Te fundit
Moody’s: Progres në luftën anti-korrupsion, ekonomia shqiptare e qëndrueshme
22 Tetor 2014, 15:10Ekonomia
TEMA
Shqipëria ka bërë progres në luftën kundër korrupsionit dhe në reformën gjyqësore, edhe pse procesi i “konvergjencës” me standardet e Bashkimit Europian është ende i gjatë. Kjo përfshihet në raportin e Moody’s, që pret efekte të tjera pozitive me integrimin në Bashkimin Europian.
Sipas raportit, konsolidimi fiskal i ndërmarrë nga Qeveria shqiptare dhe marrëveshja 3-vjeçare me Fondin Monetar Ndërkombëtar kanë balancuar përkeqësimin fiskal të vendit në prag të zgjedhjeve të përgjithshme në Qershor të vitit 2013.
Masat e reja ofrojnë një përgjigje të rëndësishme kundrejt rënies së forcës fiskale, veçanërisht në lidhje me gjenerimin e të ardhurave. Agjencia Moody’s ka mbajtur të pandryshuar nivelin B1 për Shqipërinë, me këndvështrim të “qendrueshëm”. Analiza kreditore e Moody’s është një raport vjetor dhe nuk përbën një veprim përsa i përket vlerësimit.
Në Qershor të këtij vit, Shqipëria mori statusin e vendit kandidat për antarësim në Bashkimin Europian dhe Moody’s e cilëson si një zhvillim pozitiv.
Sipas agjencisë, Shqipëria ka bërë progres në luftën kundër korrupsionit dhe në reformën gjyqësore, edhe pse procesi i “konvergjencës” me standardet e Bashkimit Europian është ende i gjatë.
Moody’s pret efekte të tjera pozitive me integrimin në Bashkimin Europian, që ka vërtetuar se është një faktor i rëndësishëm i flukseve hyrëse të investimeve të huaja direkte. Qeveria Shqiptare po punon ngushtë me institucionet ndërkombëtare për të përmirësuar elasticitetin e strukturës së brendshme të borxhit, që përbëhet nga një maturitet mesatar afatshkurtër dhe nga një varësi e madhe nga sistemi bankar vendas.
Gjithashtu, sistemi është i ngarkuar me vëllime të mëdha të kredive me probleme.
Për më tëper, reformat gjithëpërfshirëse të Shqipërisë në sektorin energjetik, që do të zbatohen me mbështetjen e Bankës Botërore, janë thelbësore në përmirësimin e klimës së biznesit dhe në parandalimin e “grumbullimit” të borxheve.
Opinion për nivelin B1 të Shqipërisë është “i qendrueshëm”. Progresi në lidhje me reformat strukturore, veçanërisht në trajtimin e korrupsionit, forcimi i të drejtave të pronësisë dhe efikasiteti i gjyqësorit, do të rezultojë në përmirësimin e konkurrencës dhe në rritjen e tërheqjes së bizneseve. /gj.k/
3 komente në “Moody’s: Progres në luftën anti-korrupsion, ekonomia shqiptare e qëndrueshme”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
lufta kunder korrupsionit po zhvillohet ne rruge paqesore me marrveshje te dyaneshme.Bota mund te mesoje nga ne.
Bravo Kris, marreveshjet jane lidhur ndaj sna mbetet gje tjeter qe te themi se luftetaret e korrupsionit mbeten te tille perjete, politikane me bisht i ankohen njeri tjetrit per korrupsion diten per diell e naten ndajne te ardhurat.
Moody’s i ben raportet per sprapthi… Gjykatat jane plot me korrupsion , arsimi eshte me i dobet se kurre , sektori i naftes eshte goditur nga aferat korruptive , inportet dhe exportet jane pa cilesi … dhe te gjitha keto jane shkak i sistemit korruptiv … dhe ky sistem korruptiv eshte krijuar nga celula kriminale … dhe njerez me diploma te blera nga miqte … ende kullosin dhe blegerojne neper institucionet shteterore … Dhe Moody’s i merr shifrat pergenjeshtruese nga po keto institucione.
Nuk ka ulje te korrupsionit , nuk ka asnje nje pike rritje ne ekonomi… Papunesia nuk eshte ulur por as edhe ngritur , eshte konstante ashti sic ka qene. Moody’s mbase ka fakte shifrat … kurse une flas nga pervoja e perditshme se jeteses time dhe te tjereve.