Te fundit
Çlirimi i vërtetë i Beogradit
19 Tetor 2014, 19:32Blog
TEMA
Nga Dionis Xhafa
U desh një ndeshje futbolli për të kuptuar se në rajonin e Ballkanit, të cilësuar dikur “fuçi baruti” ndjesitë e urrejtjes etnike janë akoma të pranishme. Dimensionet sportive u thyen për tu zëvendësuar me dimensionin politik të ngjarjes. Një Ballkan i tërë nisi intrigat e vjetra, me lidhje të koalicioneve historikisht të njohura. Malazëzët nisin “sulm ndaj shqiptarëve, gjithashtu edhe grekët e maqedonët dhe nga ana tjetër mbështetës të shqiptarëve dalin aleatët e njohur, boshnjakët dhe kroatët. Duke parë këto raporte, duket sikur shtetet nuk nisen nga parimi i së drejtës, por parimi se me cilin shtet kam marrëdhënie interesi ndërshtetëror.
Huliganizmi “patriotik” serb dhe ksenofobia
Realiteti serb, siç u pa dhe në ndeshje është ai, ku kombi mbrohet me çdo çmim. Në mos, sistemin serbët e kuptojnë, që kush kryen më shumë huliganizma, sidomos kundër shqiptarëve kaq shumë të urryer prej tyre, është njeriu më i fortë dhe më i duhuri “për të përfaqësuar kombin”. Ndërsa, për botën e qytetëruar huliganët në stadiumet e Serbisë janë turpi i këtij kombi, e sidomos fytyra e Bogdanov, nga shumë serbë, ky person mos është deri edhe “idhull”. Më keq akoma është fakti se politika bëhet njësh me huliganët, duke qenë se kultura në popull është kaq e ultë. Serbia, mes tjerash dëshmoi se edhe disa prej policëve të saj i ka me sjellje ksenofobe. Derisa në ushtri, në polici dhe në administratë të sigurisë së Serbisë ka persona që kanë vrarë në Kosovë apo diku tjetër dhe kanë bërë karrierë me gjak shqiptari, kroati apo boshnjaku, nuk ka sesi mos jetë ‘normale’ edhe fuçia në stadium, edhe hyrja brutale e tifozëve etj. Nëse UEFA e dënon në tavolinë Serbinë, do ti bënte jashtëzakonisht mirë këtij shteti që vërtetë të jetë shtet. Së pari, për të ç’kriminalizuar shtetin, duke dënuar kriminelët e luftës dhe kriminelët si tifozë, që kryejnë akte vandale. Është rasti më i mirë për ti dhënë shuplakë se miti nacionalist dhe aq më tepër ksenofobia është turpi i një Evrope që po e dënon kaq shumë.
Brukseli para vendimit për “gjyqin për dy kombet”
Brukseli zyrtar po përjeton një moment që nuk duket të jetë aq i përshtatshëm. Jo më kot, Merkel mblodhi liderët ballkanikë, me qëllim që së paku Ballkani të jetë në qetësi, derisa BE-në më shumë po e shqetëson një person me emrin Putin dhe beteja e gjitha zhvillohet për Ukrainën. Parë nga jashtë, Brukseli mund ta shohë çështjen edhe në banalitetin e shprehjes “çështje shqiptarësh dhe serbësh” apo “zënkë për flamuj”. Natyrisht si shqiptar dua që tre pikët të fitohen nga Shqipëria, por kam kurajon të besoj se vendimi do të jetë i drejtë. Shpesh BE-ja ka politika në vende ku banojnë shumë etni, ku dënon dhunën, çështjet thelbësisht njerëzore dhe nuk flet në emër kombesh, gjë e cila shfaq pakënaqësi në kombet, që e kanë ngritur filozofinë e të menduriat mbi gjak dhe flamur dhe jo mbi të drejtë.
A e mban BE-ja anën e Serbisë?
Ekziston një tezë jo pa baza se Serbia “është e përkëdhelura” e Evropës. “The Economist” në një analizë të sajën përshkruante gjendjen politike në Serbi dhe politikanët serbë. Në këtë analizë thuhej se për kryeministrin Aleksandër Vuçiç ka shumë dyshime se ai është një nacionalist i thekshëm që ka ndërruar lëkurë prej një lideri përparimtar. Edhe sikur kjo të mos jetë e vërtetë dhe Vuçiç vërtetë të ketë ndryshuar, problem është se në kabinetin e Vuçiçit sot është ish-kryeministri, tanimë ministër i Jashtëm, Ivica Daçiç, nxënës shembullor i Millosheviçit. Ngjan sikur Serbia nga njëra anë e mban mirë edhe me BE-në, edhe me Rusinë, me qëllim që të përfitojë nga të dyja. Të dy aleatët që janë në “luftë diplomatike” me njëra-tjetrën përpiqet kush e kush ta mbajë sa më pranë Serbinë dhe shteti serb e shfrytëzon një rast të tillë për benefite sa më të mëdha nga ndërkombëtarët.
Pesha e flamurit të “Shqipërisë Etnike”
Ai flamur që u ngrit mbi qiellin e Beogradit sigurisht nuk është zyrtar dhe nga pikëpamja e mesazhit ishte diçka fantastike simbolike. Megjithatë, ai flamur ka histori për të dyja etnitë. Ndërsa shqiptarët e shohin si flamurin mbi të cilin kanë derdhur gjak për liri, serbët në të shohin një territor të asaj harte të flamurit të shkëputur tanimë nga shteti i tyre, Kosovën, një peng për shtetin dhe për serbët. Analisti i çështjeve të Ballkanit, Daniel Server do të argumentonte se harta mbi flamur, sido të jetë si ideologji nuk është e duhura, është irredentiste dhe jo për një Ballkan stabil. Kur Millosheviçi ndërtoi ideologjinë, sipas së cilës shteti serb do të ishte gjithandej ku ka serbë, pësoi humbje në Kroaci, në Bosnje dhe në fund në Kosovë dhe bashkë me humbjet dhe gjakderdhje të jetëve të pafajshme. Një gjë e tillë nuk duhet përsëritur nga e ana tjetër e medaljes, nga pala shqiptare.
Putini, Serbia, BE-ja, Kosova
Më ngjan se Serbia dhe Rusia kanë hyrë në një marrëdhënie mes tyre jo dhe aq vëllazërore dhe besnike si dikur, por edhe interesash. Ndërkohë që Rusia i thotë Serbisë të mos i vërë sanksione sikundër ia kërkon BE-ja, Serbia nga ana e saj kërkon nga Rusia respektim të sovranitetit të shtetit serb. Termi “respektim i sovranitetit të shtetit serb” që u përdor nga Vuçiç në takimin me Putinin, do të thotë mosnjohje e Kosovës nga Rusia. Dhe Putin e dha garancinë për këtë. Ekziston si teori, por jo aq faktike, që Kosova mund të jetë “mollë sherri” mes Shqipërisë dhe Serbisë”, sidomos me ngacmimet që po bëhen kohët e fundit. Edhe faktori ndërkombëtar ka jo pak faj për Kosovën, derisa statusi i saj ende nuk është i rregulluar ndërkombëtarisht dhe kur vetë qytetarët e Kosovës janë të ndarë për statusin e vendit të vet. Shqiptarët e cilësojnë pavarësi, ndërsa serbët në pakicë në veri dhe Beogradi zyrtar e cilësojnë akoma Kosovën si “brenda shtetit të tyre nën juridiksionin e OKB-së”. Putini e vizitoi Beogradin me rastin e 70-vjetorit të çlirimit. Në fakt, çlirimi i vërtetë i Beogradit do të ndodhte atëherë kur të hiqeshin urrejtjet etnike, kundrejt shqiptarëve, boshnjakëve, kroatëve dhe të gjithë të tjerëve.
6 komente në “Çlirimi i vërtetë i Beogradit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
MEGJITHESE I URREJ PER VDEKJE UN I KAM ZILI POLITIKANET SERBE ! DIN SI TE BEJNE PER VENDIN E TYRE .
Pse kta tanet nuk i afrohen Kines sa me shume si dikur ????? Pse per ne duhet te jet vetem kopeja e BEEEEEEEEEEEEEEEEEEEEEVE te cilet luajne me dy fytyra ???
MES TRE SHTETVE DUHET ME ZGJEDH = USA , TURQI OSE KINE OSE QE TE TREJA BASHKE .
EUROKURVES ESHTE PERT’JA BO SIC JAN BON TURQIA …NE PPPIIIIDH T’SOMES . KUR DUSH ME PRANO PO S’DESHE PRAP SME RRUHET !!!
Bota e qyteteruar dduhet te denoj fyerjet nacionaliste dhe dhunen..ndersa UEFA te ndeshkoj agresorin qe thyen cdo rregull per te zhvilluar nje loje sportive!! Jane nderprere ndeshje futbolli vetem se kane hedhur banane apo zhurme majmuni…Thirrje te disa shikuesve e jo te gjithe stadiumit..KY VENDIM DO TE KETE DOMETHENIE TE MADHE..se si zbatohen standartet..Blater e Platini duan te vdesin ne ato karrige si politikanet komunist!!!!!
Ka nje tendence ne shkrim per ta nxjerre situaten sikur kane faj edhe shqiptaret. Rama dhe Vucic keshtu e bene ne fakt, ka te drejte autori. Shqipot prape u bene pre e Serbeve!
Kete here as Iliri nuk del nga klisheja e retorikes nacionale shqiptare (ndryshe nga here te tjera). Cuditerisht gjithe Europa e ka gabim kurse vetem shqiptaret e dine te verteten ! Dhe Ilirit mund ti atribojme shpikjen e nje termi te ri “xhihadist orthodhoks”, nje term mjaft i shemtuar qe shpreh mentalitetin musilman te elites musilmane shqiptare kunder orthodhoksise. Nuk arrij ta kuptoj ketu ku hyn orthodhoksia. Nuk ka pasur as ne mesjete te tille perfytyrim per besimtaret orthodhokse.
Pavaresisht se kush e hodhi banderolen provokuese ne stadjum qe aty u konsiderua si flamur shqiptar nga vete lojtaret shqiptare, inkurajimi qe u beri presidenti i shqiperise lojtareve per “mbrojtjen e flamurit shqiptar” duke i pritur ata ne zyren e tij, eshte sikur ai i ka dale per zot ketij fakti. Dmth hipoteza qe qarqe te larta shqiptare organizuan kete provokim dashur-pa dashur I faturohet shqiperise gjersa pranohet nga presidenti i Shqiperise, nga Basha (opozita) qe dekoron lojtaret, si dhe nga eksponente te Ps (Ruci etj). Kur vete politika shqiptare u thote bravo cuna qe mbrojten flamurin shqiptar (qe ne fakt nuk ishte flamur shqiptar), dmth se axhenta reale e shtetareve shqiptare eshte pikerisht shqiperia e madhe, por vetem qe gjeten vendin e gabur (nje fushe sporti) per ta reklamuar ate. Nqs ata kane kete axhente le ta reklamojne ne aktivitetet politike, jo ne stadjumet e huaja.
Fakte: 1.
Kryebashkiaku Lulzim Basha i ka akorduar Kombëtares Shqiptare të Futbollit titullin “Mirënjohja e Tiranës”, me motivacionin: “Përfaqësoi dhe mbrojti denjësisht simbolet kombëtare, duke na dhënë nder dhe bërë krenarë për dinjitetin dhe qytetarinë e treguar, në një situatë aspak miqësore dhe të tensionuar.”-e gjen ne cdo site.
2. “Lojtarët shqiptarë, – theksoi Presidenti Nishani, – shkuan pa paragjykime si sportistë dhe profesionistë, por u ndeshën me fyerjen e simboleve tona kombëtare, me thirrje shoviniste dhe raciste, me dhunën e huliganëve dhe pjesëtarëve të stafit të sigurisë në stadium, situatë që e përballuan me dinjitet të lartë. Ata rrezikuan shumë në emër të dinjitetit dhe simbolikës që mbartin ngjyrat e flamurit kombëtar si shenjë e identitetit dhe integritetit shqiptar. (Burimi: http://www.panorama-sport.com/kombetarja/presidenti-nishani-pret-kombetaren-kombi-ju-eshte-mirenjohes/#ixzz3GrCqL9uE)
Ne kete teater absurd shqiptaret duhet te mbajne pjesen e vet te fajit. Kuptohet organizatoret kane pjesen e tyre. Nacionalizmi eshte si nje magnet qe ka dy pole, nuk ka magnet njepolesh ashtu si nuk ka nacionalizem vetem nga njera ane.
bota demokratike duhet te mesoje ,ne qofte se nuk e di, se ka shqiptare ne gjithe kete rajon,qe padrejtesisht jane nda nga trungu ame, qe padrejtesisht jane shtypur, jane vra e jane dhunuar tash e 100 vjete ! Baruti ka lind vetem nga padrejtesite!
pra evropa nuk mundet me mohuar pergjegjesine e saj ketu,as nuk mundet sot me ndryshuar situaten qe eshte se shqiptaret jane 10 millions ne kete balkans,deshten s’deshten serbet,greket,cernagoret apo makedonet!
sa ma shpeshte te kuptohet kjo ,aq ma shpejt gjindet zghidhja ose mbrenda nje entitet te vetme, ose keshtu si jemi po me te drejta per shqiptaret me pasur marredhenje te privilegjuara me shteti ame ,me perkrah kombtare,me shfaq flamurin ku figuroj te gjithe si ethnie.
Serbija gjithe diten le te mundohet, kot e ka,shqiptaret jane aty e do jene cdo dite e ma shume. Perbuzja e tyre,shtypja e tyre,mohimi e te drejtateve te tyre vetem sa e forcon problemin;
kjo u pa bukur ne bashkimin e te gjithe shqiptareve per kombtaren!
bravo Safo, analize shume e sakte