto vite të marrëdhenies intensive shpesh here të tendosura mes tij dhe nesh, ku here ne, qeveria e sotme dhe herë opozita e sotme jemi ankuar se Stefani ka anuar nga ana tjetër. Në fakt të pëlqehesh nga dyja anët duhet të jesh Papa i Romës ose kancelarja e Gjermanisë. Prandaj komisioneri duhet të jetë i kënaqur për punën e tij me ne.

Në fakt komisioneri duhet të jetë i kënaqur për punën e tij me ne, sepse të dyja palët janë ankuar për të në kohë të ndryshme…nuk ka qenë e lehtë për Shqipërinë koha e shërbimit të Stefan Fyles si komisioner, e cila ka nisur fill pas zgjedhjeve të kontestuara të 2009 e deri për të arritur në zgjedhje të lira në 2013 dhe kulmuar me marrjen e statusit.

Përtej përjetimeve të këqija, me 21 janarin që mbetet i hapur sa drejtësia të bëjë drejtësi, bilanci i tij konsiderohet shumë pozitiv. Kjo konsideratë për bilancin s’do të ishte e tillë pa kontributin e përkushtimin me durim të Fyles ndaj Shqipërisë dhe ecurisë së vendit tonë drejt BE. Në emër të popullit dhe vendit tonë e falënderoj me mirënjohje për gjithçka bëri për të na ndihmuar. I uroj shëndet, fat, sukses në detyrat e reja”, ka thënë Rama.

Tri deputetë demokratë marrin pjesë në takimin me Fyle, por konsultohen me Berishën, jo me Bashën

14:16 Politika

INUK shemb monumentin e "Dy Gishtave" në Kavajë/ Paloka: Rama shembi karrigen e tij

13:54 Politika

Reagon Grida Duma: Në nocionin perëndimor, politika është thelbësisht politika e zhvillimit...

12:21 Politika

Fillimi i ri i Bashës, shkel kushtetutën e PD/ Ndryshimet statutore miratohen vetëm me 1/3 e votave të delegatëve

12:21 Politika

Basha takon Fylen: Mazhoranca po asgjeson parlamentin, vendi po shkon drejt krizës politike

11:53 Politika

Mesazhi i Fyles për opozitën: Debatet bëhen në institucionet demokratike

12:03 Politika

Nishani dekoron Federatën "Vatra" me medaljen e "Flamurit Kombëtar"

11:05 Politika

FOTO REPORTAZH/ Sa larg mund të shkojnë këta protestues?

11:07 Politika

Akuzat e Ramës/ Reagon Basha: Kryeministri punëpak dhe fjalëlumë

10:35 Politika

VIDEO LAJM/ E rrëzojnë edhe statujën e Leninit

10:31 Politika